Kum 73-a upa, France international hlui, Jean-Pierre Adams hi kum 1982 March thla khan a khup zai niin hnimhlum an pek dik tawk loh avangin kum 39 chhung a harh chhuak lova, BBC chuan vawiin tlai khan a thih thu a tarlang.
France tana vawi 22 khel, Adams hi Senegal-a piang niin a vanglaiin Nice defender pawimawh a ni a, game 140 a khel hman.
Nice bakah hian Nimes, PSG, Mulhouse leh Chalon ah te pawh a khel a ni.Adams hian training naah a khup tinain Lyon-a Damdawi In pakhatah zai a ni. An zai dawn hian staff tam tak an strike avangin staff an indaih lo hle a, hei vang hian thil kalsual a awm phah a, a harhchhuak zo ta lo a ni.
Thla 15 hnuah Damdawi In ațangin chhuah tir an ni a, a nupui Bernadette chuan duat takin inah a enkawl chhunzawm.
Nice chuan September ni 19-a Monaco an mikhual hunah Adams sunna hun an neih tur thu an tarlang.