Liverpool Beiseina Neih Chhun – Brendan Rodgers

image source: www.mirror.co.uk

‘Hmänah chuan..’ an ti thin a. Tunah chuan manager an nei ve leh ta. ‘King Kenny’ tia Liverpool tantuten lungdum taka an koh, chhanchhuaktu tura an ngaih meuh pawhin Premier League-ah pariatna a nihpui thei tâwk a. Liverpool neitu American-te hian coach hming langsar leh ropui tak an lalût dawn emaw tih laiin, eng lawmman ropui mah la dawng ngai lo, Premier League-a top 10 chin chunglam club-a manager pangngai la ni ngai lo hrim hrim Brendan Rodgers chu Official-in Liverpool manager a ni ta a. Liverpool fans an lâwm kim lova, a lâwm lo pawl nge ti fuh dawn a lâwm pawl tih chu hunin a la hril ang chu.

‘Hmanah chuan’ vang: Rodgers hian Liverpool a zawmna chhan chu an history a nih thu a sawi a. “Liverpool-te ang, Champions League-a vawi 5 champion tawh club manager nihna chance hi tumahin vawi tam an nei ngai lova, chuvangin min sawmna hi ka hnar phal thlâwt lo a ni,” a ti tawp mai! “Club lian enkawl tur hian British coach-te hian chance kan ngah lohzia hi sawi tam a tûl lova, chuvangin chance ka neih chhun ka bawh hi ka tih tur dik tak niin ka hria,” a ti bawk.

Ka thu thu lo chuan: Liverpool neitute hian manager turin mi tam tak an beisei a, mahse mi tam takin Liverpool manager nih an châk lo. Rodgers pawh hian Liverpool manager nih hi a châk zawk zawk lova, a thu anga a kal theih dawn loh chuan Anfield pan a duh lo. Liverpool hian Sporting Director lâkluh an tum a, a hming pawh Louis Van Gaal a nih kha. Mahse manager atana an lâkluh tak Rodgers hian Director of Football emaw, Sporting Director emaw, mi pakhat lal tak hnuaia thawh a, player lei leh hralh chungchanga thuneihna nei lova awm a duh lo.

“Thuneihna duha tuihâl ka ni lo. Mahse ka team-te chu ka enkawl ang a, ka duhdanin kan kal ang. Chutiang a nih loh chuan harsatna ka nei a ni mai. Player lo lut turte pawh ka lei an ni ngei tur a ni. Manager ka nih chuan, ka hualvêlah department hrang hrang a awm zâwk tur a ni,” a ti hmiah mai! Chutih rual chuan, “Hetiang club angah hi chuan mi pakhat chauhvin thil zawng zawngah thuneihna a chang thei lo tih ka hria. Amaherawhchu tu emawin manager hnenah player lei tur a hrilh chuan a dik lova, awmzia a nei lo,” a ti. Player lei leh hralh chungchangah chuan thuneihna neih a tum hle a ni.

In tha ber, mahse a hahthlâk dawn: Rodgers chuan Anfield-ah chuan Liverpool thisena bet tlat passing football a khelhtir leh dawn tih a sawi a. Mi tam tak ang bawkin Barcelona khelhdan ngaisangtu a nih thu sawiin, Liverpool player-te pawh Barca anga khawvêla tha ber an ni thei tih a sawi a, mahse ‘a hahthlâk dawn a ni,’ a ti.

“Player-te hian inkhelh an duh a, mahse pawimawh ber zawk erawh chu TV a lang lo lam football a ni. Player tam ber hian Barca inkhelh dana inkhelh hi an duh ka ring. Amaherawhchu chutianga khel tur khawpa training peih an ni em? tih hi zawhna a ni,” a ti a. “Swansea-a kan khelhdan kha miin min fak thin a. An hmuh hmaih fo erawh chu, ball chang hnem tura chetran ngaihzia kha a ni,” a ti.

Ka kovah a innghat vek: “Liverpool ang club-a luh hi chuan an jersey hâk ringawt pawh hi pressure nasa tak siamtu a ni a, club dang kawr aiin an kawr hi a rit zawk a ni. Fans-ten he kawr hatu laka an beiseina hi a sangin a nasa êm êm a ni. Ka hna ber tur chu – chu pressure lak atanga player-te chhanchhuah a ni ang. Player-te chuan field chhungah football an khel tawp ang a, an chêt that leh chhiatah mawh ka phur vek ang,” a ti hmiah mai a. Pound maktaduai 35 man Andy Carroll-a phurrit pawh a chhâwk zângkhai thei dawn a ni maithei!

