International Friendly :

Argentina 1-0 Venezuala
(Otamendi 67)

Salt Lake Stadium Kolkatta ah mipui 70,000 chuang hma ah India Football fans te nghahhleh em em Fifa Player of the Year leh European Best Player nilai MESSI che vel chu chuan mit a ti tlai a, Agentina in Venezuala 1-0 in an hneh a, Messi corner atangin Otamedi chuan nalh tak mai in a head goal.

Mipui lawm hlawh MESSI te inkhel :
Mizoram lam atang pawh in football ngaina tam tak inkhel en tur in an kal a, kal thei lo in mahni sitting room atang in kan en theuh awm e. MESSI MANIA in India Football hmunpui Kolkatta a luah hneh hle a, Kolkatta mai nilo India rampui a nghawng a ni ber e!! India NEWS channel tin in vawiin nileng khan an inchhuah chhawk reng a, Internet lam ah Sachin Tendulkar aiin Messi in Google Search a hlawh hnem zawk hial a ni.!! Kolkatta ah football ngaina tu te an pungkawm a khawi ah pawh Banner leh Argentina Jersey a hmuhtheih a ni ber e!

Inkhel thlir ang :
Inkhel an tan a mipui in an thlir ber chu MESSi ani, a ni hian ball a chan a apiang in mipui an au dual dual zel a, camera man te pawn a mah an focus bik hle.First half ah an game a inhneh tawk hle a, a khawilam ve ve pawh in chance an nei hlei thei lo. Messi ball khawih a ropui a, player 2- 3 te bum in ball a khalh nalh theih hle. Amaherawh chu Goal a lut thei lo a, half chance chu an nei thei ve ve a, midfield ah ball a tam in defense line ve ve ah an phui tha dun hle.
2nd half an tan a, Argentina in an nawr a, Messi ball fing tak mai chu Higuain in box chhung ah dawng in a volley a goal bar a per. Messi in a ma insiam chawp in ball vawi hnih vawi thum half chance a nei a, mahse Venezuala keeper Rafael Romo chu Messi hma ah a tlawm duh biklo. Min 67 na ah Argentina in corner an hmu a Messi chuan rang tak mai in a pet a Argentina defender Man of the Match a thlan Otamendi chuan chang tu nei lo in near post ah nalh zet mai in a head goal a, he goal hi an chak pui ta a ni.
He inkhel ah hian Man City stiker thar Sergio ‘Kun’ Aquero 38ml pound a Athletico Madrid a tang a lut te, Javier Pastore 37ml man Paris St Germain te chu substitute atang in an lut a mipui lawm an hlawh hle.

Team Line Up:
Argentina: Sergio Romero, Marcos Rojo, Nicolas Otamendi, Martin Demichelis, Javier Mascherano, Pablo Zabaleta (Federico Fernandes 78th minute), Ricardo Alvarez (Javier Pastore, 71th), Luis Gonzales (Jose Sosa, 69th), Angel Di Maria, Lionel Messi (capt.), Gonzalo Hugain (Sergio Aguero, 73rd).

Venezuela: Rafael Romo, Gabriel Cichero, Fernando Amorebieta (Andrez Tunez 85th), Oswaldo Vizcarrondo, Roberto Rosales, Nicolas Fedor, Angel Flores, Tomas Rincon (capt.), Cesar Gonzlez, Jose Salomon Rondon, Frank Feltscher (Yohandry Orozeo, 69th).

Argentina hian karleh ah Bangladesh ah Nigeria nen Friendly match an khel leh dawn a bawk a ni.

A goal lai :