Pathianni Zan a ni a Lal pian champha lawmna na tur inbuatsaih nan kohhran thalai tam tak ten Christmas hla an zir tan mup mup a, zan dar 9:30 a inkhel tur te erawh solfa note a inziak tello mahse an hre hle thung.!! Anfield ah Liverpool in BPL leader nilai Man City an mikhual dawn vang a ni..!!!
| Liverpool | 1 – 1 | Manchester C. |
Anfield boruak:
Inkhel tur te boruak a sang a, amaherawh chu Welsh manager Gary Speed thihna in thla a zar mek avang in sunna hun hman a ni a, chu mi hnu ah chuan BPL tun season a match ropui leh ngaihven hlawh tak chu tan a ni ta. Fans an phur a, a rik in a ri mum mum a, TV lam a thlir tu te pawn kan tawmpui ngei awm e.!!
Khelmual a intum te :
Liverpool: Reina, Johnson, Enrique, Skrtel, Agger, Lucas, Adam, Henderson, Downing, Kuyt, Suarez.
Man City: Hart, Micah, Kompany, Lescott, Clichy, Barry, Toure, Milner, Silva, Nasri, Aguero.
Inkhel an tan a team tha pahnih inkhel an ni bawk a, manager an fimkhur ve ve a, midfield tih chak a pawimawh tih hria in 4-5-1 ve ve an rawn hmang a,mikhual Man City an huang tau zawk ah an tang a, an midfield ten ball an chang tam nghal a Liverpool player ten Winger Nasri leh Silva te an um a, a lai ah Barry leh Yaya te an khawng hle bawk. Liverpool mual lam ah ball a tam a, amaherawhchu goal hlauhawm siam thei lovin Lucas in a dang chat hnem a, an tlar hnung a Skrtel leh Agger an khawng hle bawk. Man City in nawr viau mahse goal hlauhawm a awm lem lo. Min 31 ah man City in corner an hmu a Liverpool line marking tha lo lai tak ah ball lut in Company dar a fuh a, a pial goal a Reina tan chet ngaihna a awm tawh lo. Liverpool an harh nghal a, an nawr chhunzawm a Liverpool midfield vawng khawng tu Charlie Adam shot chu Lescott chuan lo dang pial in an lam ah a goal a, Man City in an pet goal atang a second 109 chiah a la ni tih min 33 ah 1-1 a ni leh nghal a. Liverpool in an nawr chhunzawm a Adam shot chu Joe Hart in a ke in a lo dang pial a a goal lo hlauh a, half time a ni zui
Second half an tan a City in bul an tan tha leh nghal zawk a, Nasri khalh luh chu Aguero chuan lo dawng in a ti Goal nghal teuh hle. Team pahnih te ball an keng in an hlauhawm thin ve ve hle a, amaherawh chuu midfield a indan sak a tan in goal hlauhawm a awm thei meuh lo. Charlie Adam leh Lucas ten Liverpool midfield an vawng khawng a, an game a tha tulh tulh a, ball an chang tam tial tial a, City lam in counter attack in Milner leh Nasri te an bei phei thin chu a hlauhawm teuh thei hle.Adam back pass sual Silva in a lo la a, a pet goal a tum meuh chuan Liverpool player 3 lai goal line ah an lo intlar hman!! Nasri chu Balotelli in a rawn thlak a , a chenawi a Red card min 83 ah a hmu a. Liverpool in chak tum in an nawr a Adam,Suarez,Kuyt leh Carroll te goal attempt tha tak tak chu Joe Hart in a lo dang zel a . Joe hart hian City a chhandam ta a ni!!
Possession
- Liverpool 56%
- Man City 44%
Attempts on target
- Liverpool 9
- Man City 3
Attempts off target
- Liverpool 8
- Man City 4
Corners
- Liverpool 8
- Man City 5
Fouls
- Liverpool 11
- Man City 13
lucas kha a kheltha ber mai in ka hria….liverpool an khel tha zwk bwk…
Kei pawh. An inkhelh hma kha chuan ka beisei sang lo khawp mai a. Second half-ah phei kha chuan, goal an khung thei lo lutuk kha a mak ka ti tawh zawk.
