The Hawthorns ah Liverpool an leng lut a, West Brom 2-0 in an va henh a awlsam tak in point thum nen an ho.

West Brom 0-2 Liverpool
Adam (pen) 9, Carroll 45+1

Liverpool thar kan hmu e :
Liverpool in an captain Steven Gerrard leh Vice Captian Jamie Carragher te tel lovin West Brom home ah an khel a, an duhthusam result an hmu. Liverpool hi two men team ti a an lo sawi thin Gerrard leh Torres te tello chuan engmah an ni lo ve an tih thin chu an player lei thar ten an rawn nawt reh ta.

Game tan tirh atang in Liverpool in an game hmasa pahnih Man Utd leh Norwich ten an draw tum a an khelh ang bawk in phur tak in an nawr nghal a, inkhel tan chiah atang in West Brom an bet nghal hle. Min 9 ah Suarez chu box chhung ah West Brom defender in a titlu a, referee in hmu lo mahse linesman position atang in contact ngei a ni tih a hmu a, linesman a phar a referee in a tawmpui a penalty an hmu a, Charlie Adam chuan chiang tak in keeper bum in a pet goal.

Liverpool hian an nawr chhunzawm nghal a amaherawh chu goal hlauhawm an nei hleithei bik lova half chance hman tangkai tur erawh an nei fo thung. min 45 ah Carroll chuan ball a um lut a West Brom keeper dan hma in a pet goal a. 1st half a tawp zui.

2nd half an tan a West Brom lam pawh an tang ve hle a clear chance neilo mahse box pawn atang a shot an nei nual a, Skrtel leh Agger te a lai ah an ding khawng tlat a, an mahni pui tur in Lucas in midfield lai a vawng khawng in , a passing leh a tackle a fuh thei hle. Liverpool in Carroll,Suarez leh Downing te hmang in goal chance an nei nual a, goal a chantir a awm tawh lo a Liverpool hi 2-0 in an chak ta a ni.