Spanish La Liga chu khelh chhunzawm zel a ni a, team lian pahnih Real Madrid leh Barcelona ten an khingpuite an sawp a, season tira che ṭha tak Valencia an chak lo thung.
Barcelona 5 – 0 Atletico Madrid: Camp Nou-ah Messi magic
Camp Nou-a Barcelona nen an inkhelh hmain Atletico Madrid hian La Liga-ah goal 1 chiah an la chhuah a, La Liga-a defensive record nei ṭha ber an ni. Tlarhmaah Atletico fans te idol thar Falcao a awm bawk a, inrintawkna sâng tak nen bul an ṭan.
Inkhel ṭan hnu lawkah Tiago chuan Barcelona goal ban a pet per a, hemi hnu hi chuan Barcelona keeper hmuh tur a awm tawh mang lo. Minute 9 ah Xavi pass ṭha tak aṭangin David Villa chuan a thun a, minute 15 ah Miranda chuan anmahni lamah a tilut palh bawk. Mikhual lamin ball an chang thei lo a, Barcelona players te ball inpekual an um tluan zak a ni ber mai. Minute 26 ah khelṭha em em Lionel Messi chuan goal ropui a thun a, Pedro nen an in one-two hnuah dinglam sir aṭanga ball la lutin Atletico defender pathum a bum te te a, mawi zetin a pet goal.
Second half-ah pawh Barcelona bawkin inkhel an thunun a, Atletico tân Falcao chuan chance ṭha tak a miss bawk nen, mikhual lamin Xavi, Fabregas leh Thiago te an hnaih hleithei lo. Minute 78′ leh 90′ ah Messi bawkin a pet goal leh a, hei hi Barcelona tân hattrick a siam vawi 12 na a ni.
Barcelona hian Camp Nou an hneh loh an la nei lo a, goal 18 thun tawhin goal khatmah an la chhuah lo!! Villareal 5-0 in an hneh a, Osasuna 8-0 in an sawp leh a, tunah team ṭha tak Atletico Madrid 5-0 in an hneh leh tawh. Camp Nou-a mikhual nih hi a chakawm ngai loh a, tunlai phei chuan a huphurhawm lehzual ngei ang.
Messi Messi Messi
Barcelona sawi hi chuan Messi ropui zia hi sawi tel a ngai ṭhin. He Argentinian hian La Liga 2011-12 ah goal 8 a thun tawh a, hattrick vawi 2 a siam tawh. Atletico Madrid laka a goal 1 na leh goal 2 na te kha ‘Messi chauhin a thun thei’ an tih ang chi a ni. Tun dinhmunah chuan khawvela player ṭha ber a ni e.
Real Madrid 6 – 2 Rayo Vallecano: Pet goal thiam Real Madrid
Santiago Bernabou-ah Rayo Vallecano an lenglut a, Real Madrid an chhaihbuai hman ngei mai.
Inkhelh ṭan aṭanga second 20 lekah mikhual lam hian Michu hmangin goal an thun a, a tir lamah Real Madrid an talbuai. Rayo Vallecano forward, kum 19 leka upa Bangoura a langsar a, Madrid tlarhnung vawi duai lo a chhaih mangang.
Mahse mual neitu hi Real Madrid an ni a, season hmasa-a goal thun thei ber Ronaldo an nei. He Portuguese ‘born goalscorer’ hian minute 39′ ah Madrid counter attack aṭangin a thun a, Gonzalo Higuain chuan first half tâwp dawnah a thun bawk. Half time-ah Real Madrid in 2-1 in hma an hruai a, game-ah erawh an inhnehtawk ngei mai
Second half-ah goal a sur e
Second half-ah team pahnihten chance an inneihchhawk zak zak a, minute 51′ ah Ronaldo chuan penalty aṭangin thun mahse mikhual tân Michu chuan minute 55 ah a rawn thun ve nghal a. Rayo beiseina ti sâng lehzual turin di Maria chuan minute 57 ah red card a hmu zui.
