I-League club Shillong Lajong chuan an coach Thangboi Singto chu contract thar an zawrh tawh lo niin phai media thenkhatin an tarlang.
Singto leh Lajong inremna hi May ni 31 khan a tawp a, vawiin thlengin contract thar a la ziah loh avangin Shillong club hian coach thar an melh a nih rinna a lian hle. Kum 42 a upa hian kum 2009 khan coaching staff ni turin Shillong Lajong hi a zawm a, kum 2013 a Scottish coach Desmond Bulpin ban a nih hnuah Head Coach hna a thawk tan.
Season liam ta khan Hero I-League ah pangana nihpuiin hei hi Lajong din hnua I-League a an dinhmun san lai ber a ni. Singto hian player naupang zawkte chance a pek nasat avang leh a rin ngam avangin fak a hlawh hle a, chutih rualin a ram leilung fa Khasi tlangvalte a duhsak tawk lo a ngai an awm ve thung.
+ There are no comments
Add yours