JULY 13 AH CITY HMA HUN TUR A CHIANG DAWN

Financial Fair Play dân an palzut avanga season hnih chhung UEFA in European club competition a tel thei lo tura an hrem Manchester City chuan July 13 ah hian hremna an tawh chu a kaltlang dawn nge dawn lo an hre thei dawn.

UEFA in an hremna hi City chuan Court of Arbitration for Sport ah thla kalta khân an khing lêt a. Ni 3 chhung video conference hmangin Switzerland lama CAS office ah an inlan a, chuta CAS thutlukna chu karleh lehpekah hian a chhuak dawn ta a ni.

City hi season hnih Europe a inlan thei lo tura hrem an nih bâkah hian €30m chawi tura tih an ni bawk a, an khinlêtna hi a hlawhtling lo a nih chuan season hnih chhung European football an khelh dawn loh bâkah €30m an chawi bawk dawn tihna a ni a. Tin Premier League lamah season tawpa 5-na in Champions League an khelh phah thei dawn bawk a ni.