Goodison Park ah Everton in an mikhual Arsenal an hnehlo a. Arsenal chakna goal awmchhun hi defender Thomas Vermaelen in minute 8 naa a tauh luh a ni. Arsenal hi Manchester United leh Manchester City te hnungah an thenawm Tottenham lehpel in Champions League khelpha thei tur dinhmun ah an inhlangkai leh ta.

Team Line Up
Everton: Howard, Distin, Heitinga, Hibbert, Baines, Fellaini, Osman, Pienaar, Drenthe, Cahill, Jelavic
Arsenal: Szczesny, Koscielny, Vermaelen, Sagna, Gibbs, Song, Ramsey, Arteta, Rosicky, Walcott, Persie

Inkhelh tan anih atangin Arsenal in inkhel an thunun hneh hle a. Tunlaia inrintawkna nei thar leh Arsenal te khel a rang in a hmuhnawm hle. An nawr nasat man chu telin minute 8 na ah Persie corner pet tha tak mai chu Vermaelen chuan Howard dan hmanloh in kawh zet mai in a tauh lut a, goal hmasaber leh goal awmchhun a thun. Everton pawhin Arsenal defender te ‘offside trap’ siamsual nan tumin an che hlauhawm thei hle a. Everton midfielder Drenthe in goal a thun chu linesman in offside ham mahse a ham te hle niin a lang. Hei hian Everton manager Dave Moyes pawh a ti thinur hle. Persie in goal ban a pet per te, Rosicky pet tha lutuk lehlam goalkeeper in a lo dan te, Gervinho pet an lo dan sak te kha Arsenal tana uihawm a ni a. Everton pawhin Drenthe pet luh an hnawlsak te, Jelavic chance tha te, Fellaini tauh te pawh Everton chance tha a ni. Inkhel a rang a, lehlam lehlamin an tang a, goal erawh a tamlo. He inkhel hian Barclays Premier League hmuhnawmzia a tilang. He inkhel a langsar ber nia lang chu Arteta in a khelhpui thinte laka duhtawka a tal ngam kha niin a lang.

Man of the match: Mikel Arteta