Barcelona leh Manchester City midfielder hlui Yaya Toure chuan Indian Super League lam a rawn hawi niin phai chanchinbu thenkhatin an tarlang.
Kum 37 a upa Ivorian midfielder hian kumin kumtir a Chinese club Qingdao Huanghai a chhuahsan hnuah club zawm a la nei leh lo a, tunlai hian League Two clu Leyton Orient training – a zawm thin niin an sawi.
Tunhnai khan ISL club thenkhat chuan Toure agent Harcus Consultancy Group chuan African Footballer of the Year vawi 4 lo ni tawh hi an zawrh niin an sawi a, a hlawh phut zat pawh season khatah $12,50,000 (Rs. 11.25 crore) vel niin an tarlang. Amaherawhchu covid -19 boruak leh Indian football dinhmun enin Toure hi $500,000 (Rs. 3.75 crore) thleng a tawlh hniam thei niin an sawi.
FC Goa director of football Ravi Shankar chuan,“Ani ang player tha leh ropuiin India ram a rawn pan duh tih kan hriat khan mak kan ti zawk hle a. A hlawh a sang dawn ropui si a, kan bawhzui ta lo a ni,” tiin a sawi. Anni bakah hian Bengaluru FC leh ISL club dang pahnih pawh Toure hi an zawrh niin TOI chuan a tarlang.
Yaya Toure hi a vanglaiin khawvela footballer langsar leh hlawh hnem ber pawl a tling pha a, Etihad Stadium – a a vanglai khan kar khatah $230,000 a hlawh pha a ni.