Fans leh player inmil lo: Rodgers chuan, “He club player-te leh supporter-te hi an inmil a ngai a, chu chu ka siam fel a ngai a ni. Tûnah hian khawvela supporter tha ber kan nei a, mahse player erawh chutiang chu an ni chiah lo. He club-ah hian ka ngaihdan ni lo sawi turin ka lo kal lova, player leh supporter-te hnena phûrna pe leh turin ka lo kal a, chu chona chuan keimaha phûrna nasa tak min pe a ni,” a ti.

Minute 90 rei ber: Liverpool boss thar chuan, “Supporter-te hmangin, Anfield-a lo kal apiang hnenah an hun hman tawha minute 90 rei ber pêk kan tum dawn a, chu chu kan tumdan dik tak a ni. Swansea-ah khan hetiang hi ka tumdan a ni a. Minute 10 chhung lehlam player-in ball an khawih loh chuan rei an ti a, sana an en a, minute 10 chauh a la kal si a, an tan chuan a rei êm êm a ni. Tûnah chuan khawvêla supporter tha ber ka nei tawh dawn a, Anfield hi player dangte tana kal hrehawmah kan siam ngei ang,” a ti.

Kenny thlaktu ka ni lo: “Manager-te hi kan thil tih tawh atangin teh thin kan ni. He club-ah hian keima chanchin ziak turin ka lo kal a ni,” tiin Rodgers chuan a sawi a. “Kenny Dalglish ai hi eng tikah mah ka awh zo dawn lova, ka zah êm êm a ni. He club chanchina player tha ber, manager tha ber, pa tha theihtawp a ni a, ani nen hian min khaikhin chuan ka tling lo sa tih ka hria,” tiin Kenny nena khaikhin a duh lova. “Kei chu Brendan Rodgers ka ni a, he football club tan hian ka theihtawp ka chhuah dawn a, ka tling tawk a ni tih lantir ka tum a ni,” a ti.

Ka vannei: Rodgers chuan Liverpool manager a ni thei chu vannei a intih thu sawiin, a theihtawp takmeuh a chhuah dawn tih a sawi a. “Hetiang hun remchang ka nei hi ka vannei takzet a, hetiang hun remchang min petu John Henry, Tom Werner leh FSG te chungah lawmthu ka sawi. Ka phûr a, he club thiltum tihlawhtling tura hnathawh ka châk tawh a ni. Liverpool Football club-in field chhung leh pawna a thiltum ropui tak tak tihlawhtling a, a nihna humhim tur hian ka theihna zawng ka hmang dawn tih ka tiam e,” a ti.

Mi club chuan manager ropui tak tak an lalût a, sum tak tak hlawhtirin, player ropui tak tak nen trophy an chawi a. Liverpool erawh chu manager ropui tak takin an enkawl peih lova, player langsârin luhna tlâkah an ngai tawh lo. Ireland-a sanghamantu fapa, kum 39 chauhva upa, hna hahthlâk thawh kawnga mikhual lo tak Brendan Rodgers chu Liverpool hmuh tâwk a ni ta. Europe leh England-a chapo taka leng thin Liverpool fans-te chuan an duhthlan theih chhunah hian chapo har an ti maithei. Mahse, “At the end of a storm is a golden sky, and the sweet song of a lark… walk on with a hope in your heart” tih sa rual dual dual thinte tan beiseina mei a la mit lova, an hmaah hlimna kawl a êng dawn em tih erawh tun maia chhan chi a ni lo thung.

14 thoughts on “Liverpool Beiseina Neih Chhun – Brendan Rodgers

  1. Pingback: coupon for cialis

  2. Pingback: Buy viagra

  3. Hriatpuia pa Post author

    Thank you zel, 😀 Khawvel football rivalry, a bikin English football-ah phei chuan lian ber chu Red Devils leh Mighty Reds-te inkar hi a ni a. Chuti chunga Devils-in Reds chanchin ngaihnawm i tih khawpa ka ziak thei chu ka va lawm em! Cleverley, rivalry awm hian football en a tinuam ve tlat a sin!

    @nounep, ni e, nizan lamah ka chhiar a, kan tum leh dap dap ang e 🙂

  4. noupep

    Hriatpuia pa, Aston villa in Paul Lambert an lakluh chanchin leh a chhehvel boruak thu lenglam vel zofooty khelmualah hian han puangchhuak leh dap dap la tiraw

  5. Cleverley VRT

    La thank you all lo teh ka lo comment ve lawk, Man United fans ka ni a mahse i thu ziah meuh hi chuan ka rilru a khawih tlat, post tha khawp mai. Ngatige football ah hian rivalry hi a lo awm ve le.

