Tau Devi Lal Stadium, Gurgaon ah Indian Arrows chuan Mohun Bagan chu 5-3 a hnehin season an khar tha hle. Goal 5 zinga goal 3 hi Mizo Striker Jeje-a thun a ni a, goal hnih dang hi Shilton leh Jagtar Singh te thun a ni thung. He inkhel ah hian Mizo pahnih Didina leh Jeje-a ten Indian Arrows tan first eleven an chang bawk. Jeje-a hi Man of the Match ah thlan a ni a. Hetiang ang Mizo player kan nei kan chhuang hle a ni.

Mohun Bagan : Shilton, Anwar, Kingshuk, Surkumar, Dhanarajan, Gouranga, Rakesh, Souvik, Satish, Ashim, Muritala

Indian Arrows : Jagroop, Abhishek, Raju, Deepak, Vishal, Lalrindika, Jewel, Shilton, Jibon, Jagtar, Jeje

Inkhel tan atanga minute 10 lekah Jeje chuan head goal lo chiah chiah mahse second rei lote ah Raju Gaekwad a cross chua head goal thova. Relegate thut thei Indian Arrows tan chuan thu lawmawm a ni. Minute 18 naah a Jeje partner Shilton Da Silva in a thun belh leh a. Bagan chu kawng engkimah an thunun a tih theih. Minute 21 a rawn nih chuan Jagtar Singh an Arrows tan a thun belh leh a, rinloh takin 3-0 in hma an hruai der mai. Indian Arrows an khel tha tulh tulh a, the next Baichung tia an sawi lar Jeje bawk chuan minute 24 ah goal dang a rawn thun leh a. Hetiang reng reng a bul tan that hi Indian Arrows hian an la nei ngai lo.

Minute 23 ah Mohun Bagan coach chuan substitute awmze nei rawn siamin Chidi leh Ishfaq te a rawn lut tir a. Substitute atanga lo lut Chidi chuan minute 43 naah goal a rawn thun nghal a. First half ah goal dang a luh belh lo.

Dinhmun tha zawka ding Arrows in defensive in an khel tan a. Mahse an tisual niin a lang substiture atanga lo lut tho Ishfaq a ball tha tak chu Muritala chuan goal ah a lo chantir a. Minute 78 naah Muritala bawk chuan rawn thun lehin chak tur a chiang ta tlat lo mai. He goal pawh hi Chidi siam a ni. Mohun Bagan in draw ngei tum in bei mahse Indian Arrows in Jeje-a an nei tlat. Minute 87 naah India Striker rinrawl la ni mai tur Jeje chuan goal thun lehin Indian Arrows chu hmuh him lamah a hruai kai ta a ni. Hattrick siamtu Jeje Lalpekhlua hi Man of the Match a thlan loh chi rual a ni. Mizo nih a nuam e.

Tihian Indian Arrows hi table ah 8th na ah an awm a. mahse Chirag in East Bengal an draw emaw an hneh chuan 9na ah an awm thung ang. Hetiang dinhmun an thlen theih chhan hi Mizo player vang liau liau a ni.

Hattrick Hero Jeje chuan tun season a, a khel dan chu lawmawm a tih thu leh hetiang taka a khelhthat a beisei loh thu Zofooty a hrilh a, chumai bakah season tir lama a buaina ber finishing lamah hma a sawn avangin lawmawm a tih thu leh hem kawnga puitu an coach a fak tel bawk. Players tha leh inngaitlawm Jeje-a hi Mizo te innghahna mai nilovin India ram inghahna a la nih ngei kan beisei.