Liverpool 0-2 Arsenal: Silai Thar A Puak

Anfield a inkhel ah Liverpool chu an mikhual Arsenal lakah an tlawm. Mipui 44,932 hmaah Arsenal mithar Podolski leh Cazorla ten Arsenal chakna goal an thun a. Liverpool tan kum 50 chhunga bul an la tan chhiat ber tum a ni hial.

Line up
Liverpool: Reina, Johnson, Skrtel, Agger, Jose Enrique, Gerrard, Allen, Sahin, Borini, Suarez, Sterling.
Subs: Jones, Henderson, Coates, Carragher, Shelvey, Downing, Kelly.
Arsenal: Mannone, Jenkinson, Mertesacker, Vermaelen, Gibbs, Diaby, Arteta, Oxlade Chamberlain, Cazorla, Podolski, Giroud.
Subs: Martinez, Koscielny, Walcott, Santos, Coquelin, Ramsey, Gervinho.
Referee: Howard Webb

Inkhel tan a ni a. Inkhel hmasaa goal thun harsat Arsenal te an bet zawka. Arsenal hmatawngte hi an la inman tawklo niin a lang. Liverpool lamin ball chang tam mahse Arsenal goal hnaihah an che hlauhawm thei bik lova, chutibawkin Arsenal lam pawh Liverpool goal hnaihah an che hlauhawm thei biklo. Midfield lamah innawr tawn mahse Arsenal an che hlauhawm leh thelh thin. Mak tak maia Arsenal midfielder Abou Diaby ball lakchhuah thin chu lehlam tan a hnawk thin hle. Cazorla, Podolski leh Giroud te inkawp chu hlauhawm viau thin mahse Liverpool goalkeeper hma a thleng meuh thinlo. Minute 31 naah Liverpool tihsual nangchingin Podolski in Cazorla a pe phei a, Cazorla chuan a dinglama Giroud aiin a ringzawk nge ni, a veilama Podolski rawn tlanlut chu pe in Podolski chuan Liverpool goal ah a pet lut a, goal hmahruai a thun. Liverpool in nawrletin an mualah captain Steven Gerrard in hma a hruai a. Rawlthar Raheem Sterling leh Luis Suarez te an che hlauhawm thei hle. Arsenal goalkeeper Vito Mannone in ball man tur nei zeuh zeuh thin mahse Liverpool lam an hlauhawm tawklo. Half time thleng chu Liverpool in han nawr deuh mahse tunhnaia defending lama hmasawn Arsenal an buailo. Half time ah mikhual Arsenal in Podolski goal hmangin hma an hruai.

Second half ah a hma aiin inkhel a hmuhnawm a. An innawr tawn zak zak karah Liverpool striker Suarez che hlauhawm mahse dinglama Borini khelhchhiat tum hi Liverpool in an tuar niin a lang. Borini aiah Downing luhtir anih hnuah Liverpool in hun tha tak tak nei mahse an hloh leh thin a. Hei hi remchangah la in minute 68 naah Arsenal in nawrin Cazorla chuan Liverpool goalkeeper Reina man theih turin a pet a, Reina chuan man lovin a zakhnuai zawnah tlang tirin Arsenal goal hnihna a pe a ni deuh ber. Arsenal in goal hnihin hma an hruai. Liverpool tan Suarez pet Arsenal goalkeeper Vito Manone in a lo ben perte, substitute Jonjo Shelvey in a pet goal lohte, Arsenal box chhunga Mertesacker in Sterling a tihtluka penalty niawm taka lang referee Howard Webb in a pek lohte bakah Sterling in Arsenal goal post a pet per te kha an en leh chuan an ui hle awm e. Hun a tawp thlengin mikhual Arsenal te an khawng a. Kum danga mawngpawp an sawi thin chu a ping tha sawta. An goal hnih thunte a tawp thlengin an humhim. Hun a tawp meuh chuan Liverpool hi an mualah Arsenal lakah goal hnihin an tlawm ta a ni.

Anfield a inkhelah hian mit la tak tak a awm a. Liverpool rawlthar Raheem Sterling leh Arsenal rawlthar Alex Oxlade-Chamberlain han inum hmuh khan England FA lam leh selector lam an lawm hle a rinawm a. A mimal takin Raheem Sterling kha a hmuhnawm hle. Arsenal in vawi thum inkhelh ah goal an la chhuahlova. Hei hi kum danga Arsenal ngaihtuah chuan thilmak a ni a. Asst manager thar Steve Bould chu Arsenal hlawhtlinna thuruk niin a ngaih theih awm e. Inkhel vawi thum ah Arsenal in point 5 hmuin Liverpool hian point 1 an hmu tawh a ni.

