MFA buatsaih Inter-Village Under-17 Football Tournament 2011 chu December ni 1, 2011 atangin Aizawlah khelh tan a ni dawn a. Tunah hian Village Council/Local Council 57 in entry fee hi an pe tawh a ni.Entry fee Rs. 200/- niin, November ni 15, 2011 thleng MFA Office (10:00 AM – 4:00 PM), City Park ah a pek theih ang.

Team tel an tam dawn!!!

Tuna team tel 57 te hi Aizawl khaw pawn an ni fur a, Aizawl khawchhung a Local Council team hrang hrang te chu entry fee la pe lo mah se practice an tan tawh avangin November ni 15 a ral meuh chuan team tel hi 100 chuang annih ngei rin a ni.

Tel thei chin:

Player khel thei tur chin chu ni 1 January, 1995 hnu lama piang anni anga, inkhel tur ten nu leh pa hming, passport size thlalak leh Birth Certificate original thehluh theuh tur a ni. He Tournament ah hian kum dik thei ang bera tih tum ani a, over-age pakhat pawh manchhuah an nih chuan Team pum disqualified thlenga hrem theih anni ang.

Players ten duh an thlang thei!!!

Players tu pawhin ama duhna veng/khaw hmingin a khel thei ang a, Village Council / Local Council huam chhung atangin Team khat zel tel theih ani ang. Khaw pakhata VC/Local Council pakhat aia tam an awm chuan Joint Team in an khelh phalsak ani ang.

MFA in tournament an siam satliah lo!!!

He tournament hi MFA chuan footballer tha zawn chhuahna remchangah a hmang dawn a, nakin zela age group intihsiakna hrang hranga Mizoram aiawh tur thlannaah hman a ni nghal ang.

Lawmman dawn tur:

1. Champion – Rs. 50,000/-, Trophy & Certiificate

2. Runner’s Up – Rs. 20,000/-, Trophy & Certificate

3. Semi-finalist – Rs. 5,000/- ve ve

4. Fair Play – Rs. 5,000/- & Trophy

5. Most Promising Player – Rs. 2,000/- & Trophy

NGAIHDAN KA NEI VE E!!!

Mizoram Football Association (MFA) in football hmasawn nan theihtawp an chhuah zel a, he Inter Village U-17 Football tournament an buatsaih tur pawh hi football hmasawnna chu a ni ngei mai. Chutihrualin Age Group level hi hmingchhiat awlna tak a ni thei bawk. He tournament hian kan tum ram ah min thlen tir thei a, chutihrualin ngai min awh tir thei bawk tih kan hriat a tha.

Engvangin nge hmingchhiat awlna tak a nih?

Mizo te hi hnam tlawmngai tak kan ni a, thian chhan nan chuan nunna pawh kan chan ngam ngei ang. Kan hnam hi hnam naupang tak ni mahse in chhuanna tur hi kan va ngah tak em. Chutihrualin insitna tur pawh hi a tam ve khawp mai. A bik takin rinawmna phei hi chu kan tlachham hle niin a hriat theih bawk. Zirna lamah chuan tribal kan nih avangin kum lamah hriatthiamna kan nei a, mahse sports ah chuan ka nei ve tawh bawk si lo. Chuvang chuan hnamdang tluk tur chuan (Hnam dang pawh hi kum dik lo in an khel ve thin tho) kum dik lovin kan khel thin a, hnamdang chu age group ah chuan kan tluk khawp mai, mahse senior ah chuan kan tluk meuh lo chu anih hi.

Tuna tournament lo awm tur ah pawh hian kum over tak tak, vote pawh lo thlak ve tawh te, driving licence nei tawh te, fa lo nei tawh te pawh an rawn intlar leh nuk ang. Organiser ten mahni veng duhsak emaw hmelhriat duhsak emaw an nei avanga players dang pawh chhawk ngam loh an nei chuan an hmingchhiat awlna tur tak a ni ngei ang. Pahnih khat chhawk loh palh a awm thei tihte chu kan hriat theuh a tha awm e.

Engnge kan tum ram chu?

Football hmangaihtute tum ram chu Mizoram hi India ram Football hmunpui a siam hi a ni. Chumi siam tur chuan infrastructure te nei tha tawk lo mahila talent kan nei tlat. Chu talent chu he tournament atanga hmuhchhuah theih hi a ni a, chuvang chuan he tournament hi Mizoram in football a hma a sawn zel theih nan a rahbi pawimawh tak a ni thei a ni.

Engnge ngai awh chu?

Kum dik lovin kan khel thin a, tun tournament ah pawh kan la inhmuchhuah chuang loh chuan Mizoram football hian hmasawnna a hmu dawn lova. Hma kan sawn loh chuan ngai kan awh tihna chu a ni ber awm e.

Rawtna:

Mahni awmna Local Council/Village Council tan theihtawp chhuah ila, chutihrualin kum dik lo chu tel tir lo ngam ang u. MFA lam pawn an dan siam “over-age pakhat pawh manchhuah an nih chuan Team pum disqualified thlenga hrem theih anni ang” hi hmang ngam bawk se, U-17 Tournament chu a hlawhtling ngei ang.

Team tel tawh te:

A: Armed Veng ‘S’ L.C.

B: Bawngkawn L.C., Bawngkawn ‘S’, Borai V.C., Bungzung V.C.

C: Champhai Vengthlang V.C., Chhawrtui V.C., Chite V.C., College Veng L.C.

D: Dawrpui L.C., Dawrpui Vengthar L.C., Dinthar L.C.

E: East Phaileng, Edenthar L.C.

H: Hualnghohmun V.C., Hunthar L.C.

I: I.T.I. Veng L.C.

K: Khatla ‘S’ L.C., Khawhai V.C., Khawruhlian V.C., Khawzawl Jt. V.C., Kolasib Hmar Veng, Kolasib Project V.C.

L: Lamherh V.C., Lengpui V.C., Luangmual L.C., Lungpuizawl V.C., Lungrang ‘S’ V.C.

M: Mamit Joint V.C., Mauchar V.C., Muallungthu V.C., Muanna Veng V.C.

N: Nursery Veng L.C.

P: Phunchawng L.C.

R: Ramhlun Sport Complex L.C., Republic Vengthlang L.C.

S: Sailutar V.C., Saron Veng L.C., Selesih L.C., Sihphir Venghlun V.C., Sumsuih V.C.

T: Tanhril L.C., Teikhang V.C., Thingfal V.C., Thingkah V.C., Tlungvel V.C.,Tuidam V.C., Tuithiang Veng L.C., Tumpui Veng, Kolasib

U: Upper Republic L.C.

V: Vairengte VC-I, Vairengte VC-II, Vanbawng V.C., Venghlui L.C.

Z: Zemabawk ‘N’ L.C., Zuangtui L.C.