Khawvelah hian ball pet thin ringawt pawh an tam hle awm e.Heng ball pet thin zingah pawh hian khawvel deng dawt khawpa tha tur pawh an awm nual ang.Football club lian te hian player zawngchhuak tur(scout) bakah football zirna(academy) an nei thin.Heng zinga an hmuh te ah pawh hian ‘mi bik’ riau an awm leh a.Tunah hian mi 5 lai ka rawn thlang ve a.Heng mite hi nakin lawkah chuan kan league en thin leh inelna lian hrang hrang ah an hming an la chher ngei ang.

1.Thiago Alcantara hi Brazil tana World Cup pawh lo chawi tawh Mazinho fapa upa zawk ani a.Italy a Bari khua ah a lo piang a.FC Barcelona Academy ah lutin tunah hian FC Barcelona First team ah a tel pha tawh ani.He naupang special kum 20 mi hian FC Barcelona tan game 14 khel tawhin goal 3 a thun tawh ani.Tunhnai khan Spain chu UEFA Under 21 ah a champion pui a.FC Barcelona ah hian 2017 thleng daih contract thar a ziak bawk.

2.Xherdan Shaqiri hi kum 19 chauh ni mahse Switzerland midfield innghahna ani tawh a.FC Basel a jerey #17 ha hi tunlaia player beiseiawm ber zingami ani.Yugoslavia a piang ni mahse Switzerland tan a khel a.Kum 19 ah ram innghahna player ani thei.

3.Romelu Lukaku hi kum 18 chauh ni mahse 2010-2011 season pawh khan Chelsea in lei an tum daih tawh ani.Chelsea player duh chu a chhe theilo.Anderlecht tan game 71 ah goal 31 a thun thei.Tunah hian Belgium Senior team ah pawh regular takin a khel tawh ani.

4.Connor Wickham hi a kum rualpui te aia thleng sang bik thin ani a.Ipswich ah bul tanin tunah hian Sunderland tan a khel tawh dawn ani.Kum 18 mi in England Under-21 tana striker nih phak chu a ropui thawkhat hle.Striker lian leh chak tak,ball thiam leh positioning dik em em ani.

5.Naupang thiam han tih chuan Arsenal leh England midfileder Jack Wilshere hi kan hmaih a thianglo.Kum 9 anih laia England school tournament a top-scorer ni thei hian kum 10 hnuah ram leh club innghahna ani thei.A thiamzia,thatzia,finzia leh huaisenzia chu sawi tam a ngailo ang.Tunlai naupang te entawnber ani awm e.’Justin Bieber of Football’ hi tunlaia naupang footballer ah chuan a lar ber awm e.

Heng player te hi naupang hle mahse an ram tan an tangkai a.An ram te hi football thiam ram an ni vek a.Heng ram anga naupang tha bik nih chu an thawkrim in an thiam bik hle tih a hriat theih awm e.