Arsenal midfielder Jack Wilshere chu Krismas hmain a inkhel thei tawh lo maithei.
Kum 19 a upa Wilshere hi a kheimit nâ avangin thla 1 vel chu enkawl a ni tawh a, a bik taka siam ‘boot’ a bun ṭhin. A ke nâ hi dam leh mai tura rin a nih laiin thla 1 hnuah pawh hmasawnna a awm hleithei lo a, Arsenal medical team chuan zai (surgery) an remti ta a ni. Club lam hian a rawn let leh hun tur chiang takin an la sawi thei lo a, mahse tunkum chhung chu a inkhelh theih a rinawm loh.
Wilshere chuan a twitter account ah Krismas bawr vela a lo let leh theih a inrin thu a sawi a, amah ṭantu leh ngaihventu zawng zawngte hnenah lawmthu a sawi bawk. Twitter ah vek hian Thawnṭanni-ah surgery hi a paltlang tur thu a tarlang bawk a ni.
Eng club a khel pawh ni se, player ṭha tak mai an han inhliam hi chu football ngainatute tan a pawi a. Arsenal pawhin an midfielder ṭha mi hi an ngai ve ṭhin ngei ang. Mahse hetia zai a nih rau rau chuan a dam ṭha vâk tawh dawn a, nakin zelah pawh tuna a buaina ang hi a awm tawh dawn lo a ni. (a inhliam nawn leh te a nih loh chuan)
Kum 19 mi lek ni chungin Premier League-a midfielder ṭha ber pawl a ni tawh a, Arsenal player zinga hmabak êng ber pawl a ni. Tluang taka a dam chhoh nan duhsakna kan hlan e. Krismas-ah chuan a lo let leh theih ngei beisei ila, Arsenal fans ten masi present-ah Wilshere-Arteta partnership an dawn ngei beisei ang.
@ben: i comment hi keipawh ka lo ngaihdan mai mai a nia, a naupan ngaihtuah chuan a khel regu mah mah ka lo ti ṭhin. Player naupang deuh hi chu an taksa a la puitlin loh avangin an inhliam hma bik (injury prone) deuh an tia, Premier League-ah pawh hian a dik riauin ka hria.
A van zia lo leh sel em….Chhenal chhe leh zual an ni mai…:)
A vanduai thei hle mai.. Naupangte nimahse a tha em bawk nen duh aiin a khel regu mah mah ka ti.. Hei hian a tuar phah ve mai thei.
A khawngaihthlak hnup hnup khawp mai..
uih wm tak ani….
Va uihom ve o
Wilshere hi a dam har tawh, ti nak a laiin krismas thleng an chwlh leh dwn chu, a pawi hle mei a, Arsnal fans ka ni lo a, mase Wilshere hi chu ka tan riau asin.Dam thuai turin duhsakna hlan phwt ang.
Arsenal chu chetchhiat tawh nak alaiin wilshere lo inhliam bawksia, pawi anva ti dawn em !! tunkum chhung chu antan a rei khawp ang le.. 😀