17 thoughts on “Liverpool 0-2 Arsenal: Silai Thar A Puak

  1. Chamberlain leh Sterling inum dun vel kha chu hmuhnawm dawn viau ah,an in cho tawk mah2 a,an in cancel dun vel ni berin ka hria haha. a sir lehlam lehlama tlan han nise an hmuhnawm lehzual dun ngawt ang tih te ka lo ngaihtuah mai2 :/

    Caroll an chhuahtir chu an tifuh lo lam hret chu a ang dawn nih hmel khawp mai, Suarez hia that viau rual hian,a scoring ltk lo ve in ka hria (fantasy lama ka lo hman ve tawh vangin hehe). Gerrard a vanglai a pel ve ta mawni,ka beisei a ang lo thin viau. Sterling erawh a la hmuhnawm zel dawn a ang khawp mai.

    Arsenal lamah fak loh theih loh chu an back line te improve ta lutuk ber mai hi, Stoke City khelh trum te khan corner an concede miah lo (hriatsual loh chuan) te kha kan fak leh hnuhnawh teh ang. Steve Bould a magic an ti deuh hlawma, kei erawh chuan Wenger a nena an partnership rah chhuah kan ti deuh kher teng πŸ˜€ Cazorla ava hmuhnawm em…POTY contender tur πŸ™‚

  2. Ka en hman lo a ka ui ngei mai. Anfield ah hian Liverpool hi an huai ta lo riau mai tunlai chu. Suarez hi ball thiam leh hmuhnawm a ni ngei a, ngatinge a αΉ­helh hoh theih viau mai aw. Nizan chauh pawh ni lo, finishing tawih deuh hi chu an mamawh ve a ni.

  3. Arsenal hi manUtd chung ah 3-na tur in ka hual e, Chelsea leh manCity te hnuai chiah a om tur in πŸ˜€

  4. Sahin khan ‘Tun trum ka transfer chu avan fuhlo chiang tak!’ a tih duh hmel a, Walcott pawn bench atangin ‘Ka van chhuak lo fuh tak’ a tih ka ring… πŸ˜€

  5. Post tha tak a ni..Anfield hi UCl Liverpool in an khelh lai kha chuan Real , Barca etc pawh ni rawh se kan home ah kan tum dawn tho ti a inhnemna a ni ve thin tunah chuan point paihna ah a chang zo ta.!!! 4-5-1 hmang a Suarez ringot a striker chhung chu engmah an ni tak tak dawn lo ka hmangaih ka LIVERPOOL hi πŸ˜€ πŸ˜€

  6. Arsenal ka fak duhna chu an la CLEAN SHEET mawlh hi ni !!! Chak an phu e. Good post.
    btw, fantasy ah podolski paihin torres ka la a.. ho thin mang e πŸ™‚ mahse torres hian tunkarah min chak pui ngei beisei ang..

  7. Arsenal kan fak ve lok teng, an passing a hmuhnom leh tran toh a, an defence a tha tran niin a lang bok a, hetiang a an khelh chhoh reng chuan an beisei sang viau ang….Liverpool ho Sterling hi a la naupang bok a, a la that chhoh viau ka ring, a physical tel ve tlat reuh bok sia…

  8. hmuhnawm bet bet e…
    Gibbs awmna lam a pawp zeuh thn th l0h cu kan khawng kual vel vek e..
    Kan puak zel dawn e..

  9. Man United pawh hun tawp dawnah kan chak e, Arsenal pawh an lawmpuiawm hle mai, mahse goal 2 an thun kher kha chu ka ngei, goal 1 bak kha ngai lo sin mawle ka keima dan bik prediction lamah.

  10. Giroud hi an lo hmanhmawh pui vak a, hmanhmawh pui vak a ngai lo… Hehe… Nakinah ala thun ve em em ang… Henry pawh Arsenal-a a luh hnu ah match 9 chhung a thun bik hleinem, chutiang bawkin Bergkamp te pawh match 6 lai an nghak ve tho alawm… Van Persie pet goal avang Giroud pet goal loh lo sawi hnawm phet hi an tum a, an in kungkaih tehchiam lo.. πŸ˜€ Anfield ah Liverpool in an ngam loh an tawng a, Steve Bould hnuaiah Arsenal defender te an solid tha threh thrawh thin khawp mai!

  11. Arsene Wenger chuan Thierry Henry a lakluh kumin November ah goal a thun chauh ati a. Giroud hi hun a pe tihna niawm tak a ni. Chamakh leh Giroud te hi centre forward tur an nih hmel a. Hma an sawn chu a ngai khawp ang.

  12. Good Post
    Podolski hi Fantasy-ah ka player. Santi Cazorla ka la luh leh nghal bawk. Bench-ah Ramsey ka la thut tir cheu. Chutihrualin Arsenal atanga chhuak ta RVP la thei turin pawisa ka nei lo thung.
    Arsenal Laipui puak zel rawh se. Mahse Giroud hi chu Laipui anga ngaih chu a har a ni. Water Pistol a ni thei angem?

