Inter Milan president Massimo Moratti chuan a player hlui, tunhnaia striker goal thun thei ber pawl Mario Balotelli chu Inter Milan-a lo lêt leh turin a duh thu a sawi. Moratti hian nikum transfer (August 2010) khan Balotelli hi Manchester City hnenah a hralh a nih kha.
Moratti chuan, “Theih se chuan naktukah pawh ka la lêt duh ang. A hma aṭang daih tawhin Balotelli hi chu ka dah sâng hle a ni. England-ah experience a nei tawh a, coach ṭha tak (Roberto Mancini) a nei bawk a, a thiamna tak tak kan hmu ṭan niin ka hria.” tiin a player hlui chungchang hi a sawi.
Balotelli hian kum 2007 ah Inter Milan zawmin Italian player zinga talent nei ṭha leh hmabak êng berte zinga mi nia sawi a ni ṭhin. Italian media ho in ‘Super Mario’ tia a hming phuahsakin, Inter Milan-a a awm chhung hian Serie A player zinga chanchin ngah pawl tak a ni awm e. Inter-a season 3 a awm chhung hian game 59 ah goal 20 a thun hman a ni.
January thlaah lei tumin a bei dawn em tih an zawhna chhangin, “A rawn kir leh thei tak tak angem tih chu ka hre lo. Ka duh loh vanga ka chhuahtir a ni lova, thil ṭhenkhat duhawm vak lo a thlen ṭhin avangin kawl reng kha a harsa a ni zawk. Tunah chuan a puitling tawh a, mahse England-ah a che ṭha a, England-ah hian a chetṭhat chhunzawm zel ka ring.” tiin a chhang. Tunhnaiah chuan a lei theih a inring vak lo a nih hmel.
Balotelli hian Zirtawpni zâna Italy leh Poland ten friendly match an khelh ṭumin goal nalh zet mai a thun leh a, Premier League-ah a chet ṭhat lai a ni bawk nen, Italy leh England-ah chuan an sawi luai luai a ni ber mai. Football club zinga sum nei ber (?) ah a khel a, City hian an ‘star striker’ hi an chhuahtir phal a rinawm si lova, club lian hoin duh ru fur tawh mahse tunhnai maiah chuan khawiah mah a kal a rinawm loh. Super Mario hming kan hre ngun tawlh tawlh dawn e.
source: timesofindia.com
Pingback: cialis dosage 40 mg
Pingback: buy cialis online
Pingback: viagra free delivery
Let leh mahse intermilan ah cuan a mawl leh tho ang! A mawl vanga chhuah tr alawm an nih! Kum hnih thum chhungin a fin tak thut thu awm suh e! Man city hian an enkol thiam ber anihhi. Keichu ferdinand a siai zauh vang khn ka tan ta emem ve top a
A that chu a tha a ni. Mahse ka duh aiin a taima tawk lo deuh thin. Tunah hian kum 21 chauh a la ni a, a la tha dawn chauh a nih hmel.
footballer tha chu ani ngei mai he pa hi,mhs duh ai hian amawl leh thin mai poh a.
kei chu thiam ka tih zawng ani miah lo,a mawl bak ah a chapo tel tlat
He pa hi chu khawvela footballer tha ber ni tur hian engkim hi chu a nei chiang alom!!! A mawl em mai pawh a…mahse hei a theihna a tak ram a rawn thlenpui tan dawn a ang. SAF hian han enkawl ta mai seeeee… a pui viau ang!!!:) Mourinho pawhin a ngaihna a hriatloh kha ni ve tlat a. Tun atanga rei vaklo ah chuan AC Milan ah kan hmuh ka ring tlat keichu… chuan, Messi aiin a complete zawk a(mahse Messi level ang erawh a pha lo tunah chuan), Ronaldo goal thun aia tam hi thun thei a ni bawk (hetah pawh Ronaldo level ang chu a la ni lo tunah chuan)…
Good post ! keichu ni ila ka let duh tawh lo hrim2. haha a hunlaiin min duh lo a, duh bik miah loang. haha
Va han post tha thin tak em…mase het, het3 ka ti dawn..a chan chu..’Inter Milan president in Balotelli a duh’ a duh ka phal lo bur.
Balotelli hi chu a rawn tha cho tan dawn chauin ka hria, a khelh dan atang hian. A chuak dawn tak2 chuan a transfer fee hi a pui ve ngawt ang.
He pa hi chu pa ropui tak chu a ni ve chiang a lawm,Super Mario kha a ni tlat a.Kei chu England-ah hian awm se atan a fuh ber ka ring,a bikin Mancini hnuaiah hian.
Sum hi chuan thil a ti thei e… he khawelah hi chuan..