Season hmasa-a Liverpool Player of the Year Martin Skrtel chuan Liverpool ah a rinawm a ni tih nemngheh nan contract thar a ziak. Skrtel contract thar rei zawng chiah hi Liverpool chuan a puang lo a, ‘hunrei tak’ a nih thu erawh an tarlang a ni.
Kum 28 a upa, Liverpool defender pá zet mai hi Manchester City, Arsenal, AC Milan leh Zenit St. Petersburg ten lei an tum nia sawi a ni a. Tunhnai kumhnih chhunga a khelh ṭhat zia ngaihtuahin heti zat lei duhtu a nei hi thilmak a ni hran lo. Mahse kum 2008 aṭanga a lo khelh tawhna Liverpool a awmzui zel a thlang ta zawk a, Liverpool fans thinlunga hriatreng tlak ni tura khelh a tum thu a sawi.
Slovakia international defender chuan, “Khawvela club lian ber pakhatah ka awm a, he hmunah hian ka hlim tawk a ni. Season hmasa a tâwp hnu khan ka hmalam hun chungchangah thuthang tamtak a awm a, mahse ka ngaihpawimawh hmasak ber chu Liverpool a contract thar ziah thuai thuai kha a ni zawk. Ka tân chuan Liverpool tâna khelh hi a ropui a, player ropui tak tak, khawvela player ṭha ber ber te bula ka khel thei hi ka inchhuang hle a ni.
“He club ah hian thil chhinchhiahtlak tih ve ka duh a, fans ten min hriatrengna tur hnutchhiah ve ka duh a, hei hi ka ‘target’ chu a ni. He hmunah hian kum li leh a chanve dawn ka lo awm ve ta a, keimah chauh ni lo, ka chhungte pawhin nuam an ti a, chuvangin club danga chhuah ka ngaihtuah ngai lo hrim hrim a ni.
“Thil tamtak a inthlak a, manager thar kan nei a, history siam kan duh a, history siamtute zinga tel ve ka duh. Tunah chuan a chhe berah palina nih kan tum phawt dawn a, chumi hnuah hmasawn zel kan tum ang. Brendan Rodgers hian Swansea a a tih ang kha Liverpool ah a ti thei ang tih ka ring a, nikum aia ṭhain kan khel theih ka beisei tlat a ni. Kumhnih kalta chhunga ka khelh danah ka lungawi a, ka inkhelh ve chhunga ka khelh ṭhat ber a ni hial maithei. Tun season ah hian nikuma ka khelh anga ṭha a ka khelh theih chuan ka lungawi ang.” tiin Liverpool official website a hrilh a ni.
Skrtel hian kum 2008 ah Zenit St. Petersburg aṭangin Liverpool a zawm a, ‘The Reds’ tân vawi 175 inlan tawhin, Daniel Agger nen an inkawp hi Premier League a central defence ṭha ber a ni hial angem?
source: liverpoolfc.com
Free sample pack of cialis
Cialis us
Liverpool sân theih loh chhan chu goal an thun tlem thin em a ni. Goal hi chu an chhuah tam lo khop mai.
Kan playerte hi chu an nghet churh mai ani!
Atha khwp mai..mahse,an cakloh zin dan enin leh table a an dinhmun enin atha ber cu an nih hmel loh deuh..akhelha an hnehloh tum pwha defenc that vag cauh ani,han tih ag ci pwh atam teh lua lo tlat..mahse atha pwl tak cu an ni e..
Famkim lo mihring vek kan nihzia West Brom lakah khan kan hmu a, mibik an nih zia chu an la rawn tilang zel ang.
@Cleverley: An la bon dawn chauh lom, lo en reng rawh.
Central defender tha ber pahnihten West Brom lakah goal 3 an chhuah ang maw.
LOyalty…YNWA
Gud post,a pa bwka,Agger nena an inkwp chu an that ber loh pwn striker te tana tawn huphurhwm pwl chu anni hrim2