Zanin atang inkhel en tur a awm leh tawh dawn a, Naktuk-ah Chelsea leh Liverpool an inhmachhawn dawn a, mahse chumi hmain zaninah Club dang Big Five(???)te’n an khel thung ang. Hemite inkhel tur hi han thlirlawk ila.

Norwich City v Arsenal (ESPN 6:10 pm)
Arsene Wenger-a pawlte hian bul an tan chhiat hle hnuah an rawn insiamtha ve zel a, tun weekend inkhel ah hian Robin Van Persie a chet leh vaih chuan goal a luh leh nual a rinawm!!!

Norwich hian season tir atangin hliam an ngah em em a, hei hian tunah pawh zia lam a la pen lem lo a ang. Zak Whitbread, Daniel Ayala and Elliott Ward te hi damkawr an la ni a, an khelh pawhin bu an tan a rinawm loh a, chuvang chuan Russell Martin leh Lean Barnett te alaia an inkawp leh a rinawm ber a, he partnership hian result inpawlh angreng tak a hring a ni. Striker pahnih an hman dawn chuan Grant Holt leh Steve Morison an inkawp ang a, chumi anih loh a an tactic hman tlanglawn 4-2-3-1 an hman dwn chuan David Fox in Grant Holt rawn thlakin midfield ah a inhnawh ang.

Arsenal erawh hi chu an inthlak kual vak a rinawm lem lova, Laurent Koscielny leh Thomas Vermaelen te a laiah an inkawp leh ang a, Mertesaker tan hmun a awmlo leh dawn a ang. Sagna leh Jenkinson an inhliam avangin Djourou tan Right-back ah hmun a awm ang. Diaby leh Wilshere te chu kumthar lamah bak beisei chi an ni lova, mahse Gibbs leh Chamakh te bench ah an thut theih tawh a rinawm.

PROBABLE LINE-UP:
Norwich City: Ruddy; Naughton, Martin, Barnett, Tierney; Fox, Johnson, Bennett, Hoolahan, Pilkington; Morison
Arsenal: Szczesny; Djourou, Koscielny, Vermaelen, Santos; Song, Ramsey, Arteta; Walcott, Van Persie, Gervinho
Prediction: Norwich City 1 – 3 Arsenal

Manchester City v Newcastle United (ESPN 8:25 pm)
Tun season a hnehloh la neilo ve ve an insu dawn a, team pahnihten chak loh an duh lo dawn ve ve a, an inbei tur en a chakawm viau mai le.

Roberto Mancini hian Hargreaves leh Nasri te a chhawr theih loh hmel a, a hmasa hian calf injury a nei a, a hnuhnung zawk hi ram tana a zin naah a inhliam a ni. Aguero a khel thei tawh dawn a, tin, Vincent Kompany hi hrem anih hnuin a rawn khel leh thei tawh dawn a ni.

Newcastle lamah Gabriel Obertan (toe), Alan Smith (hamstring), Sylvain Marveaux (groin) leh Michael Williamson (ankle) te an khel theilo vek dawn a, mahse Cheick Tiote inhliamin hma a sawn hle a, inkhel ah a rawn inlan ve thei mai thei a ni.

PROBABLE LINE-UP:
Manchester City: Hart; Richards, Kompany, Lescott, Clichy; Milner, Toure, Barry, Silva; Dzeko, Aguero
Newcastle United: Krul; Simpson, Taylor, Coloccini, Taylor; Ben Arfa, Cabaye, Tiote, Gutierrez; Ba, Best
Prediction: Manchester City 2 – 1 Newcastle United

Swansea City v Manchester United (ESPN 10:55 pm)
Rawn kaithar te hian an home ah goal khat chiah an la chhuah a, tin, vawikhatmah la hneh ngailo tu Red Devils te lakah hian tlawm mai an tum bik dawnlo a ni.

Mualneitu lamin midfielder Ferrir Bodde an chhawr thei dawn lo a, Alan Tate pawh a chetsualna a la damloh avangin a inlan theilo ang. Stephen Dobbie (ankle) leh Steven Caulker (knee) te pawh an dinhmun a la chiang lem lo a ni.

United lam pawhin inhliam an nei nual a, Darron Gibson (ankle), Michael Owen (thigh), leh Chris Smalling (toe) te an khel thei dawnlo vek a, tin, Ryan Giggs, Rafael, Anderson leh Welbeck te an chiang lo vek bawk a ni. Midfielder inhliam an awm nual avangin Rooney bawkin United midfield a luahlum leh hmel viau a ni.

PROBABLE LINE-UPS:
Swansea City: Vorm; Rangel, Monk, Williams, Taylor; Dyer, Britton, Gower, Sinclair, Allen; Graham
Manchester United: De Gea; Jones, Ferdinand, Vidic, Evra; Nani, Fletcher, Rooney, Park; Hernandez, Berbatov
Prediction: Swansea City 0 – 1 Manchester United

INKHEL TUR DANGTE:
Everton vrs Wolves (8:30 pm)
Stoke vrs QPR (8:30 pm)
Sunderland vrs Fulham (8:30 pm)
W.B.A. vrs Bolton (8:30 pm)
Wigan vrs Blackburn (8:30 pm)