Spanish left back Jose Enrique chu season tharah Liverpool kawr hâ in kan hmuh ngei a rinawm ta. Liverpool leh Newcastle United te chu player man ah an inrem tawh a, zanin hian medical test a nei ang a, a paltlang chuan Liverpool player thar a ni tawh ang.
Kum 25 a upa Enrique hi £6 million velin an lei nia report a ni a, tun nipui bazar-a Liverpool player thar pangana a ni. Kum 2007-a Newcastle a zawm dawn pawh khan Anfield lama lakluh hi an lo tum tawh nghe nghe a ni.
Left back position hi tunhnaia Liverpool buaina lian ber pawl a ni awm e. Benitez a awm laiin Insua, Aurelio leh Dossena te a hmang ṭhin a, inhliam leh form ṭhat loh vangin an inkhelhchhâwk kual ṭhin. Roy Hodgson manager a rawn ni a, Fulham aṭangin Konchesky a rawn hruai a, kum khat pawh a daih lo. King Kenny khan right back aṭangin Glenn Johnson kha a pawt phei ṭhin a, tunah chuan left back dik tak a nei dawn ta a ni.
Enrique a rawn lut ták ah chuan Johnson hi dinglamah a insawn phei hmel a, chuti a nih chuan beisei aia rawn che ṭha Jack Robinson leh Martin Kelly te hi kan hmu khât deuh dawn niin a lang. Dinglam leh veilamah chuan Liverpool an ngaihtuahawm tawh lo e.
Enrique bihchianna
Valencia, Spain-ah January 23, 1986 ah a lo piang a. A club hmasa ber chu Levante niin kum 2004 khan a zâwm a, game 19 a khel hman. Valencia an rawn lang vat a, kum 2005 ah an la lut. A khelh phâk hmel loh avangin Celta Vigo lamah 2005-06 season chu loan in a khêl a, heta a khelh ṭhat em avang hian Villareal-in loan a zawh ve leh an lei nghal a ni.
Kum 2007 ah Newcastle United a zâwm a, a tirah bul ṭan tha lo. Newcastle United an relegate hnu ah pawh a chhuak duh lo a, hei hi a tifuh hle. 2009-10 ah Newcastle United player of the season a ni a, Championship team of the year-ah a tel bawk. A club chu Premier League-ah a rawn lêt pui leh a, season hmasa-a a khelh dan chu kan hriat kha. Newcastle United ah hian kum 2012 thleng contract a nei a, contract ziah belh tura an inbiak lai mekin twitter lamah club transfer policy a lo sawisel a, contract a ziah dawn loh thu a sawi.
Liverpool veilamah Stewart Downing nen an inthlâwp dawn a, anni pahnih inkawp aia ṭha hi EPL ah an awm bik lo. Liverpool fans ten season thar an nghakhlel tawh a, nghakhlel awm rêng pawh an ni e. Enrique an nei tawh tlat alawm.
cialis from india
cialis coupons
coupon for cialis
buy generic cialis
Cialis professional 100 mg
Buy cialis online cheap
Kan champion loh chhan tur ka hre tawh love.
A van nuam haih haih ve le. Champion a va hnai ta ve….
A thlamuanthlak ta haih2 hle mai
Mamawh chhanna ni tawh ngei ang.
@koptea (U Puia) : Centre back chiah a ngai tawh he2
Van nuam ve aw….kan kim ta tikha chuan…:)
Uai! FPL a ka team te siksawi an va ngaih hmel ve. Liverpool chu top 5 ah an awm phak ve tawh em ang chu!