Jerry Mawihmingthanga’n tun season Indian Super League-a a goal hmasa ber thun nan second 22 bak a mamawh lo a, ISL chanchina goal thun rang ber record thar a siam bawk.
Zanina Kerala Blasters 2-1 a an hnehna inkhelah Jamshedpur FC forward Jerry Mawia hian second 22-naa Ashim Biswas-a ball pek chu box chhungah umlutin Kerala Blasters siban nghaktu Manchester United goalkeeper hlui Paul Rachubka a tlanpelh hnuah chiang zetin a thun. Mizo tlangval hian minute 31-naah veteran player Biswas-a goal thun tur a chhawpsak ve leh a, Jamshedpur FC in an home-a hnehna an chan hmasak berah Mizo tlangval a langsar.
Inkhelh zawh veleh ZoFooty chuan Jerry Mawia hi kan be pawp nghal a,”Zanin kha chu goal thun ka inring ve deuh a, ka tawngtaina chhanin a awm a ka lawm khawp mai,” tiin goal thun chu a inbeisei ruk lain record siam erawh a inrinbik loh thu a sawi.
Jerry-a goal thun kha kan enchian chuan amah a inringtawk hle tih a lang a, a ke a ran bakah chiai hlauh loin keeper a hmachhawn a, a ball petu a fakawm ang bawkin a hmawrbawktu a chhuanawm. “A rawn up khan ka hria a..” tiin Jerry hian a sawi a, a rilru-ah keeper awmna leh goal awmna a hriat tlat avangin a goal thun khan forward tha a nihzia a pholang chiang hle. Kerala Blasters goalkeeper kha mi naran a ni lo a, Manchester United academy chhuak leh senior team tan pawh a lo khel tawh leh England tan a age level-a goal lo veng tawh a ni. Tun season ISL-ah Jerry hian goal khat thunin assist pathum a nei tawh a, Pathian zarah a dam a nih phawt chuan goal thun belh a inrin thu ZoFooty a hrilh bawk.
Aw Mizo, lawm rawh !
ISL boruak lenzia leh entu an tam thinzia kan hria a, he league-ah hian Mizo tlangval pathum ngawtin record ropui zuk nei a mawle ! Indian zinga goal thun tam ber, game khata goal leh assist nei thei naupang ber bakah goal thun rang ber record siamtute hi Mizo tlangval vek an ni.
Jeje Lalpekhlua hian ISL-ah goal 20 thun tawhin India rama mipui vaibelchhe 100 chuang zingah ani aia goal thun hnem an awm lo. Lallianzuala Chhangte khan an match hmasa ber a FC Pune City an hmachhawn tumin minute 46-naah Paulinho Dias goal thun tur a siam sak a, amah vekin minute 54-naah goal a thun bawk. Zaninah Jerry Mawihmingthanga a rawn lang ve leh a, kan footballer te zarah Mizo hming a tha leh ta !
buy cialis canada
cheap cialis
Sample cialis
Cialis professional no prescription