Carling Cup Final : Wembley Stadium a Carling Cup Final khelh zawh takah Liverpool chuan Cardiff City hneh in an champion ta. Hun pangngai ah 1-1 in an inhneh tawk a, extra time ah goal khat ve ve thin belh in 2-2 in an inhnehtawk chhunzawm zel a,penalty shoot out ah 3-2 Liverpool an chak ta a ni. Inkhel hmuhnawm tak a tir atang a tawp thleng a dinhmun in that chhawk zak zak kan hmu a. Football Final ropui tak kan en a, Liverpool in player quality nei tha zawk in inkheh hma in chak zawk tur a beisei ni mahse Cardiff player te inpekna ropui tak thih tha tak meuh meuh a an bei a hmuhnawm a, a tawp ah ding chang ta zawk Liverpool chuan kum 6 hnu a Cup an chawi leh hmasak ber Carling Cup an nei ta a ni.
Wembley Stadium ah inkhel boruak :
Mipui 88,041 pung khawm an ni bawk a, khawvel fans bengchheng ber a an sawi Liverpool fans a sing chuang awmkhawm ni bawk nen Wembley Stadium chu a ri hup hup a. A chhan ber chu an Captain Steven Gerrard Cup chawi tawiawm tur a kal an ni!! Cardiff City fans lam pawh an pawr a Championship division atang a final thleng an nih avangin beiseina nen Wembley an pan ve bawk.
Team pahnih te an rawn chhuak a mipui boruak a sang hulh hulh hle, inkhelh an tan atang a min 1 lek ah G Johnson chuan Goal bar a per per nghal pang mai a Liverpool fans an au a, player te an phur hle bawk. Liverpool player ten an nawr chhunzawm char char a, ball pawh an chang hnem hle.Liverpool lam in nawr viau mahse Cardiff player ten an rawn nawr thut a,Liverpool defender line marking karah min 19 na lek ah Mason chuan Reina kapkarah pet lut in mawi tak in a pet goal a, Wembley ah Liverpool fans te an ngawi duk mai!!! Cardiff City player te an tang rual a goal chhuah loh an tum bawk a, defense line ah mumal tak in an inremkhawm thei a, Liverpool player te an dang char char char a, an keeper Heaton khelh that ni a lo bawk a Liverpool player ten goal an khung thei lo a 1st half ah Cardiff in 1-0 in hma an hruai.
2nd half an tan a chakloh tum lo Liverpool player ten an nawr chhunzawm nghal zel a, Cardiff player ten game mumal tak an khel a, an tang tlang a, defense mumal tak an neih rual in an counter attack a hnuhnawm hle bawk. Liverpool player ten goal hmaah an in thelh siak a ni ber a, captian Gerrard pawh ni dang ang lo tak in goal mouth ah a pet lut thei meuh lo. Min 60 ah Liverpool in corner an hmu a Luiz Suarez chuan head in Goal ban a per a, a rawn chhuak leh chu Strtel chuan lo dawng in Cardiff City keeper Heaton kapkar ah a pet goal a Liverpool an phur thar ve leh ta. Goal dang lut lovin hun pangngai a tawp ta a ni.
Extra time ah pawh 1-1 tho!!
1-1 a an in draw avangin chak zawk awm ngei ngei ngei a ngai a, extra time an khel ta a , substitution te siam in an game flow pawh a dang leh ta deuh hlek a, Liverpool sub Dirk Kuyt chuan min 105 ah ball khalh lut in a shot chu Cardiff defender in a lo dang per a, ball lokal leh chu amah bawk chuan pet leh in kil tak ah a goal ta a, Liverpool dinhmun a tha chho ta. Cardiff City in theih tawp an chhuah zui a. Liverpool an rawn nawr tawm ve nghal a, an ball bawl a na hle a, min 118 ah corner atang in Turner chuan an siphurh a sut a. 2-2 in hun pek belh ah pawh an la in draw a penalty pet a ngai ta a ni.
Penalty Inthelhsiakna ropui!!
Penalty an pet a, Liverpool Captain Gerrard a pawn pen chhuak a, Cardiff keeper Heaton chuan mawi zet in a lo dang per a, Cardiff star Kenny Miller in a rawn pet ve a, Reina bum chiang hle mahse goal ban a per dawp a, a goal lo ve leh a.Charlie Adam a rawn ding a nervous zia a hriat a, a pet thlawk chiang hle. Don Cowie chan Cardiff tan an rawn thun ta a an dinhmun a tha ta,Dirk Kuyt chuan pressure sang tak karah cool tak in a rawn pet goal a, Cardiff player Rudy Gestede chuan a rawn pet in goal ban a rawn pet per leh a an in draw leh ta. Stuart Downing,Peter Whittingham,Glen Johnsonn ten an rawn khung a. Cardiff in an pet goal ngei ngei a ngai ta a. Gerrard Cousin Antony Gerrard chuan rawn pet out in Liverpool 3-2 in penalty ah an chak ta a ni.
Liverpool hi League Cup champion ngun ber ni in an vawi 8 na a ni ta a. England-a Cup chawi zing ber Man Utd nen in nih rual in Cup vawi 15 an chawina a ni ta bawk a. FA Cup 2006 atanga Cup chawi tawh lo chu a chawi ve leh ta bawk a ni.
Liverpool manager King Kenny chuan “Tun a kan chakna hi Cup kan lak lehna tan tir chauh a ni, kan bei zei ang a, tun hi chu a bul tan leh na chauh a ni” a ti. King kenny hian Player leh Manager ang in he Cup hi a chawi ve ve ta a, manager ang a season 1-na a enkawl na ah Cup a chawipui thei hi a ropui hle a ni.
Stats Source : BBC
kum 6 hnuah League Cup. Tha viau e.
ka lom pui e……
Kan la ti dawn chauh a ni. Ahems
Ziak ngaihnawm kher mai.
king kenny thusawi khi ka duh khop mai…nuam thin e
Inkhel in hnehtawk tak ah Liverpol kan vannei ta hram eee…Good Post
Liverp lwmpuia,cardiff twrhpui thug..final thlen leh hi aharsa dwn em mai…kan swi vul cuk player hlwh tam manto ho leh hriat vak loh ho thiamna hi alo inthlau lemlo thin ee..
An tui hal tawh bawk a…Carling Cup tal chu la ve teh se..
A va nuam teh reng em. Good post
Cup chawi hi a nuam a nia nge an hlim em mai….kan lo la hlimpui ve zui.
good post…….inkhel en ngei leh neutral taka review hi chhiar a nuam a, tin internet leh media danga an sawi lemloh fresh point of view te hlei hlei hian beng a titlai a nia….good work, guys. Kan lawm hunah kan sawm ve maithei che u…..thu awih phawt ula…….
Wembley-a Steven Gerrard cup chawi hi a hmuhnawm e…..such a special night for us……..
nuam thin……
a post tu kha kn chibai teh ag…a thra khwp my,an inkhel en tluk k ni:-)
Nizan kan champion dan kha chu “Vai film ang mai” a ni kan ti dawn nge? A romantic ngoih2 in ka hria. Liverpool leh history lo ti ve tawk thinho khan engtin takin lo hnial leh hlawm ang maw?? An ropuia, an ropui zel dawna, an ropui kumkhua tawh dawn a ni. Thumbs Up Red men. Y.N.W.A 😀
good post,chhiar a manhla hle mai;gerrard chu a unaupa gerrard an cup a chawi tir anih kha;;fel khawp mai;FA kan la bawk anga nuam dawn hle mai;TOP4 kan kai chuan duhthusam animai tun seasn chu;
Liverpool te ka lawmpui e.