Lammual thar lawmna inkhel

Posted on June 8, 2011July 10, 2011 by ZoFooty

“Lammual thar lawmna inkhel” ropui tak chu June ni 9. 2011, chawhnu dar 2:30 ah hian khelh ani dawn. Lammual a artificial turf phah tharah hian inkhel tamtak kan hmu tawh a, tournament ropui leh hmuhnawm tak pawh kan hmu tawh a, friendly match tamtak pawh khelh ani tawh. Mahse 9/6/11 ah chuan kan la hmuh ngailoh te inkhel kan hmu dawn.

June 9 a inkhel tur te hi an hming chu kan hriat fo tawh te anni a, mahse ataka an inkhel hmulo kan la kat nuk a, abikin Mizoram a grass ngei maia an inkhel hi hmutawh kan la awm lo, a vawi khatna tur ani a, thilthar ropui tamtak a thleng dawn. En ve ngei chi ani.

Heta inkhel turte hi Mizoram Santosh trophy team te leh The Rest XI te anni a. The rest XI ah hian I-league club hrang hrang a khel mizo te an rawn tel dawn a. Tin squad a remchang lo te an awm avang in member te in siam rem ani a, an squad chu a hnuai ami ang hi ani ang.

A squad en hian, tute nge an nih chiah I hriat chuan, tan tur zawk I hre bik kher lo ang! Chutiang bawkin chaktur zawk hi rin thiam har tak ani. An mahni pawh hi an in hre chiang a, Enge an theihna an in hria a, an teammate te hi an ringtawk a, a tu a mah mah hi an in huphurh lo a, huphurhawm tak hmachhawn tur an ni tih chu an hai chuanglo ve ve.

Santosh trophy team te hi a player ang chuan daizau lo zawk leh thalo zawk tura ngaih mai theih anni a. Mahse football ah chuan team work pawimawh zia kan hria, anni chu reitak training ho tawh leh tournanment pawh khel ho zak zak tawh anni a, an teammate te tlan dan an en in lo tlanna tur an hre tawh. Chutih laiin a malkhaia tha zawk tura ngaih leh lar zawk awmkhawmna The Rest XI lam hi inkhel ho ngailo ni mahse reilo te inkhelh ho atanga in man nghal mai tur a thiamna nei rual anni leh bawk si.

Sawi tawh angin a tam zawk hi chu artificial grass a an vawi khat khelhna tur ani a, an phur tawh hle. Chu a chhapah Mizorama kan football hmunpui lammual ngei mai a grass ngei maia khel tur annih hi rilru takin an phur a, lammual anihna leh mahni home ground a grass ngei mai anihna leh vawikhat khelhna tur anihna avang ngawt pawh hian phur loh theih pawh ani lo reng bawk a.

He inkhel tur ticket hi ni 7 & 8 ah te lei theih a zawrh chhuah tawh ani a, inkhel en tumte chuan a hma lamin lei thei ila. Tin inkhel en dawnah pawh a thei te chu kal hma ila, seat tha channa anih bakah stampede rapthlak tak hmanni a kan tawh tak ang kha pumpelh hram tum ila a tha ange. Ticket hi Rs. 30 man hi Aizawl bazar ah zawrh ani a, Millenium center kawtah nilengin lei theih a ni bawk. Tin Rs. 200 man hi ticket 100 siam ani a, Hei hi Hauzel Sports, Zodin leh Y2Goal agencies, chanmari ah te lei theih in a awm. Tin Rs. 10 man zirlai form ha te tana siam ani bawk.

Team pahnih captain te kawmna video atang hian chak tum ve ve anni bawk a, a hmuhnawm tur hi ani ringawt. Tin an practice lai video-in tlemte kan highlight bawk a, thil hmuhnawm tur hi chu tlemte en chhin atang pawh hian hai rual ani lo.

S. Malsawmtluanga Kawmna :