Inrinni zan Premier League inkhel post loh a la ni a, Chawlhni zan inkhel post a ni tawh bawk si a, club hrang hrang fans-in he website hi tan lam neiah an ngai ang tih a hlauhawm deuh. Tlaikhawhnuah, inthlahrung takin Inrinni zan inkhel ka’n post ang e.
Khel chhe zawk Arsenal an chak
Tun season-a Anfield-a la tlawm lo Liverpool chuan an mikhual Arsenal chu an hneh lova. Robin van Persie chu Arsenal tana khel tha awmchhun niin, a goal hnih hmangin Arsenal a chakpui a, tun season-a Anfield-a Liverpool hneh thei hmasa ber an ni ta a ni.
He inkhelah hian Liverpool chu inkhelh tan tirh atanga a tawp thlengin a chungnung zawk an ni tluan chhuak zak a. Mahse Dirk Kuyt chuan penalty a pet goal lova, Kuyt leh Suarez-te chuan post an pet per ve ve bawk a. Corner pawh Liverpool-in vawi 18 an hmuh laiin Arsenal hian an hmu ve lova, chu chuan an inkhel chanchin a hril chiang hle awm e.
Suarez-a tlûk phakar vangin Liverpool hian penalty an hmu a, mahse Kuyt chuan a pet goal lova, a rebound pawh a pet goal chuang lo. Hemi hnu lawk hian Liverpool tana khel tha tak Jordan Henderson cross chu Laurent Koscielny chuan an lamah a ti goal palh a. Mahse rei lo teah Van Persie chuan a head goal a. Hun pek belhah Van Persie finishing tha lutuk kan hmu leh a, angle awm tawh lovah, Pepe Reina dan rual lohva kawhin, dinglam kilah a hem goal a ni.
Liverpool hian midfield-ah Arsenal an dang chat reng a, mahse goal khung an harsat an la chhunzawm zel a. An inkhelh danah duhthusam ni mahse, goal an khung theih loh tlat avangin a tawpah an chak lova, tunah chuan Champions League khelh phak an inbeisei thei tawh lovang.
Van Persie hian tun season-ah goal 30 a khung tling tawh a, League-ah ringawt goal 25 a khung tawh a; Arsenal hian top 4 chu an beisei ngam leh chiang tawh a tih theih awm e.
City an kal zel
Manchester City chuan Bolton 2-0 a hnehin anmahni hnaih bertu Manchester United chu point 5 in an tlansan leh ta a (Chawlhni zanah United an chak avangin an inkar hi point 2 a ni leh tawh). Gael Clichy-a shot, Bolton defender Gretar Steinsson-a’n a lo dan pial hmangin City hian hma an hruai a. Hemi hnu hian City tan Mario Balotelli chuan hnai set sawt atangin a pet goal leh a, City an chak chiang hle.
He inkhelah hian beisei aiin Bolton an khel tha a, Ryo Miayaichi chuan City defender leh Joe Hart pawh a tibuai ve phian a. Chu bakah an tlar hnung lamin City hmatawngte an chai thei angreng tlat bawk.
Balotelli hian hrem vanga game 3 a khelh tawh loh hnuah pawh goal a khung thei tih a rawn lantir leh a, tun season-a a goal 14-na a ni a. Mancini chuan tun season-a a player tha pahnih David Silva leh Sergio Aguero te a chawlhtir chungin City hian Bolton hi an ngam hle a, goal an khung thei lo zawk a ni.
Heti hian City hi an home-ah vawi 19 an chak zawnna niin, an hmelma Manchester United-in home-a chak zawn rei ber record, nikum October thlaa an lo siam tawh chu an nihrual a, City hian an lehpel thei dawnin a lang.
Chelsea an chak lo!
Kum 2002 September thla atanga a zawna Premier League match-a vawi 3 chak thei miah lo West Brom chuan Chelsea lakah ber kher a zawna an vawithum chakna an han hmu a, Inrinni zana inkhel result langsar ber a ni hial awm e.
