Lilzo-a’n England a tan ber

Posted on by ZoFooty
Estimated read time 2 min read

lilzo-zofootyMizo rapper lar chho mek Lilzo chuan December 3, Inrinni zan hian Vanapa Hall-ah ama pualin concert a nei dawn.

Dinthar Veng tlangval hian Mizoram Premier League-a Chhinga Veng leh Chanmari West inkhelh tumin Lammualah rap hmangin football ngainatute a tihlim tawh. Inrinni zanah pawh hian football ngaina thahnem takin Vanapa Hall an pan ngei ang.

ZoFooty palai chuan football chungchangah Lilzo a kawm a, Mizo rapper lar chuan, “Football hi ka khel ve thin a, mah se mahnia khel ve tawp tawp ka ni mai. Ka thiam hran lo,” tiin football-ah hnuhnma lian tham a neih loh thu a sawi.

A club ber chungchanga zawhna chhangin Hruaitea (Lilzo) chuan, “Club tan bik pawh ka nei lo. Amaherawhchu ramah chuan England ka tan hle,” tiin a football team tan ber chu England a nih thu a sawi.

Zanin hian MPL5 semifinal-ah Aizawl FC leh Chanmari FC an inkhel dawn a, hemi chungchang zawhna chu Lilzo chuan, “Tualchhung football ka hre tam lo a, chuvangin engmah ka sawi lawk thei lo. An pahnihin ka tan ve ve a, tha taka an khelh theih nan duhsakna ka hlan,” tiin MPL3 leh MPL4 final rematch chunchangah sawi lawk theih a nei lo.

A concert chungchang thlir lawkin Lilzo chuan, “Mi zawng zawng rawn en turin kan sawm a, mitin tan hmun a awm vek,” tiin ZoFooty chhiartu zawng zawngte a chah.

Lilzo Concert-ah hian ticket hi Rs 100, Rs 200 leh Rs 300 a ni dawn a, hlawhtling taka concert a neih theih nan ZoFooty chuan duhsakna a hlan e.

Lammuala Lilzo-a rap hmasa ber en dun tan link kan dah e.
https://www.youtube.com/watch?v=4OH7LXvnJC0&t=109s

Avatar for ZoFooty
ZoFooty

You May Also Like

More From Author

48Comments

Add yours

+ Leave a Comment