  6. Hriatpuia pa Post author

    Thank you all 😀

    Ziah tur a tam lutuk a, ziah ber tur leh ziah loh ber tur pawh ka hre lo. A post-tupa tan chuan in comment a ngaihnawm hlawm khawp mai 🙂

  7. Zama Rumkhar

    Ka in hlan thei mai dawn lom leee. hehe. ziak tha kher mai.. Liv hi an rawn che tha anih theih ngat chuan BPL hmuhnawm tawh dan tur hi

  8. noupep

    A hma khan martin oneal kha an belo vei anih kha…tak taka alo tha phian maithei asin. GP

  9. Ramenga

    A va ngaihnawm dap dap ve le. Post ṭha kher mai. Team chetṭhat leh ṭhat loha mawhphurhna a la ngam khi a ‘man’ khwp mai. Jose Mourinho pawh khan Chelsea-a a awmlai khan hetiang deuh ciah hian a soi ṭhin.

  10. laipuichhuanga

    Gp…thuswi athiam dap2 hlemai,agaihnwm bwk,a duhlo ho ph an inhlan vek thei maiag a….tk2 in swi wmtak ahria e,hlwhtling mwlh thse,BPL hn vw hot thar leh ah pwh

Leave a Reply

Liverpool Beiseina Neih Chhun – Brendan Rodgers

image source: www.mirror.co.uk

‘Hmänah chuan..’ an ti thin a. Tunah chuan manager an nei ve leh ta. ‘King Kenny’ tia Liverpool tantuten lungdum taka an koh, chhanchhuaktu tura an ngaih meuh pawhin Premier League-ah pariatna a nihpui thei tâwk a. Liverpool neitu American-te hian coach hming langsar leh ropui tak an lalût dawn emaw tih laiin, eng lawmman ropui mah la dawng ngai lo, Premier League-a top 10 chin chunglam club-a manager pangngai la ni ngai lo hrim hrim Brendan Rodgers chu Official-in Liverpool manager a ni ta a. Liverpool fans an lâwm kim lova, a lâwm lo pawl nge ti fuh dawn a lâwm pawl tih chu hunin a la hril ang chu.

‘Hmanah chuan’ vang: Rodgers hian Liverpool a zawmna chhan chu an history a nih thu a sawi a. “Liverpool-te ang, Champions League-a vawi 5 champion tawh club manager nihna chance hi tumahin vawi tam an nei ngai lova, chuvangin min sawmna hi ka hnar phal thlâwt lo a ni,” a ti tawp mai! “Club lian enkawl tur hian British coach-te hian chance kan ngah lohzia hi sawi tam a tûl lova, chuvangin chance ka neih chhun ka bawh hi ka tih tur dik tak niin ka hria,” a ti bawk.

Ka thu thu lo chuan: Liverpool neitute hian manager turin mi tam tak an beisei a, mahse mi tam takin Liverpool manager nih an châk lo. Rodgers pawh hian Liverpool manager nih hi a châk zawk zawk lova, a thu anga a kal theih dawn loh chuan Anfield pan a duh lo. Liverpool hian Sporting Director lâkluh an tum a, a hming pawh Louis Van Gaal a nih kha. Mahse manager atana an lâkluh tak Rodgers hian Director of Football emaw, Sporting Director emaw, mi pakhat lal tak hnuaia thawh a, player lei leh hralh chungchanga thuneihna nei lova awm a duh lo.

“Thuneihna duha tuihâl ka ni lo. Mahse ka team-te chu ka enkawl ang a, ka duhdanin kan kal ang. Chutiang a nih loh chuan harsatna ka nei a ni mai. Player lo lut turte pawh ka lei an ni ngei tur a ni. Manager ka nih chuan, ka hualvêlah department hrang hrang a awm zâwk tur a ni,” a ti hmiah mai! Chutih rual chuan, “Hetiang club angah hi chuan mi pakhat chauhvin thil zawng zawngah thuneihna a chang thei lo tih ka hria. Amaherawhchu tu emawin manager hnenah player lei tur a hrilh chuan a dik lova, awmzia a nei lo,” a ti. Player lei leh hralh chungchangah chuan thuneihna neih a tum hle a ni.

In tha ber, mahse a hahthlâk dawn: Rodgers chuan Anfield-ah chuan Liverpool thisena bet tlat passing football a khelhtir leh dawn tih a sawi a. Mi tam tak ang bawkin Barcelona khelhdan ngaisangtu a nih thu sawiin, Liverpool player-te pawh Barca anga khawvêla tha ber an ni thei tih a sawi a, mahse ‘a hahthlâk dawn a ni,’ a ti.