Chelsea tan Daniel Sturridge chuan goal chance tha deuh deuh vawihnih a thelh a, a tawpah West Brom hian, hun tawp hma minute 8 a la awmin, buai nuaih nuaih karah Gareth McAuley hmangin goal an khung ta si a, Chelsea an chak zo ta lo a ni.
Chelsea hian an league game hnuhnung 12-ah vawithum chiah hnehna an chang a. Tunah hian hmasawn chak Arsenal aiin point 3 in an hniam tawh a, 5-na ni mekin, Champions League an khelh phak loh mai a hlauhawm tawh khawp mai.
Inkhel dangah Wigan chuan an mikhual Swansea chu si hnih faiin an hneh lova, table mawngphahah an thu nghet zel. Blackburn-in an mikhual Aston Villa lakah si an phurh hnuin 1-1 in an draw hram a, relegate lohna chance an la nei a. Stoke City chuan an mikhual Norwich City chu 1-0 in an hneh a, pariatnaah an kaisang bawk.
Cialis health store
Generic cialis next day shipping
@ pu zaia : ti tak tak e, kan website min ti phuisui a, a thlamuanthlak thei khawp mai..
@sinlungsuok : tha lutuk. tuta mah a ni bik lo,kan zavaia ta hi lawm. a intithu thiam apiang a nimai.
#11 Tetea, i sawi khi sarcastic nge i ti tak tak chu ka hre lo. Ka ziahdan khi ka chhiar nawn leh ngat a, a chian loh theih mai thei. West Brom hian Premier League-ah hian a zawna match 3 chak (3 consecutive wins) an nei ngai lo.. tihna a ni awm e. Ka hriat bik a ni lova, mi ziah ka chhiar kha a ni mai. 🙂
Good Post.. Liverpool chuan Carrol an la neih kha maw!hehe.. RvP chu(h)… Rooney nen inkawp atan ka va’n awt tak.. Ryodinho khel hi en tam a ngai a ni…
@lalthanzama Vanchhawng – nia Zofooty chu anuam em ani, tuna chuan ka website ka ti ve tawh asin.he2.
Arsenal hi ka tan ngai miah lo na in, Van Persie te reuh hi chu ka tan tawh khawp mai. A finishing hi chu a tha ve thlawt a ni… Goal thun zel teh se Manchester Utd goal ah tih loh chuan ka phal…
Pu Zaia chu i post tha hle mai..”Kum 2002 September thla atanga a zawna Premier League match-a vawi 3 chak thei miah lo West Brom chuan Chelsea lakah ber kher a zawna an vawithum chakna an han hmu a,” ava bengvarthlak ve.ka hre ve chiah..
@sinlungsuok : iti lawmawm thin e, kan website mn ngaihhlut sak a..
Anfield = Vanfield a ni ber alawm le he2
i ron ziah dan cuh arsenal khi an va beh hmel em2…vanpersia cauhin ball a cang tih na em ni.hahhaa…arsenal chance neih cu a bo vek anih khi 😛
Van Persie hi tunlai chu a class ngei mai. tin, Liverpool lam in finisher tha an mamawh kan ti thei bawk ang chu.
Van Persie a par chhuan lai ani hrih atin ni e, suarez a thelh te kha a uihawm khawp mai.
Post tha hle mai, tlai tawh deu mase, chhiar anuam khawp mai.Inkhel enzo hnu hian zofooty ah preview chhiar hian a t 100% chau asin,
@Hehe
i rawn sawi a, ka hrechiah alawm. Ka siamtha e. Lawmawm e.
Post tha tak a ni.
Goal a pawimawh ber si a, kan chak ta a nih kha. Chu zawng chu…
a dik leh ta e…
zofooty….red ribbon tih hnuaiah te khian a inziak phei zel mai a…ka chhiar kim thei lo..nge ka computer dikloh niang le..mahse post dang hi chu a dik vek bok si a
He post hi ka chhiar thei mang lo……admin te khan han check teh u………