Ni 9th June 2011 (2:30 pm) hian Lammual thar lawmna inkhel a awm dawn a. Chutah chuan Mizoram Santosh Trophy Team leh The Rest XI te an inkhel dawn a ni. He inkhel hi Mizoram Football Association in an organise tur niin National Rural Health Mission in an sponsor ang.

Inkhel en man hi Rs 200 leh Rs 30 a ni dawn a. Inkhel en tur te an in nek buai loh nan Rs 200 hi Y2Goal Agencies ah lei theihin a awm tawhin, lei pawh an awm nual tawh bawk. Chutihrualin Rs 30 man ticket lei tum an kal nawk bawk a. Hetiang anih avang hian inkhel entu pawh an tam viau rin a ni.

Vawiin khan MFA leh Assam Rifle tangkawp in lammual then fai hnatlang an nei a. Mizoram a Artificial turf awm chhun hi

Mizo mipui ten kan chhawr bawk aniang, bawlhhlawh hmuh tur a tam ngang mai. Faina lamah Mizo mipui kan tan a ngai. Chutihrualin MFA inpuahchahna pawh a tha thawkhat tura ngaih a ni.

Players lam pawh chawlh hmang tura rawn haw hlim hlawl te annih hlawm avangin an fitness pawh a tha viau tura ngaih a ni a. Chumi belhchhah tur leh field chinchang te hre turin zing lamah practice an nei thin bawk.