Liv 1-2 Man Utd :10 men Liverpool leh Man Utd danglamna Van Persie Penalty !!!

Anfield ah mipui 44,263 hmaah Mancester United in Liverpool 2-1 in an hneh a, point 12 hmu in Premier League table ah pahnihna-ah an kai chho a, Liverpool erawh relegation zone chhuahsan thei lo in an manager thar Brendan Rodgers hnuai a Premier League match 5 ah chak an la neilo a point 2 chiah an la hlawh chhuak!! 2nd half ah player 10 a khel Liverpool leh Manchester United te result danglammna erawh referee thutlukna a ni thung!!

Inkhelh hma boruak : Liverpool leh Manchester United inhal zia leh hmasang atang a team ropui zawk nih an inchuh nasat zia chu kan hre awm e. Amaherawhchu, Hillsborough tragedy vang a Liverpool fans tam tak te thihna report kimchang chhuah hnuah Liverpool in an home game an khelh leh hmasak ber ni a ni a, Manchester United kher an lo tum dawn bawk nen, team pahnih te inbeng dai tur in hma an la a, Man Utd manager Sir Alex pawh in fans te hnehah mawilo tak a au lo turin a chah bawk. Hillsborough tragedy a thi ta te sunna hun hman a ni a, player t an rawn lut a Suarez leh Evra te chu a ngai ang bawk in TV camera te mit fu tu ni in, an in chibai ta!! Liverpool hlapui “You’ll Never Walk Alone” hla sa in Anfield chhung a khawk rum rum a, inkhel tan a ni.

Inkhel te :
Liverpool FC team:Reina, Kelly, Agger, Skrtel, Johnson, Allen, Gerrard, Shelvey, Borini, Sterling, Suarez.
Subs: Jones, Enrique, Sahin, Assaidi, Henderson, Carragher, Suso.

Manchester United Team :Lindegaard, Rafael, Evans, Rio, Evra, Carrick, Giggs, Nani, Valencia, Kagawa, RVP.
Subs: De Gea, Anderson, Hernandez, Welbeck, Scholes, Cleverley, Buttner

Goal lut lo mahse 1st half hmuhnawm :
Liverpool in Europa match bul tan tute 1st leven ah an dah lo vek a, goal 2 khung tu Shelvey in a start a, rawlthar Sterling in a start bawk 4-3-3 formation hmangin Suarez a lai ah a awm a, Sterling leh Borini ten a sir atang in an nawr thung. Manchester United lam in an striker inhliam lokir pahnih Kagawa leh van Persie te an start tir a, captain Vidic leh inhlia Rooney te an khel lo a, De Gea aiah Lindegaard a rawn start thung bawk!! Inkhel an tan a mipui boruak sang tak kar ah inkhel boruak a sang nghal hle. Liverpool lam an home a ni bawk a, ball an chang tam zawk a, a tir ah Ryan Giggs in half chance a pet over hnuah phei chuan Man Utd in 1st half ah goal chance an neilo a tih theih. Liverpool tan Suarez shot chu Lindegaard chuan a lo dang chhuak a, Gerrard shot chu a out chiah chiah bawk. Liverpool in midfield ah ball an chang tam zawk a, 1st half pumpui chu an ball a tih theih. Min 39’na ah Liverpool rawlthar Jonjo Shelvey a phur mah mah a, Jonny Evans nen an in tackle na lamah,a hlauhawm deuh em avangin Refree in direct red card a pe a, Liverpool in 10 in an khel ta a, mahse goal awmlo in 1st half a tawp.

2nd half ah match danglamna Penalty !!! :
2nd half tan tirh ah Substition team hnih in an siam ve ve a, Liverpool in Borini aiah rawlthar Suso an luhtir a, Manchester United in Nani aiah veteran Scholes an luh tir ve thung. Inkhel an tan a, min khat pawh la ral lo ah Liverpool tan an captain Steven Gerrard chuan mawi tak in a volley goal a, 1-0 a ni a Anfield ah boruak a sang hle. Manchester Utd an zam mai bik lo a, min 50’na ah Rafael chuan mawi tak in Reina dan phakloh ah a pet goal a 1-1 a ni ve nghal deuh mai. An inkhel rei tawlh tawlh a, Liverpool player an tlem zawk tih a hriat tan a, midfield ah 1st half ang in ball an chan tam thei tawhlo a, chutih laiin Manchester United in Liverpool defense an paltlang thei chuang lo. Suarez leh Suso te Liverpool tan an shot tha zet chu Lindegaard in a save thei zel. Min 79’na ah Liverpool midfielder te ball in pass sual atangin Valencia chuan chak zet in ball a tlan luh pui a, box chungah Johnson nen an inchuh laiin a tlu a , referee Mark Halsey chuan foul ti in penalty a ham!! Video replay ah chuan Valencia hi a tlu der chiang hle!!! Van Persie chu rawn ding chhuak in keeper veilam ah a pet a, Reina kut ah fuh mahsela a dang per zo lo a, 2-1 in Manchester United in hma an hruai ta. Half chance ang a sawi tur chu awm tho mahse goal an khung belh lo ve ve a, 2-1 a chak in Manchester United chuan Anfield an chhuahsan ta a ni.

Source :BBC Football Statistic