Leave a Reply

Or

Liverpool 0-2 Arsenal: Silai Thar A Puak

Anfield a inkhel ah Liverpool chu an mikhual Arsenal lakah an tlawm. Mipui 44,932 hmaah Arsenal mithar Podolski leh Cazorla ten Arsenal chakna goal an thun a. Liverpool tan kum 50 chhunga bul an la tan chhiat ber tum a ni hial.

Line up

Liverpool: Reina, Johnson, Skrtel, Agger, Jose Enrique, Gerrard, Allen, Sahin, Borini, Suarez, Sterling.

Subs: Jones, Henderson, Coates, Carragher, Shelvey, Downing, Kelly.

Arsenal: Mannone, Jenkinson, Mertesacker, Vermaelen, Gibbs, Diaby, Arteta, Oxlade Chamberlain, Cazorla, Podolski, Giroud.

Subs: Martinez, Koscielny, Walcott, Santos, Coquelin, Ramsey, Gervinho.

Referee: Howard Webb

Inkhel tan a ni a. Inkhel hmasaa goal thun harsat Arsenal te an bet zawka. Arsenal hmatawngte hi an la inman tawklo niin a lang. Liverpool lamin ball chang tam mahse Arsenal goal hnaihah an che hlauhawm thei bik lova, chutibawkin Arsenal lam pawh Liverpool goal hnaihah an che hlauhawm thei biklo. Midfield lamah innawr tawn mahse Arsenal an che hlauhawm leh thelh thin. Mak tak maia Arsenal midfielder Abou Diaby ball lakchhuah thin chu lehlam tan a hnawk thin hle. Cazorla, Podolski leh Giroud te inkawp chu hlauhawm viau thin mahse Liverpool goalkeeper hma a thleng meuh thinlo. Minute 31 naah Liverpool tihsual nangchingin Podolski in Cazorla a pe phei a, Cazorla chuan a dinglama Giroud aiin a ringzawk nge ni, a veilama Podolski rawn tlanlut chu pe in Podolski chuan Liverpool goal ah a pet lut a, goal hmahruai a thun. Liverpool in nawrletin an mualah captain Steven Gerrard in hma a hruai a. Rawlthar Raheem Sterling leh Luis Suarez te an che hlauhawm thei hle. Arsenal goalkeeper Vito Mannone in ball man tur nei zeuh zeuh thin mahse Liverpool lam an hlauhawm tawklo. Half time thleng chu Liverpool in han nawr deuh mahse tunhnaia defending lama hmasawn Arsenal an buailo. Half time ah mikhual Arsenal in Podolski goal hmangin hma an hruai.

Second half ah a hma aiin inkhel a hmuhnawm a. An innawr tawn zak zak karah Liverpool striker Suarez che hlauhawm mahse dinglama Borini khelhchhiat tum hi Liverpool in an tuar niin a lang. Borini aiah Downing luhtir anih hnuah Liverpool in hun tha tak tak nei mahse an hloh leh thin a. Hei hi remchangah la in minute 68 naah Arsenal in nawrin Cazorla chuan Liverpool goalkeeper Reina man theih turin a pet a, Reina chuan man lovin a zakhnuai zawnah tlang tirin Arsenal goal hnihna a pe a ni deuh ber. Arsenal in goal hnihin hma an hruai. Liverpool tan Suarez pet Arsenal goalkeeper Vito Manone in a lo ben perte, substitute Jonjo Shelvey in a pet goal lohte, Arsenal box chhunga Mertesacker in Sterling a tihtluka penalty niawm taka lang referee Howard Webb in a pek lohte bakah Sterling in Arsenal goal post a pet per te kha an en leh chuan an ui hle awm e. Hun a tawp thlengin mikhual Arsenal te an khawng a. Kum danga mawngpawp an sawi thin chu a ping tha sawta. An goal hnih thunte a tawp thlengin an humhim. Hun a tawp meuh chuan Liverpool hi an mualah Arsenal lakah goal hnihin an tlawm ta a ni.

Anfield a inkhelah hian mit la tak tak a awm a. Liverpool rawlthar Raheem Sterling leh Arsenal rawlthar Alex Oxlade-Chamberlain han inum hmuh khan England FA lam leh selector lam an lawm hle a rinawm a. A mimal takin Raheem Sterling kha a hmuhnawm hle. Arsenal in vawi thum inkhelh ah goal an la chhuahlova. Hei hi kum danga Arsenal ngaihtuah chuan thilmak a ni a. Asst manager thar Steve Bould chu Arsenal hlawhtlinna thuruk niin a ngaih theih awm e. Inkhel vawi thum ah Arsenal in point 5 hmuin Liverpool hian point 1 an hmu tawh a ni.

Leave a Reply

Or