Juventus A Vawi 28 Nan Serie A Title La In An Champion!

Juventus chuan nizan ah Cagliari 0 – 2 a hneh in, an mahni hnaih ber tu AC Milan chu Inter Milan in an lo hneh ve bawk si avangin kum 20011 – 12  Serie A champion an rawn ni ta. Juventus hian point 4 in an hma an hruai tawh a, game khat la khelh tur awm mahse pawhthlak theih an ni tawh lo a ni. Ti hian Juventus chu official tak in vawi 28 an champion ta a, 2002 – 03 kha an champion hnuhnun ber ni in kum 9 hnu ah Bianconeri ho chuan Scudetto (Little Shield tih na; Serie A a champion ten an jersey kawr hma lai takah current champion an ni tih lantir nan an bel thin) hlu tak chu an la leh ta a ni.

Cagliari 0 – 2 Juventus

Inkhel ah hian Cagliari leh Juventus hian 4-3-3 formation an rawn hmang ve ve a, chak tum ve ve in an rawn in rem.Mikhual Juventus hian bul an tan tha zawk a, tan atang a rei vak loah Bonucci ball pek fing tak chu Mirko Vucinic chuan goal ah a chantir, Cagliari defending an thiat nalh kher mai. Hemi hnu hian Cagliari lam an khel tha zawk a, a lai ah ball an chang hnem zawk. Mahse goal an thun theih miau loh avangin chawlhlawk ah 0 – 1 a ni.

2nd half ah pawh Cagliari tho in bul an tan tha a, penalty appeal nei mahse referee in a pe lo. Caglairi in ball an changtam a, Juventus an hlauhawm zawk. Min 74-na ah Caceres cross chu Michele Canini  chuan lo tawk pial in keeper chung ah kal in an lamah a ti lut. 2 – 0 ani tawh a, hemi hnu lawk hian Juventus tana thu lawmawm tak, San Siro-ah Inter in Milan lakah 3 – 2 in hma an hruai mek tih an hria. Juventus an lawm a, an phur tulh tulh a fans te ho an sahawk vek tawh. 4 – 2 Inter an chak tih an hriat hnu phei chuan Juventus fans leh players bench a awm chu an sapatal ani ber tawh. Hun a tawp zui a, Juventus chu 2011 – 2012 Serie A champion an ni ta.

Juventus- The Invincibles?

Tun season ah hian Antonio Conte hnuai ah Juventus in game ropui tak tak an khel a, game 37 khel tawh in hneh loh an la nei lo! Goal 65 thun tawh in goal 19 chiah an la chhuah a, an chak loh hnuhnun ber chu May 2011 a Parma ah hneh loh daih kha ani tawh! Vawi 22 chak tawh in vawi 15 an draw a, game khat la khelh tur awm ah an chak emaw, an draw emaw chuan tun season ah Juventus hian hneh  loh neilo in Serie A title hi an la dawn tih na a ni.

Juventus in an jersey-ah star 3 bel an tum

Juventus hi tun ah official tak chuan vawi 28 an champion na chiah ani ta a, amaherawh chu 2004 – 05 leh 2005 – 06 title Calciopli thubuai vanga an hlihsak kha Italian Football Association (FIGC) lam in an tisual ni in an hre ve tlat a, chuvangin tunah vawi 30 champion tawh angin an in chhal. Heti anih chuan season thar an jersey-a an batch chung ah arsi 3 dah an tum ta a (tun ah arsi 2 an dah), hei hian vawi 30 an champion tawh tih a entir a ni (vawi 10 title an lak in arsi pakhat zel an bel thin). Hemi chungchang hi chu post hmasa lam ah kan tarlang tawh a, a en leh duh tan HETAH a en theih e.

Zlatan Ibrahimovic in kum 8 a zawn a a khelhna club title a lak pui a tawp ta..

