Mizo naupang tamzawk duhthusam chu kan footballer ngaihsan a tak ngei a hmuh hi a ni. Chutiang ang duhthusam thleng tir theitu chu tlemte chauh anni. Chutiang duhthusam thlentir theitu zinga ami Daniel Lalhruaitluanga hi a ni.

Kum 2008 khan Tata Tea Arsenal, India aiawhin Arsenal International Soccer Festival ah Under 15 boys ah a khel ve satliah mai lovin a team te hi Plate Competition ah a Champion pui a. Semi final a Calgary Blizzard Atletico, Canada 2-1 a an hneh tumin goal khat a thun a, man of the match a ni bawk. Final ah pawh a hming a chher khawp mai Marks Park, South Africa 2-1 in an hneh a, goal thun lo mahse goal khat a siam a, Man of the Match ah an thlang leh bawk.

Heta an Champion avang hian Arsenal training chhim pha zingah an tel a, Fabregas chuan ball a pe nghe nghe.

Kum 2009 ah pawh he tournament ah hian an tel leh a, mahse hetah hi chuan Semi Final ah England team lakah an vanduai thung a ni.

Kan kal dawn tih ka hriat khan ka lawm em em a, ka players duh em em Fabregas te, players tha tam tak te leh London khawpui te leh thil dang tam tak …

A bik takin kum 2008 phei kha chu ka lungawi khawp mai, kha bak kha ka beisei lo. Mahse 2009 kan kal kha chuan khel tha tho mahila kha ai khan ka la khel tha thei chuan ka hria.

Arsenal coach pahnih Paul Shipwright leh Martin Davis ten kan team an enkawl.

Kan tumpui apiang kan hneh theih thu an sawi a, inrintawk leh dawihzep lo turin min fuih nasa khawp mai.

Arsenal coach Arsene Wenger an fuihna thuchah a rawn sawi a. Indian chu te mah ula khawvel ah in thleng sang thei, Spain te pawh lian lo mahse Europe ah an champion theih thu te a rawn sawi a. Player tha tak tak te bawk si Nasri, Xavi, Iniesta te chu min fuihnan a hmang.

Fabregas thiam ka ti deuh ber, chutihrualin Adebayor skills pawh a sang khawp mai.

An practice ground ah kan khel a, Emirates Stadium erawh ka fang tho bawk a. Kum 2009 a kan kal khan Rangers leh Arsenal inkhel kan en a, Athletico leh PSG inkhel kan en bawk.

Ropui tak a ni, a bik takin an dressing room khan ka mit a la a. Chubakah an thil engkim kha a tha em em vek mai a ni.

India football pitch te chuan Arsenal practic ground pawh a tluk lova, chumai bakah Emirates a an pitch te phei chu an practice ground ami te ai chuan la tha tak a ni.

G. Tudas, Kolkata a cheng thiam ka la ti ber. Amah hi Central Midfield ania, kan tlan duh thin.

Freekick leh Penalty hi chu ka kutah an dah a. Mahse penalty erawh kan hmu lo. Tawng lamah harsatna ka neih avangin Captain emaw Asst. Captain chu ni lo mahila, field chungah chuan ka thu khawp mai.

Mizo te hi hnamdang aiin kan skills tha zawk mahse fitness ah hian kan hniam bik khawp mai. Hetah hian kan tan chu a ngai. Chumai bakah coach training chhuak lo ten duh ang ang a coaching an pe hi tha lo khawp mai, load dik lo pek avang hian inhliam a awlsam phah a. players tam tak annih tur ang annih loh phah bawk.

A hmasa berah chuan Pathian vang ka ti lo thei lova, min tawngtai sak tu zawng zawng te, ka chhungte, thian tha te vang chauha tun dinhmun thleng thei chauh hi ka ni.

Kawmna hun tha tak min pek avangin i chungah kan lawm takzet zet a, i khelh zelna tur ah Zofooty chuan duhsakna kan hlan a che.