Serie A champion Juventus chuan Season tharah an jersey-a crest chungah Arsi dah lovin, a hnuaiah “30 sul campo” tih an ziak dawn zawk a ni. Hei hi a awmzia chu “Field chhungah vawi 30” tihna a ni.

Official in an pawmpui-ah chuan Juventus hi Serie A ah vawi 28 chiah an la champion a. Mahse  2004-05 leh 2005-06 a an champion, match fixing buaina vanga an hlihsak kha Bianconeri ho chuan an champion angah an la in dah avangin arsi 3(vawi 10 champion ah arsi 1) dah an tum a nih kha. Mahse arsi pakhatmah an dah leh dawn si lo a ni.
Juventus commercial director Francesco Calvo chuan ” Hun rei tak chhung chu kan kawra arsi 3 dah theih a nih leh nih lo hi an lo sawi nasa a ni. A sawitute hi mipui ngaihdan inang lo tak tak te, chanchinbu mite, authorities lamte an ni a. Mahse Juventus chu hetah hian a inrawlh ve ngai lo a  ni. A chhan chu kan club leh fans te chiah hian Juventus nihna chu kan pholang thei a ni. Kan kawr hian Juventus leh a mipuite a entir a, kan kawra arsi dah loh hi league enkawltute lam pawn min phalsak tawh a ni” a ti.

Juventus hian arsi 3 hi an stadium leh an headquarter velah chuan an dah tho a, mahse an kit a an dah chuan Italian Football Federation hrem theih an nih avangin a thu a ziah hi an rel thlu ta zawk a ni.

Tin Calvo hian Season thara an away jersey chu a Dum a nih dawn thu a sawi.