Swedish striker palian Zlatan Ibrahimovic chuan a kum 8 teh meuh mai a zawna a khelhna club League title a lakpui thin cu Juventus chak avang hian tih tawp in a awm ta. Ibrahimovic hian 2003 atanga Ajax club title a lakpui atang in a khelhna club reng reng ala champion pui ziah thei a, heng ah te hian palyer pawimawh a ni ziah thei nghe nghe. Heng kum 8 chhung hian Ajax vawi 1, Juventus vawi 2, Inter Milan vawi 3, Barcelona vawi 1 leh AC Milan vawi 1 title a lakpui a ni.

 Serie A Table:

 

13 thoughts on “Juventus A Vawi 28 Nan Serie A Title La In An Champion!

  1. Pingback: cialis 20

  2. Pingback: buy cialis online

  3. Pingback: Cialis medication

  4. Zama Rumkhar Post author

    hahhaa. Lalram thar a zawng in. Nia champion inthlak runpui tun season chu a awm a nni League tin ah

  5. Xavi fanai

    League lian pathuma roreltute cu lalram tharin an rwn thlak vek dwn ava ag ve..zebras ho ka lwmpui e..

  6. Zama Rumkhar Post author

    Juventus player a ka lawmpui ber chu Buffon, pirlo te ho. Buffon te hi khawvel a keeper tha ber pawl anih lai reng khan Juventus division hniam ah an tla a, a chhuak duh chuang lo. rinawm ve khawp mai

  7. Zama Rumkhar Post author

    Season tan tirh kha chuan Juve hi an champ ka ringlo hrim2, Milan bawk an nih kan ring leh a. mase an Unbeaten record hi a bawn fu ni. arsenal 03-04 invincibles te ho an deuh kha lawm le an nih le..

  8. Lalthanzama Vanchhawng

    Zam Rumkhar hi tunlai chu post i nei tha thei riau mai. I titha lutuk tlat ! ZoFooties Admin leh Author ho min awi nung a. I post pawh a chhiar a nuamin a ngaihnawm thin khawp mai. JUventus ho cu nie an luhlul khawp mai. 🙂 Bel THUM chu an kai thei ang em aw. an pawmpui si loh chuan te ka lo ti mai mai.. Good post macha

  9. laipuichhuanga

    Ne an phu narwh e,D.Piero lh Pirlo ka lwmpui,ka hmagaih Ajax fan an fans ten an vih hlum atag khn Juve hi ka huat phah viaua,ka chuam Ibra’n apan daih ph khn ka gei tepa,mhs ka gaidam ta hram aniah,Ibra record ropui cu ka lo hre miahloa,aropui hle maia…hn vwi 10 thei lw2 sla tha tr niah

  10. Xiang

    Juventus hi rin aiin an lo turu tlat……Milan leh Inter te hian an lo la pha lo khawp mai a.

  11. Mykee Rokhum

    Bianconeri chu an pui hle mai, 37-0, 38 law law rawh se…an lawmpuiawm e…!!! Hemite hi chu ka follow ve nasa a…ka hmuhdanah chuan champion hi an phu ngawih ngawih a ni. An khel a pui lutuk tlat, an inkhel apiangah an chungnung zel a tihtheih alom le…an midfield a khawng a, tin, anni aia talented zawk players neite an khelh pawhin an chungnun zawk nan a pressure an pek reng dan leh an thawrimmna te, chuan an passing leh movement kha a rangin a fing thei lutuk… Coach Antonio Conte a fakawm…quality striker (20-30 goals a season) nei phei se chuan March thla tawp vel khan an champion daih tawh ang!! Goal thuntu mumal nei lemlo in an goal thun pawh a inzah nuk hlawm anih kha. Good Post!!

Leave a Reply

Juventus A Vawi 28 Nan Serie A Title La In An Champion!

Juventus chuan nizan ah Cagliari 0 – 2 a hneh in, an mahni hnaih ber tu AC Milan chu Inter Milan in an lo hneh ve bawk si avangin kum 20011 – 12  Serie A champion an rawn ni ta. Juventus hian point 4 in an hma an hruai tawh a, game khat la khelh tur awm mahse pawhthlak theih an ni tawh lo a ni. Ti hian Juventus chu official tak in vawi 28 an champion ta a, 2002 – 03 kha an champion hnuhnun ber ni in kum 9 hnu ah Bianconeri ho chuan Scudetto (Little Shield tih na; Serie A a champion ten an jersey kawr hma lai takah current champion an ni tih lantir nan an bel thin) hlu tak chu an la leh ta a ni.