Player 10 a an khel Real Madrid an ṭha sawt emaw tih tur a ni a, minute 67′ ah defender Varane chuan corner aṭangin a thun a, subsitute Benzema chuan minute 73′ ah penalty box pawn aṭangin a thun bawk. Benzema goal hi Mesut Oezil siamsak a ni. Ronaldo bawkin minute 84 ah penalty aṭang bawkin a thun a, La Liga 2011-12 ah goal 7 a thun der tawh. Scoreline en mai chuan 6-2 a ni a, Real Madrid hi awlsam taka chak emaw tih a awl, mahse inkhel en chuan he result nei thei tura an thawhrim zia kan hmu awm e.
Tun season hi Real Madrid in La Liga bul an ṭan chhiat ber pawl a ni a, ‘The Special One’ Jose Mourinho meuh pawh pressure sâng tak hnuaiah a awm. Mahse a hun takah an chak a, goal an thun nual bawk. Second half-a an game en kha chuan La Liga leh Europe-ah anni aia ṭha sawi tur an tam bik lo.
Inkhel dang
Sevilla chuan Kanoute goal hmangin mikhual Valencia an hneh a, Athletic Bilbao leh Villareal te 1-1 in an inhnehtawk bawk.
I will right away grasp your rss as I can’t in finding your email subscription link or newsletter service. Do you have any? Kindly permit me recognize so that I may just subscribe. Thanks.
Great website. A lot of helpful info here. I?m sending it to some friends ans additionally sharing in delicious. And obviously, thanks on your sweat!
@koptea(u puia): Kan ngaihdan a inang khawp mai. Mahse thlirna tlâng dang atanga thlir chuan, hemite pahnih leh team pahnih lansarh em avang hian mi tamtakin la liga an enphah a, league hi an tilâr sawt a tih ve theih tho.
Real leh barca in league an dominate ltk hi chuan a pumpuia league hmuhnawmna chu a tihniam deuh chu a ni.
An thiam vang chu ni tho mahse keichu ka ngaihdanah chuan La Liga hi a tihlu lo sawtin ka hria, Team 2 leh Player 2 langsar lutuk hian a League ropuina a tihniam hian ka hre ve tlat pek a…
Messi vs ronaldo hi chu an era inanga,hriatthiam har khawp mai,alothlirtute kan vannei e..
Thibaut courtois khwgaih thlak khwp mai….mhse th gaihna vk wmlo nh kha… La Liga best goal keeper k la ti tho2…. Chelsea ah a rwn let k ghak hlel twh khwp mai…. Barca khn an khl tha bwk em ah…
ronaldo phenah hyan di maria leh oezil te poh hi an tangkai khop mai, an kum ngaihtuah chuan an la turu dun khop ang
Nizana Barcelona game kha chu a hmuhnawm tawp hi a ni mai…Xavi ball pass te kha a va han ṭha thei tak e aw.
@Dustin Sampler14 siamthat a ni tawh e.
Athletic Bilbao tur zawk a ni e.
@Ramenga,..AThletico Madrid khi i dah nawn nia..Villareal khelhpui khi…??
Ronaldo & Messi hi club khatah han awm mai se o……
RONALDO leh MESSI hi chu an hnawk ve ngawt ang mawle hi2! an lo thiam fal bik em ani
Messi ka duh ber
@ben vangchhia: A hlawhtlin theih ka ring. Tun ang pur pur hi chuan a pet goal lo maithei a, mahse heti khawpa ṭha hi chu khawi hmunah pawh khel se a ropui tho ang, ka ngaihdanah chuan.
An va han tha dun tak em! Messi hi Spanish Football a a hlawhtlin ang hian English Football ah hian a hlawhtling ve tho ang em aw?
Nizan Messi zet kha chu a turu a ni e. A khalh pur pur zel mai a, a inhliam emaw, a che chhe chhunzawm hle a nih loh chuan Messi leh Barcelona hi dan an har leh viau ang.
Messi leh Ronaldo hi chu an va tha ka ti dun first e.. Kumin chu Barcelona hi Champion tawh lo se ka ti…