Denmark a UEFA Under 21 Championship khelh mekah rinkai pahnih Spain leh England te Group B ah awm dunin nizan khan an inkhel a. Goal khat ve ve thunin an inhnehtawk.

Inkhel report:-
Spain tan minute 14 naah Thiago Alcantara(Barcelona) corner chu Real Zaragoza midfielder Ander Herrera(At.Bilbao zawm tur)chuan mawi takin a thun a. England a bet zawkah an tang. Half-time thleng chu Spain hian 1-0 in hma an hruai. Second Half ah England coach Stuart Pearce in substitution awmze nei an rawn siam a.Jack Rodwell(Everton),Henri Lansbury(Arsenal),Scott Sinclair(Swansea) te chuan Michael Mancienne(Hamburg),Danny Rose(Spurs)leh Tom Cleverley(Man Utd) te an rawn thlak a. England in an nawr let. Minute 88 naah Man Utd striker, Sunderland lama loan a kal hlawhtling tak Danny Welbeck chuan Kyle Walker(Spurs) thawhrah chu goal ah a lo chantir a,England draw na goal a thun. Goal dang a awm belhlo.

Players te chungchang:-
Spain tan David De Gea(At.Madrid) chuan a save hnem hle a.Spain captain Javi Martinez(At.Bilbao) leh Thiago Alcantara(Barcelona) te an khel tha hle. Thiago hi man of match ani nghe nghe.

England tan Chris Smalling(Man Utd)leh Phil Jones(Blackburn)inkawp an ding nghet hle a.Spain in nawr mahse goal khat bak an thun theilo ani. Right back Kyle Walker(Spurs) a kheltha tluan a. Jack Rodwell(Everton) lo lut in game awmze nei a rawn entir.