“Player-te hian inkhelh an duh a, mahse pawimawh ber zawk erawh chu TV a lang lo lam football a ni. Player tam ber hian Barca inkhelh dana inkhelh hi an duh ka ring. Amaherawhchu chutianga khel tur khawpa training peih an ni em? tih hi zawhna a ni,” a ti a. “Swansea-a kan khelhdan kha miin min fak thin a. An hmuh hmaih fo erawh chu, ball chang hnem tura chetran ngaihzia kha a ni,” a ti.

Ka kovah a innghat vek: “Liverpool ang club-a luh hi chuan an jersey hâk ringawt pawh hi pressure nasa tak siamtu a ni a, club dang kawr aiin an kawr hi a rit zawk a ni. Fans-ten he kawr hatu laka an beiseina hi a sangin a nasa êm êm a ni. Ka hna ber tur chu – chu pressure lak atanga player-te chhanchhuah a ni ang. Player-te chuan field chhungah football an khel tawp ang a, an chêt that leh chhiatah mawh ka phur vek ang,” a ti hmiah mai a. Pound maktaduai 35 man Andy Carroll-a phurrit pawh a chhâwk zângkhai thei dawn a ni maithei!

Fans leh player inmil lo: Rodgers chuan, “He club player-te leh supporter-te hi an inmil a ngai a, chu chu ka siam fel a ngai a ni. Tûnah hian khawvela supporter tha ber kan nei a, mahse player erawh chutiang chu an ni chiah lo. He club-ah hian ka ngaihdan ni lo sawi turin ka lo kal lova, player leh supporter-te hnena phûrna pe leh turin ka lo kal a, chu chona chuan keimaha phûrna nasa tak min pe a ni,” a ti.

Minute 90 rei ber: Liverpool boss thar chuan, “Supporter-te hmangin, Anfield-a lo kal apiang hnenah an hun hman tawha minute 90 rei ber pêk kan tum dawn a, chu chu kan tumdan dik tak a ni. Swansea-ah khan hetiang hi ka tumdan a ni a. Minute 10 chhung lehlam player-in ball an khawih loh chuan rei an ti a, sana an en a, minute 10 chauh a la kal si a, an tan chuan a rei êm êm a ni. Tûnah chuan khawvêla supporter tha ber ka nei tawh dawn a, Anfield hi player dangte tana kal hrehawmah kan siam ngei ang,” a ti.

Kenny thlaktu ka ni lo: “Manager-te hi kan thil tih tawh atangin teh thin kan ni. He club-ah hian keima chanchin ziak turin ka lo kal a ni,” tiin Rodgers chuan a sawi a. “Kenny Dalglish ai hi eng tikah mah ka awh zo dawn lova, ka zah êm êm a ni. He club chanchina player tha ber, manager tha ber, pa tha theihtawp a ni a, ani nen hian min khaikhin chuan ka tling lo sa tih ka hria,” tiin Kenny nena khaikhin a duh lova. “Kei chu Brendan Rodgers ka ni a, he football club tan hian ka theihtawp ka chhuah dawn a, ka tling tawk a ni tih lantir ka tum a ni,” a ti.

Ka vannei: Rodgers chuan Liverpool manager a ni thei chu vannei a intih thu sawiin, a theihtawp takmeuh a chhuah dawn tih a sawi a. “Hetiang hun remchang ka nei hi ka vannei takzet a, hetiang hun remchang min petu John Henry, Tom Werner leh FSG te chungah lawmthu ka sawi. Ka phûr a, he club thiltum tihlawhtling tura hnathawh ka châk tawh a ni. Liverpool Football club-in field chhung leh pawna a thiltum ropui tak tak tihlawhtling a, a nihna humhim tur hian ka theihna zawng ka hmang dawn tih ka tiam e,” a ti.

Mi club chuan manager ropui tak tak an lalût a, sum tak tak hlawhtirin, player ropui tak tak nen trophy an chawi a. Liverpool erawh chu manager ropui tak takin an enkawl peih lova, player langsârin luhna tlâkah an ngai tawh lo. Ireland-a sanghamantu fapa, kum 39 chauhva upa, hna hahthlâk thawh kawnga mikhual lo tak Brendan Rodgers chu Liverpool hmuh tâwk a ni ta. Europe leh England-a chapo taka leng thin Liverpool fans-te chuan an duhthlan theih chhunah hian chapo har an ti maithei. Mahse, “At the end of a storm is a golden sky, and the sweet song of a lark… walk on with a hope in your heart” tih sa rual dual dual thinte tan beiseina mei a la mit lova, an hmaah hlimna kawl a êng dawn em tih erawh tun maia chhan chi a ni lo thung.

Leave a Reply