Italy-a club ropui ber zinga mi Juventus chuan Inrinni zan khan Lazio 1-0 in an hneh a, Udinese zuankhumin Serie A hmahruaitu an ni ta.
Stadio Olimpico-a inkhelah hian Simone Pepe chuan minute 34-naah goal a khung a, hei hi Antonio Conte-a naute chak nan a tawk hle a ni.
He inkhel hi a hmuhnawm hle a, ball-in goal lehlam lehlam a thleng zak zak a, team hnihten an goal ven aiin lehlam nawr tawm an tum zawk tih a lang reng a. Mikhual Juve-in chance an nei hmasa zawk a, minute 8-naah Hernanes chuan a pet over a. Chumi hnu lawkah Stephan Lichtsteiner cross tha zet chu Claudio Marchisio chuan a head over leh hlauh bawk. Hemi hnu pawh hian Lichtsteiner hian goal chance tha zet a nei a, a khung leh lo tlat.
Lazio an langsar ve leh thung a, Thomas Rocchi chuan box chhung atangin Buffon a pet khum a, mahse Andrea Barzagli chuan a lo pet chhuak hman a. Minute 34-naah Juve chuan counter attack hmangin Alessandro Matri chuan veilam atangin ball a khalh phei a, Udinese winger hlui Pepe ke-ah tak a va cross a, ani’n Marchetti man hman lohvin a pet goal ta a ni.
Second half-ah pawh Juve hian inkhel an thunun chhunzawm a, Matri chuan chance tha tak a thelh a. Lazio tan Hernanes a langsar a, mahse a vanneih zan a ni lo hlauh a, a goal khung tur chu engtin tin emaw an dang leh tlat thin. Hernanes hian post a pet per dawt a, Miroslav Klose pet pawh Buffon-a’n a dang tha khawp mai.
Hun tawp thlengin inkhel hmuhnawm mahse goal dang a lut thei tawh lova, Juve chuan point 3 hmuin Serie A ah hma an hruai ta a. An game leh turah Napoli an khel leh dawn a, game tough tak kan hmuh leh ngei a rinawm.
Buy cialis once daily
Buy cialis cheap
Juve hi chu an han tla thla khan min tan tir zo veks
Ka rin aiin Juventus an ṭha tluang riau mai. Champions League an khel lo bawk a, Serie A ah an insawrbing thei dawn a, hei hi an ṭhatpui hlauh thei tlat. An champion erawh ka ring tehchiam chuang lo.
Juve ka lawmpui e,……Hernanes hi united tan ka awt khp mai..
Juve chu, del piero awm chhung chuan ka tan, mahse..
a begvarthlak. I league 7 round prediction reslt kha rwn t hr ve. Ranking hrt a ckwm alm
Good Post…. Juve tan rawn la thar leh hi an thra reuh riau a, mahse kum tawpah engang tak an ni ang maw…