Lammuala êng chhit tur vangin MFA-in CM chungah lawmthu a sawi

Estimated read time 3 min read

May ni 19, 2012-a NECS Charity Cup-a kan Chief Minister zahawm takin a lo puan angin Mizoram-a kan football field pawimawh ber tia chhal theih, Assam Rifles Lammual chu tun atanga hun rei loteah zan lama football inkhelh theih turin buatsaih a ni dawn a. Hemi chungchangah hian Mizoram Football Association chuan kan Chief Minister Pu Lalthanhawla hnenah lawmthu n sawi a, heti hian thuchhuah an siam a ni:

Chief Minister Lal Thanhawla’n AR Lammuala zan lama football inkhelh theihna tura êng chhit a nih tur thu a puang ta hi Mizoram Football Association chuan lawmawm a ti a, hun rei tak chhung thuneitute kan lo dawr tawhna Chief Minister-in min tihhlawhtlinsak dawn avangin a chungah kan lawm takzet a ni.

Chief Minister-in May 19, 2012-a Lammuala êng chhit a nih tur thu a puan zawh ruala Assam Rifles HQ 23 Sector Commander, Brigadier SP Rawat-a’n Lammuala êng chhit phalna Mizoramn sorkar hnena a pe nghal hi MFA chuan lawmawm a ti takzet a, Chief Minister leh Assam Rifles-te inphalna hi Mizoram football-in hmaa sawn theihna tura rahbi pawimawh tak a nih ngei kan ring a ni.

Mizoram Football Association founder president ni bawk Chief Minister hian MFA-te ngenna hi a la tihlawhchham ngai lo a, sum leh paia min puih thin piah lamah khelmual tha kan neih theihna tura a thawhnaah MFA chuan lawmthu a sawi a, Sports Minister Zodintluanga chungah pawh lawmthu kan sawi bawk a ni.

Mizoram Football Association chuan football season thar lo awm turah hian football league changtlung zawk siam tumin hma a la mek a, tunah hian Study Group dinin football league hmuhnawm zawk leh footballer-te tana sum tamna zawk siam dan tur ruahmanna siam mek a ni. He football league lo awm tur hi AR Lammuala êng chhit hnuaiah ngei zan lama khelh a nih theih hun hi MFA chuan a nghakhlel a, Lammuala êng chhit tura ruahmanna an neih tawh hi kalpui thuai turin Chief Minister leh a thawhpuite kan ngen nghal bawk a ni.

MFA chuan Santosh Trophy vawi 66-na Orissa-a khelh meka quarter final round thleng phak player leh official-te a chhuang takzet a, kan tum ram thleng zo lo mah ila kan player-te’n result tha tak an nei thei hi a lawmawm kan ti. Tuna aia result tha zawk neih ngei tumin season thara Santosh Trophy lo awm tur hi MFA chuan season tan tir atangin a thlir dawn a ni.

(LALNGHINGLOVA HMAR)
Honorary Secretary
Mizoram Football Association

Image Source: Chanchinthar

You May Also Like

More From Author

10Comments

Add yours
  1. 5
    Zawma man u

    A lawmwm, mahse th k duh, he ground hi tu ta ge!?tin mfa hi party player le fakmwi nan hmaglo se. Inc,mnf,znp etc th po nise a mwi toka lom thu soi cu a tha.tin in web site hi football cugcag atan n thei se. Party fakmwina web ni su u. Go zofooty.

  2. 6
    Cleverley VRT

    Vuah rawh se, chuan kei pawh league thar siam an tih lampang khi hman atanga ka lo vei tawh ani a, sumleh pai tam deuh hlek vur belh mai ni lovin professional tak a kalpui nise, chuan player te pawhin eizawn na tlaka an hman ngei theih na tur in buaipui bawk se ka ti.

  3. 8
    David Pachuau

    A puan thu kan chhiar tawh a, hmalakna in a zui nghal ring phawt ang. Thil pakhat sawitel ka duh chu, Congress sawrkar hian kan Mizo infiammi te tan a thawhhlawk kati hle mai a, lawmawm pawh ka ti hle. Pu Zodintluanga hi Sport Minister tlak tak niin ka hria. Kan infiammite khan kan ram ti hmingtha turin tan han la sauh2 teh u.

+ Leave a Comment

Lammuala êng chhit tur vangin MFA-in CM chungah lawmthu a sawi

May ni 19, 2012-a NECS Charity Cup-a kan Chief Minister zahawm takin a lo puan angin Mizoram-a kan football field pawimawh ber tia chhal theih, Assam Rifles Lammual chu tun atanga hun rei loteah zan lama football inkhelh theih turin buatsaih a ni dawn a. Hemi chungchangah hian Mizoram Football Association chuan kan Chief Minister Pu Lalthanhawla hnenah lawmthu n sawi a, heti hian thuchhuah an siam a ni:

Chief Minister Lal Thanhawla’n AR Lammuala zan lama football inkhelh theihna tura êng chhit a nih tur thu a puang ta hi Mizoram Football Association chuan lawmawm a ti a, hun rei tak chhung thuneitute kan lo dawr tawhna Chief Minister-in min tihhlawhtlinsak dawn avangin a chungah kan lawm takzet a ni.

Chief Minister-in May 19, 2012-a Lammuala êng chhit a nih tur thu a puan zawh ruala Assam Rifles HQ 23 Sector Commander, Brigadier SP Rawat-a’n Lammuala êng chhit phalna Mizoramn sorkar hnena a pe nghal hi MFA chuan lawmawm a ti takzet a, Chief Minister leh Assam Rifles-te inphalna hi Mizoram football-in hmaa sawn theihna tura rahbi pawimawh tak a nih ngei kan ring a ni.

Mizoram Football Association founder president ni bawk Chief Minister hian MFA-te ngenna hi a la tihlawhchham ngai lo a, sum leh paia min puih thin piah lamah khelmual tha kan neih theihna tura a thawhnaah MFA chuan lawmthu a sawi a, Sports Minister Zodintluanga chungah pawh lawmthu kan sawi bawk a ni.

Mizoram Football Association chuan football season thar lo awm turah hian football league changtlung zawk siam tumin hma a la mek a, tunah hian Study Group dinin football league hmuhnawm zawk leh footballer-te tana sum tamna zawk siam dan tur ruahmanna siam mek a ni. He football league lo awm tur hi AR Lammuala êng chhit hnuaiah ngei zan lama khelh a nih theih hun hi MFA chuan a nghakhlel a, Lammuala êng chhit tura ruahmanna an neih tawh hi kalpui thuai turin Chief Minister leh a thawhpuite kan ngen nghal bawk a ni.

MFA chuan Santosh Trophy vawi 66-na Orissa-a khelh meka quarter final round thleng phak player leh official-te a chhuang takzet a, kan tum ram thleng zo lo mah ila kan player-te’n result tha tak an nei thei hi a lawmawm kan ti. Tuna aia result tha zawk neih ngei tumin season thara Santosh Trophy lo awm tur hi MFA chuan season tan tir atangin a thlir dawn a ni.

(LALNGHINGLOVA HMAR)

Honorary Secretary

Mizoram Football Association

Image Source: Chanchinthar

You May Also Like

More From Author

+ There are no comments

Add yours