Liverpool fan i nih loh chuan Jonjo Shelvey hi i la hre lo maithei a, Liverpool fans te pawhin an la hmu zeuh zeuh chauh a ni. He midfielder ‘ṭha tur’ hian Anfield a hunrei tak châm turin contract thar a ziak tih Liverpool football club chuan a puang a, eng club pawh ṭan la, a hming hi i la hre dawn chauh niin a lang.
Kum 20 a upa, Steven Gerrard thlaktu tur an tih mai ṭhin Jonjo Shelvey hian May 2010 ah Charlton Athletic aṭangin Liverpool a zawm a, tunah hian first XI changpha rih lo mahse Liverpool midfielder rinrawl ni thei tura beisei a ni. Tunah hian competition hrang hrangah Liverpool tân vawi 37 a inlan tawh a, kum 2011 khan Blackpool ah loan a chhuakin, match 10 ah goal 6 a thun nghe nghe. England U16, U17, U19 ah a khel vek tawh a, tunah hian U21 team ah a khel mek. Liverpool leh England national team hmalam tinghahhlelhawmtu pakhat a tih theih awm e.
Contract thar a ziah hnu hian Shelveychuan, “Tunah hian ka hlim takzet a ni. Season hmasa khan contract thar ziah thuai thuai ka châk a, tunah chuan ka duhthusam a thleng ta. First XI nghet nih ka duh a, a har dawn tih ka hria a, mahse theihtawp ka chhuah dawn a ni. Liverpool hmathlirah ka tel ve zel tih hriat hi a nuam a, tunah tak hi chuan nitin theihtawp chhuah a, ka ṭha tawk a ni tih manager hmuhtir a ngai. Manager in min khelhtir ṭhin dan hi ka game nen a inmil hle a, a remruatna-ah ka tel ve ngei ka beisei a ni.” a ti.
Shelvey chuan Liverpool manager thar Brendan Rodgers fakin, “Manager ṭha tak a niin ka hria. Training na-ah passing kan zir nasa a, long ball a tlem a, kan tlan tlem zawk bawk. Ball kan keng nasa a, kan khawih tam a, footballer tân chuan hei hi a nuamin inkhelh pawh a tihlimawm daih zawk a ni. Training hi nuam kan ti em em vek a, ball han pêt vel pawh a chuhin kan inchuh hial zawk.” tiin, manager thar hnuaiah ‘possession football’ an zir nasat thu a sawi.
Liverpool hian naupang ṭha tak tak an kawl nual a, Italian striker Fabio Borini chu AS Roma aṭangin lak an tum mek bawk. Borini hi kum 21 chauh ni chungin Italy national team ah a telpha tawh a, Euro 2012 ah pawh khan Italy squad ah a tel ve ngat tawh. Rodgers hian tunkar chhungin player tha tak an lakluh hman a beisei thu a lo sawi tawh a, he player ṭha tak hi Borini a nih ngei a rinawm. Rodgers hian Chelsea academy leh Swansea City ah te Borini hi a lo enkawl tawh ṭhin nghe nghe.
source: espn.co.uk
buy cialis canada
generic cialis canada
Low price cialis
Cialis prescription
[…] Rodgers-a game plan ah hian Jonjo Shelvey te ho lawm viau mahse (HETAH chhiar rawh) pound maktaduai 35 man Andy Caroll ‘khelh thiam chi’ a ni ve tlat lo. Feet […]
duhthusam in ala rwn chwr chhuak dwn tih k chiang
Kan players la rawn tha tur a nih hi,nakin lawk ah chuan in la hmelhriat thhuai mai ang
He pa hi chu a la tha dawn a lawm, a lian tha bwk a, beisei awm ber pawl a ni..,
Jonjo hi Henderson ai chuan ka duh zawk fee… A future a bright khop mai..
A khel ka en ve chinah chuan ala ropui vak pohin ka hrelo, mahse alo la nopang em anih hi. Tha chho turah chuan han beisei phot ila..
A khel voi 2 vel ka hmu tawh,a tha ka ti em2 lo tlats
Liverp khelhdan tur cu ka rilrem zwg tak anih hmel..a la liga raih dwn a ag..an coach hi hlwhtlig teh se..
A khel ka la hmu miah lo mai. En a chakawm hle mai. Good post
Liverpool-ah chuan Lucas ka duh deuh ber mai. Chumi zawhah chuan Agger emaw Shelvey emaw hi an ni ngei ang. Player tha tak anih ngei ka beisei.
Liverpool hian chhanchhuaktu an va ngai tak em!! He naupangte hi ni thei tak ang maw??