Kolasib XI in Silchar XI an sawp..

Estimated read time 3 min read

Tunhnaiah Mizoram football hian hmuh theih khawpin hma a sawn a. Kan Mizo players te state pawna an chak thu kan chhuah reng a. Tin, Lammual-ah artificial turf phah a ni tawh a, tunah hian Thuamluaia Mual, Lunglei leh Rajiv Gandhi Stadium, Mualpui-ah phah zawh a ni leh tawh a. Heng zawng zawngin a entir chu Mizoram football-in hma a sawn tih hi a ni.

AFC leh Luangmual FC chak thu kan tarlang chuai chuai a, tunah erawh Kolasib XI chak thu kan tarlang ve thung ang. Facebook lamah te kan hriat tawhin Cachar leh Mizoram chu ram in thenawm leh inhnaih tak kan ni a, sumdawnna kawngah te kan inpuihtawn chhunzawm zel theih nan leh in unauna tha kan neih theih nan tiin Cachar DC leh Kolasib DC chuan football friendly match khelh ni se ti a an lo rel chu vawiin khan khelh a ni.

Kolasib XI leh Silchar XI te hi vawiin chawhnu khan Aizawl FC te’n I-League 2nd Division qualifier an khelhna DSA Stadium, Silchar-ah an inkhel a. Kan Mizo players te hi 3-0 in an chak a ni. Nicky Vanlalhmuaka goal hnih leh Laldinthara goal khat hmangin Kolasib XI hi an chak a ni.

Kolasib XI hruaitu te zing a mi Pu Sangliana hnen atanga thu kan dawn danin inkhelh tantirh atangin Kolasib XI hian an nawr nghal a. 4-3-3 formation hmangin Kolasib attacking hi a hlauhawm nghal em em a ni. Mahse kan Mizo players te hian goal an thun thei lawk bik lova, first half-ah goal awm lovin an tawp a ni.

Second half an tan chiah tihin Kolasib XI te hian an nawr leh nghal a. Free-kick an hlawh chhuak nghal a. Defender Thankima (Tk-a) cross tha zet chu Electric veng striker Nicky Vanlalhmuaka chuan mawi lutukin a lo head goal a ni. Hemi hnu, minute 49-ah Thartea nen mawia taka in pass-in Nicky-a bawk hian mawi zetin a pet goal leh a, Kolasib XI hian 2-0 in hma an hruai der a ni.

Inkhel pawh a tang chho zel a. Minute 60-ah goal hnih thun tawhtu Nicky-a chuan ball tha tak a cross lut a, hei hi Diakkawn player Laldinthara chuan mawi lutuk in a lo head goal ve thung a ni. ZoFooty chuan he match-ah hian goal hnih thuna goal khat assist bawk tu Nicky Vanlalhmuaka chu Man of the match-ah a thlang a ni.

Kolasib XI-ah hian a tam ber chu College Veng players te an ni a. An ni hi Red Ribbon tura in puahchah mek an ni a, an fit hlawm hle a. Tin, an ni bakah hian Kolasib-a players tha thlanchhuah te an tel ve bawk a ni.

He inkhelh ina a tum ber chu Cachar district te nena in unauna tha kan neih theih nan a ni a. Ram thenawm kan nih angin sumdawnna leh kawng engkimah inpuitawn tur kan ni a, hemi hi hre rengin DC pahnih te chuan hma an la a, an chungah hian Mizoram football fans ai awihin lawmthu ka sawi duh a ni. Tin, Cachar Sports Association lamin kan Mizo players te hi an lo dawngsawng tha em em a, an chungah hian Kolasib players te leh hruaitu te chu an lawm tak meuh meuh a ni. Kolasib players te paw’n hetiang ang field thaa inkhelhna hun an nei thei hi an lawmthu an sawi bawk.

You May Also Like

More From Author

17Comments

Add yours
  1. 3
    Lalthanzama Vanchhawng

    @cleverley VRT : iti lawmawm thin e 🙂 Nia, nangni ho nen thawk hovin Mizoram football hi kan promote ang chu le. Chuan facebook lamah min rawn invite la aw, ka username ang khian ka indah chuan. min rawn inbox zeuh la aw , nagmah ini tih ka hre dawn si lova 🙂

  2. 4
    Cleverley VRT

    Tunlai chu zama hi che bawn thei ani, a topic kan chhiar chiah khan zama bak hetiang post tur hi ka hre lo, mizoram football promote ka tum a tih kha chu a puitlin ngei ka ring, keini ang tawngkam thiamlo hian ka lo chhiar hem hem ang e…

