LEIPZIG AN TLAWM VE TA

FC Ingolstadt 1-0 RB Leipzig FT
Ing : de Oliveira Bernardo 12’
.
German Bundesliga kai thar, game 13 chhung tlawm nei lo va kal tawh RB Leipzig chuan tlawm ni hmel an hmu ta. Zanin khan table mawngphah a awm FC Ingolstadt lakah tlawmin league hmahruaitu nihna pawh Bayern Munich lakah an hloh.

Mualneitu lam tan hian minute 12-naah Brazilian midfielder Roger de Oliveira Bernardo chuan Anthony Jung free-kick atangin goal awm chhun hi a thun a, free-kick pettu Jung hi Leipzig player loan-a an chhuahtir mek a ni.

Ingolstadt goalkeeper Martin Hansen chu inhliam avangin thlak a ngai a, Marcel Sabitzer-a pet goal ngei tura ngaih a dan sak avanga inhliam hi engtia rei nge a chawlh dawn tih a hriatloh.
.
Mualneitu lam striker Mathew Leckie chu a foul avanga yellow card pek a nih hnuah hun tawp hma hleka ball a pet luih avangin hnawhchhuah a ni a, amaherawhchu, hun a tawp deuh mai avangin Leipzig tan chhawr tangkai theih a ni tawh lo.
.
Hei hian RB Leipzig hian point 33 hmuin 2-na an hauh mek a, an chung chiaha awm an point hmuh zat hmutu goal diffenrence-a an phak loh Bayern Munich chuan hma an hruai mek.