Jeje tan Arjuna Award a beiseiawm em ?

India ram a infiam mite chawimawina sang Arjuna Award dawng thei turin All India Football Federation (AIFF) in hming pathum a chhawpchhuak leh ta a, an zingah hian Jeje Lalpekhlua a tel. Jeje bakah hian Sandesh Jhingan leh hmeichhe footballer Bala Devi te hming thehluh a ni.
 
Jeje hi kum 2017 khan Arjuna Award dawng tur hian Bembem Devi leh Gurpreet Singh Sandhu te nen AIFF chuan a lo nominate tawh a, amaherawhchu kha mi kum khan football atangin hmeichhe footballer Bembem Devi chauh thlan a ni.
 
Kum 2019 khan Gurpreet Singh Sandhu leh Jeje te hi nominate ni lehin goalkeeper Gurpreet hian a dawng a, Jeje hi a vawi thum nan kumin hian nominate a ni leh ta a ni.
 
Jeje hi tuna Indian footballer la khel zingah Sunil Chhetri tih loh a ram tana goal thun tam ber a ni a, India tan vawi 56 inlan tawhin goal 23 a thun.
 
Kum 1961 atanga sem tan Arjuna Award hi Mizo zingah dawng an la awm lo a, Indian footballer 26 in dawng tawhin pawisa fai cheng nuaih 5 bakah bronze statue a keng tel a ni.