  3. 13
    Koptea (Upuia)

    E khai….thu leh hla lama miril kn nih loh bakah in thu pot chhiar hi nuam em a..chhiartu nih hi nuam zak tlat….:)

  4. 15
    Koptea (Upuia)

    Post tha thei khawp mai…bengvarthlak thin e…Vanglaini Tetea ai cuan Zofooty Tetea thu ziah hi ka chhiar tam ta zawk tlat….a manhla em mai….:)

  5. 17
    Koptea (Upuia)

    E khai…Eng game pawh ni se ram/State dang hi chu hn hneh em em ringawt ila a tha ber mai…lawmawm hle mai….

+ Leave a Comment

Kolasib XI in Silchar XI an sawp..

Tunhnaiah Mizoram football hian hmuh theih khawpin hma a sawn a. Kan Mizo players te state pawna an chak thu kan chhuah reng a. Tin, Lammual-ah artificial turf phah a ni tawh a, tunah hian Thuamluaia Mual, Lunglei leh Rajiv Gandhi Stadium, Mualpui-ah phah zawh a ni leh tawh a. Heng zawng zawngin a entir chu Mizoram football-in hma a sawn tih hi a ni.

AFC leh Luangmual FC chak thu kan tarlang chuai chuai a, tunah erawh Kolasib XI chak thu kan tarlang ve thung ang. Facebook lamah te kan hriat tawhin Cachar leh Mizoram chu ram in thenawm leh inhnaih tak kan ni a, sumdawnna kawngah te kan inpuihtawn chhunzawm zel theih nan leh in unauna tha kan neih theih nan tiin Cachar DC leh Kolasib DC chuan football friendly match khelh ni se ti a an lo rel chu vawiin khan khelh a ni.

Kolasib XI leh Silchar XI te hi vawiin chawhnu khan Aizawl FC te’n I-League 2nd Division qualifier an khelhna DSA Stadium, Silchar-ah an inkhel a. Kan Mizo players te hi 3-0 in an chak a ni. Nicky Vanlalhmuaka goal hnih leh Laldinthara goal khat hmangin Kolasib XI hi an chak a ni.

Kolasib XI hruaitu te zing a mi Pu Sangliana hnen atanga thu kan dawn danin inkhelh tantirh atangin Kolasib XI hian an nawr nghal a. 4-3-3 formation hmangin Kolasib attacking hi a hlauhawm nghal em em a ni. Mahse kan Mizo players te hian goal an thun thei lawk bik lova, first half-ah goal awm lovin an tawp a ni.

Second half an tan chiah tihin Kolasib XI te hian an nawr leh nghal a. Free-kick an hlawh chhuak nghal a. Defender Thankima (Tk-a) cross tha zet chu Electric veng striker Nicky Vanlalhmuaka chuan mawi lutukin a lo head goal a ni. Hemi hnu, minute 49-ah Thartea nen mawia taka in pass-in Nicky-a bawk hian mawi zetin a pet goal leh a, Kolasib XI hian 2-0 in hma an hruai der a ni.

Inkhel pawh a tang chho zel a. Minute 60-ah goal hnih thun tawhtu Nicky-a chuan ball tha tak a cross lut a, hei hi Diakkawn player Laldinthara chuan mawi lutuk in a lo head goal ve thung a ni. ZoFooty chuan he match-ah hian goal hnih thuna goal khat assist bawk tu Nicky Vanlalhmuaka chu Man of the match-ah a thlang a ni.

Kolasib XI-ah hian a tam ber chu College Veng players te an ni a. An ni hi Red Ribbon tura in puahchah mek an ni a, an fit hlawm hle a. Tin, an ni bakah hian Kolasib-a players tha thlanchhuah te an tel ve bawk a ni.

He inkhelh ina a tum ber chu Cachar district te nena in unauna tha kan neih theih nan a ni a. Ram thenawm kan nih angin sumdawnna leh kawng engkimah inpuitawn tur kan ni a, hemi hi hre rengin DC pahnih te chuan hma an la a, an chungah hian Mizoram football fans ai awihin lawmthu ka sawi duh a ni. Tin, Cachar Sports Association lamin kan Mizo players te hi an lo dawngsawng tha em em a, an chungah hian Kolasib players te leh hruaitu te chu an lawm tak meuh meuh a ni. Kolasib players te paw’n hetiang ang field thaa inkhelhna hun an nei thei hi an lawmthu an sawi bawk.

You May Also Like

More From Author

+ There are no comments

Add yours