Cagliari 0 – 2 Juventus

Inkhel ah hian Cagliari leh Juventus hian 4-3-3 formation an rawn hmang ve ve a, chak tum ve ve in an rawn in rem.Mikhual Juventus hian bul an tan tha zawk a, tan atang a rei vak loah Bonucci ball pek fing tak chu Mirko Vucinic chuan goal ah a chantir, Cagliari defending an thiat nalh kher mai. Hemi hnu hian Cagliari lam an khel tha zawk a, a lai ah ball an chang hnem zawk. Mahse goal an thun theih miau loh avangin chawlhlawk ah 0 – 1 a ni.

2nd half ah pawh Cagliari tho in bul an tan tha a, penalty appeal nei mahse referee in a pe lo. Caglairi in ball an changtam a, Juventus an hlauhawm zawk. Min 74-na ah Caceres cross chu Michele Canini  chuan lo tawk pial in keeper chung ah kal in an lamah a ti lut. 2 – 0 ani tawh a, hemi hnu lawk hian Juventus tana thu lawmawm tak, San Siro-ah Inter in Milan lakah 3 – 2 in hma an hruai mek tih an hria. Juventus an lawm a, an phur tulh tulh a fans te ho an sahawk vek tawh. 4 – 2 Inter an chak tih an hriat hnu phei chuan Juventus fans leh players bench a awm chu an sapatal ani ber tawh. Hun a tawp zui a, Juventus chu 2011 – 2012 Serie A champion an ni ta.

Juventus- The Invincibles?

Tun season ah hian Antonio Conte hnuai ah Juventus in game ropui tak tak an khel a, game 37 khel tawh in hneh loh an la nei lo! Goal 65 thun tawh in goal 19 chiah an la chhuah a, an chak loh hnuhnun ber chu May 2011 a Parma ah hneh loh daih kha ani tawh! Vawi 22 chak tawh in vawi 15 an draw a, game khat la khelh tur awm ah an chak emaw, an draw emaw chuan tun season ah Juventus hian hneh  loh neilo in Serie A title hi an la dawn tih na a ni.

Juventus in an jersey-ah star 3 bel an tum

Juventus hi tun ah official tak chuan vawi 28 an champion na chiah ani ta a, amaherawh chu 2004 – 05 leh 2005 – 06 title Calciopli thubuai vanga an hlihsak kha Italian Football Association (FIGC) lam in an tisual ni in an hre ve tlat a, chuvangin tunah vawi 30 champion tawh angin an in chhal. Heti anih chuan season thar an jersey-a an batch chung ah arsi 3 dah an tum ta a (tun ah arsi 2 an dah), hei hian vawi 30 an champion tawh tih a entir a ni (vawi 10 title an lak in arsi pakhat zel an bel thin). Hemi chungchang hi chu post hmasa lam ah kan tarlang tawh a, a en leh duh tan HETAH a en theih e.

Zlatan Ibrahimovic in kum 8 a zawn a a khelhna club title a lak pui a tawp ta..

Swedish striker palian Zlatan Ibrahimovic chuan a kum 8 teh meuh mai a zawna a khelhna club League title a lakpui thin cu Juventus chak avang hian tih tawp in a awm ta. Ibrahimovic hian 2003 atanga Ajax club title a lakpui atang in a khelhna club reng reng ala champion pui ziah thei a, heng ah te hian palyer pawimawh a ni ziah thei nghe nghe. Heng kum 8 chhung hian Ajax vawi 1, Juventus vawi 2, Inter Milan vawi 3, Barcelona vawi 1 leh AC Milan vawi 1 title a lakpui a ni.

 Serie A Table:

 

Leave a Reply