Nilaini zânah Europe club ṭha ten Champions League an khel a, hetih lai hian South America lamah football thiam ram pahnihten friendly match an khel. Cordoba, Argentina-a Argentina leh Brazil te inkhel chu goal awm loin an inhnehtawk a, beisei angin game a ṭang lem lo. He match hi Argentina coach Alejando Sabella tân home game hmasa ber a ni.
He friendly match hi ‘Superclasico de las Americas’ tih niin September 28 ah Belem, Brazil ah second leg khelh a ni ang.
Khawnge Messi, Pato leh midangte?
Argentina leh Brazil an inkhel a, Messi, di Maria, Pastore, Alves, Pato, Kaka leh ‘star’ dang hmuh tur an awm lo. He match-ah hian domestic league-a khel mek te chauh koh an ni a, Europe leh ramdanga khel mekte an tel ve lo a ni.
Argentina: Orion; Desabáto, Dominguez, Cellay; Emiliano Papa, Canteros, Fernandéz, Zapata; Alexis Pillud, Manuel Martinez, Mauro Boselli.
Brazil: Jefferson; Kleber, Dede, Rever, Danilo; Renato Abreu, Ralf, Paulinho; Neymar, Leandro, Ronaldinho.
Inkhel thlir ang
Argentina lamin inkhel an thunun zawk a, inkhelh ṭan aṭanga minute 16 chhungin Mauro Boselli (Argentina) chuan chance vawi 3 lai a nei hman. Brazil tlarhma-a Ronaldinho leh Neymar te an hlauhawm viau a, mahse team pahnihten nidang angin game rang tak an khel lem lo. Home team tan Martinez a khel ṭha fal nalh a, a tlan thiam leh ball thiam vangin Brazil defence, a bik takin Danilo te an hawi hu hu fo mai. Martinez hian minute 30 ah long shot aṭangin a thun ṭep nghe nghe a ni.
Second half ah pawh Brazil an langsar hleithei lo a, mual neitu zawkin midfield-ah ro an rel. Minute 59′ ah Martinez chu inhliam vangin a chhuak a, hemi hnu hi chuan Argentina an hlauhawm lo sawt a, mikhual lam pawh an khel ṭha sawt a tih theih ang.
Minute 15 vel a la awm tihin game a dang thut a, team pahnihten chakna goal thun an tum a, a tâwp lamah fans ten Argentina vs Brazil ‘tak tak’ an hmu. Minute 80 ah Ronaldinho chuan chance ṭha tak a nei a, inkhel a hmuhnawm dawn chauh tihin a tâwp zui a, 2nd leg home-a khel tur Brazil hi an chan a ṭha hret a tih theih awm e.
(Match report hi goal.com aṭanga lâk a ni)
Pingback: otc cialis
Pingback: Buy viagra no prescription required
@koptea: hei hi cu brazil leh argentina domestic league a khel ho chauh an tel.
Khawnge Lucas hi??? 🙂
Post tha hle mai. Ka tran ve ve…
Good Post.. Ka hul tlat..
Dinho a chu a khel ka en v chak hle mai a..TV neih loh chu inkhel kan en v thei lo a..ho thei ngei.. 🙁
Ronald-a chu ala kûh ṭha tluang zel nimaw? Kekekeke!
Ronaldinho chu lung ava tileng ve…Keicu ka tet lai atanga ka tan tawh BRAZIL tan hian ka rinawm bur 😀
European club-a khel lo hi chu hriat an har khawp mai. Martinez hi a ṭhat hmel. A dang hi chu ka vawikhat hriatna te an ni nawk mai.
Argentina ho chu an va lar lo hlawm ve le!! Ronaldinho a lo let leh ta…second spell a va ropui em!! a ngaihna awm loooo 😀