Kum 80 kalta khan Manchester United Club hi retheihna avangin a lo chawl hman ṭhelh!

Estimated read time 4 min read

Khawvela ṭantu nei ngah ber club ti ila kan sawi sual awm love, anni hi an hausain kawng engkimah chhiatlai reng an nei lo ti ta ila eilo tak tak chu kan tam ve ngawt ang le! Mahse English League-a vawi 19 lai no mawi chawi thei tawh club anni chiah hi an nih rih si avangin England-ah chuan club ṭha bera puan loh theih loh an ni thung tih chu kan hriat ve reng a ngai. Heti khawpa ṭantu ngah si hi United tana mi pawimawh tawpkhawk James William Gibson-a kha chu kan hre bik kher lovang. Sap ho tam tak pawn an hriat a rinawm loh avangin United faithfuls tam takte kha lo inthlahrun phah bik chuang suh u!

United hian kum 1931 khan sum leh pai lama an pachhiat êm avangin club chu chawl mai thei dinhmunah a ding reng a, laiba an ngah mai bakah an player-te hlawh leh an zin veivahna tur sum leh pai pawh nei mang lovin an kal chho ve ṭawk ṭawk tawh chauh a ni a. Mahse United tana Chhandamtu a rawn chhuak ta hlauh mai le! Chhandamtu tih hian si ban vengtu tihna a kawk hauh lo a, inkhelhna mual pawn lama chhandamtu zawk daih a ni.

Sawi tawh angin, United club hian kum 1931 December thla phei kha chuan player-te hlawh pek tur an nei mumal tawh lova, hei hian an result-ah nasa taka a nghawng bakah entu mipui an nei chau hle a. December ni 19-a Bristol nena an inkhelh ṭum phei chuan entu 4,697 chauh an nei nghe nghe a, Club hruaitute tan a luhaithlak ve ngawt ang tih chu hai rual a ni lo. Kawng hrang hrang an dap anga, sum hnar engmah an nei dawn bawk si lo nen, an dinhmuna din a chakawm loh kher mai!

Chanchinthar duhawm a rawn thleng thut!

He thil thar hian Club a rawn nghawr nghing ta dawt mai. Club Secretary Walter Crickmer leh an tualchhung sumdawng pakhat an inchhar thar ta hlauh mai a, he pa hian sport uniform siamna company a nei a, infiamna a ngaisang hle nghe nghe a, Rugby leh Cricket-ah a tui zual em em laiin Football lam chu chuti teh chiamin a uksak vak lo thung. Mahse, ani hian City lamin academy ṭha zet an nei chu paihthlak a nih theihnan tiin United Club tan ṭanpuinan Pound 2,000 a rawn thehchhuak nghal ṭhawt a, hemi hmang hian Club tluchhe mek chu a rawn indin thar chho leh thei ta a ni!

He pawisa aṭang hian Player-te’n hlawh an lo nei veleh thei ta a, inkhela zinchhuah a ngaih chang pawhin awlsam takin kalna tur an neih theih phah bakah Player-te’n Christmas-ah hlim takin TURKEY an ei ve theih phah ta a ni. Ṭanpuina pawisa hian an leibâ puk zawng zawng a rulh zawh sen vek loh vangin Gibson-a hian December ni 21, 1931 aṭanga January ni 9, 1932 thleng club inrelbawlna senso zawng zawng a tum vek nghê nghê a, hetihmêk lai hian Club chu pum hmawm a, inrelbawlna siksawi a duhthu club-ah hian a thlen nghal ta a ni.

United Board of Directors thar din a ni ta!

United Board of Directors-a awm zawng zawngte chuan an hna aṭangin an chawl ta nghal a, Gibson-a hi Director ni nghalin Board thar a din a, January ni 5, 1932 khan inrelbawlna thar hmangin Club chu a kalpui ta a ni. Gibson-a hnuaiah hian club-in hmasawnna tam tak a dawn phah a, Sir Matt Busby chuan Manchester United chu FA cup-ah kum 1948-a a champion-pui ṭum khan Gibson-a hian Sir Matt hnenah “Ka thil tih chak ber min tih hlawhtlinsak” tiin a damlohna kum aṭangin lawmpuina thu a thawn nghal a ni. Hemi an champion hnu lawk kum 1951 khan James Gibson chu a thi ta a ni.

Karhmasa ningani i.e. 19th January kha kumin aṭanga kum 80 kaltaa James Gibson-a’n Manchester United Leibâ a rulh ni kha a ni a, Club hi a din chhung chuan a hming hi a dai leh tawh ngai dawn lo a ni.

RIP James William Gibson (21 October 1877 – September 1951)

You May Also Like

More From Author

6Comments

Add yours
  1. 4
    Zaia Roite

    Hman kum lawkah pawh an tlachhe lek lek. Club lian tak tak dang pawh hi tle chhe tep, mahse vanneihna avanga inhamtang leh ta an awm fur mai. Khawvel economy hi football business hian a khawih phak ve ta viau a, chuti a nih chuan global recession phei chu a tuartu lian ber ber chu club liante an ni lo thei lo.

    Post ngaihnawm tak a ni e.

  2. 5
    relfela

    ‘Khawvela ṭantu nei ngah ber club ti ila kan sawi
    sual awm love’
    ~ barca hian an ngah tawh zawk em le?