Thawnthu hrim hrim ziak rawh, Cowboy chu hralh a tla tawh lo e
@zaia: cowboy chanchin ka ziak mai dawn mi?? Lol..
an inkhelh hma chuan Liverpool in an hneh ka beisei vak lo a, amaherawchu an inkhel tak hnu ah kha chuan an in draw kha a mak ka ti leh daih!!!
uihawm thlawt e..nizan match kha chu hmuhnawm tak a ni.e chuan Balotelli tak hi chu ka tan lo thlawt
charlie kha world class player diktak a nih kha. Sir Alex in a corner ringot pawh 10ml pound man a ti el vel kha a dik chiang a lawm!!! Lucas han that zia hi chu aw.. Anfield boruak hi chu a ropui a ni..4-4-2 in khel se kan chak ka ring khop mai
Hriat ve mai mai atan – Tun season-ah match khata City-in goal shot an neih tlem ber tum a ni a, vawi 7 chiah (shot on goal) an nei. A hmaa an goal shot tlem ber chu vawi 14 a ni! Match khatah goal 1 chiah an khung theihna match awmchhun a ni bawk.
Va post ngaihnawm ve! I thu han kamkeu vel dan chu – lehkhabu ziak tawh mai dawn mi? 🙂
Inkhelh zawh kha chuan lawm zawk chu an awm chiang maw le! Anfield-ah chuan man to rual City player-te meuh pawh an che hlei thei lo a, an manager pawhin defensive game a rawn plan nghal ringawt a nih kha! Second half-ah midfielder Nasri lachhuaka striker Balotelli a rawn tir lut kha Mancini tihsual lian tak a ni. Khami hnu kha chuan City khan chance an nei thei tawh lo reng reng. A kum 47-na chamah Mancini a tlawm lo kha amah leh an fans-te an lawm ngawt ang.
Post tha e!Nizan game kha keichu tun season bpl-ah chuan hmuhnawm ber pawl niin ka hria,Silva leh Nasri hi an indip deuh a ang tlat
Good post! Ka en zo thei ngang lo a, ka muthilhsan a, mahse he post ngaihnawm tak han chhiar chuan en zo fai vek ang mai ka ni e.
@A LilFoe: Ka lawm e.
@ eddie : lalzar zaova’n a table kha a enkawl a, ka lo hrilh dawn nia
@Admins:EPL Prediction kha vawi 4 ngawt ka submit si a mahse ka tel ve miahlo a hma pawhin ka tel ve tho sia.Enge a awmzia khawngaihin min han hrilh fiah teh u.
Post hi neutral a, inkhel dan diktak, thiamtawk leh ngainawm tawk takin i rawn post ani (Kan mizo webside danga post thenkhat hi side an neitheih lutuka…post hlutna pawh a ti nep pha thin)
Post tha thei mange.
Zanin inkhel chu goal 2 kan thuna, a tha tho2 a ngai ang.
Anfield-ah kheltha ltk lo mah ila, possession, shot on target etc en hi chuan a lungawi thlak thoe..
A ngaihnawm khawp mai. Liverpool hi chu club lian an khelh hian an khel tha thei phian a,club te an khelhin an che nawi leh riau thin.
Liverpool an vannei ti ila, thenkhat tan a ngeiawm ang! Citizen a lian tual tual tih erawh phat rual a ni lo, game physical tak pawh a ni tel, hmuhnawm khop mai, City vul zel rawh se
K ui trwt2 lutk…:)
Good Post!!… Liverpool 2nd half an khel tha thlawt a… Mancini hi 2nd half ah hian a dawih riau thin kha ania, Balotelli red card hmu khan a tan tihngaihna a ti awmlo lehzual anih kha…a hmuhnawm thruai thruai khawp mai…a ngaihnawm bawk!!
CIty-in goal 2 an thun a se an chak zo lo nimaw .haha . “zan dar 9:30 a inkhel tur te erawh solfa note a inziak tello mahse an hre hle thung” tihlai hi ka duh lutuk. Good post macha