    ‘chhiatlai reng an nei lo ti ta ila eilo tak
    tak chu kan tam ve ngawt ang le!’
    ~ Ei leh ei loh chu thuhran, an relegate fo kha le an history en chuan. Arsenal, unrelegated since 1913 hian chhiatlai reng sawi tur an van zawk viau ngei ang le 😉

    Eng pawh ni se, khitiang chhanchhuaktu ropui an lo awm hian dam man a awm thin. RIP Mr Gibson

  3. 6
    Cleverley VRT

    Post tha khawp mai, club ropui tak tak te pawh hi a tir atangin an lo ropui bik lo tih a chiang reng mai a.

+ Leave a Comment

Kum 80 kalta khan Manchester United Club hi retheihna avangin a lo chawl hman ?helh!

Khawvela ?antu nei ngah ber club ti ila kan sawi sual awm love, anni hi an hausain kawng engkimah chhiatlai reng an nei lo ti ta ila eilo tak tak chu kan tam ve ngawt ang le! Mahse English League-a vawi 19 lai no mawi chawi thei tawh club anni chiah hi an nih rih si avangin England-ah chuan club ?ha bera puan loh theih loh an ni thung tih chu kan hriat ve reng a ngai. Heti khawpa ?antu ngah si hi United tana mi pawimawh tawpkhawk James William Gibson-a kha chu kan hre bik kher lovang. Sap ho tam tak pawn an hriat a rinawm loh avangin United faithfuls tam takte kha lo inthlahrun phah bik chuang suh u!

United hian kum 1931 khan sum leh pai lama an pachhiat êm avangin club chu chawl mai thei dinhmunah a ding reng a, laiba an ngah mai bakah an player-te hlawh leh an zin veivahna tur sum leh pai pawh nei mang lovin an kal chho ve ?awk ?awk tawh chauh a ni a. Mahse United tana Chhandamtu a rawn chhuak ta hlauh mai le! Chhandamtu tih hian si ban vengtu tihna a kawk hauh lo a, inkhelhna mual pawn lama chhandamtu zawk daih a ni.

Sawi tawh angin, United club hian kum 1931 December thla phei kha chuan player-te hlawh pek tur an nei mumal tawh lova, hei hian an result-ah nasa taka a nghawng bakah entu mipui an nei chau hle a. December ni 19-a Bristol nena an inkhelh ?um phei chuan entu 4,697 chauh an nei nghe nghe a, Club hruaitute tan a luhaithlak ve ngawt ang tih chu hai rual a ni lo. Kawng hrang hrang an dap anga, sum hnar engmah an nei dawn bawk si lo nen, an dinhmuna din a chakawm loh kher mai!

Chanchinthar duhawm a rawn thleng thut!

He thil thar hian Club a rawn nghawr nghing ta dawt mai. Club Secretary Walter Crickmer leh an tualchhung sumdawng pakhat an inchhar thar ta hlauh mai a, he pa hian sport uniform siamna company a nei a, infiamna a ngaisang hle nghe nghe a, Rugby leh Cricket-ah a tui zual em em laiin Football lam chu chuti teh chiamin a uksak vak lo thung. Mahse, ani hian City lamin academy ?ha zet an nei chu paihthlak a nih theihnan tiin United Club tan ?anpuinan Pound 2,000 a rawn thehchhuak nghal ?hawt a, hemi hmang hian Club tluchhe mek chu a rawn indin thar chho leh thei ta a ni!

He pawisa a?ang hian Player-te’n hlawh an lo nei veleh thei ta a, inkhela zinchhuah a ngaih chang pawhin awlsam takin kalna tur an neih theih phah bakah Player-te’n Christmas-ah hlim takin TURKEY an ei ve theih phah ta a ni. ?anpuina pawisa hian an leibâ puk zawng zawng a rulh zawh sen vek loh vangin Gibson-a hian December ni 21, 1931 a?anga January ni 9, 1932 thleng club inrelbawlna senso zawng zawng a tum vek nghê nghê a, hetihmêk lai hian Club chu pum hmawm a, inrelbawlna siksawi a duhthu club-ah hian a thlen nghal ta a ni.

United Board of Directors thar din a ni ta!

United Board of Directors-a awm zawng zawngte chuan an hna a?angin an chawl ta nghal a, Gibson-a hi Director ni nghalin Board thar a din a, January ni 5, 1932 khan inrelbawlna thar hmangin Club chu a kalpui ta a ni. Gibson-a hnuaiah hian club-in hmasawnna tam tak a dawn phah a, Sir Matt Busby chuan Manchester United chu FA cup-ah kum 1948-a a champion-pui ?um khan Gibson-a hian Sir Matt hnenah “Ka thil tih chak ber min tih hlawhtlinsak” tiin a damlohna kum a?angin lawmpuina thu a thawn nghal a ni. Hemi an champion hnu lawk kum 1951 khan James Gibson chu a thi ta a ni.

Karhmasa ningani i.e. 19th January kha kumin a?anga kum 80 kaltaa James Gibson-a’n Manchester United Leibâ a rulh ni kha a ni a, Club hi a din chhung chuan a hming hi a dai leh tawh ngai dawn lo a ni.

RIP James William Gibson (21 October 1877 – September 1951)

You May Also Like

More From Author

+ There are no comments

Add yours