Player Transfer: Player lut leh Contract thar
Liverpool Fc chuan player thar an in lei belh zel ah Liverpool FC Official Website in a tarlan dan ang in rei tak chhung an lo hel tawh English International Stewart Downing chu lei tur in an in be fel ta a, a hlawh tur leh medical te an tih fel chuan Liverpool player ni tur in a inziak lut thei dawn ta.

Liverpool hi nei tu thar hnuai ah an tang hle a, player mai nilo Managing Board lam pawh nikum chhung khan an siksawi nasa tawh hle. Damien Comolli, LiverpoolFC Football Director chuan kan player duh redmark a kan dah te kan lei thei zel hi a lawmawm a ni tih a lo sawi tawh a ni. Liverpool hian an player duh tak tak Charlie Adams leh Jordan Henderson te an lo la tawh a, tunah Stewart Downing an la thei leh dawn ta a ni. Club nei tu te in tiam ang ngei in player tha kum la a upa lutuk lo hlir an la lei zel a ni.

Chutih laiin player awmsa te pawh an lungawi a, tumah chhuah tum tih thawm a awm lo, Raul Meirelles chhuak tur ang a Media in an tlangzarh chu a mah ngei in a chhuah loh tur thu a sawi bawk. Aquilani pawh Juventus atang in a rawn kir leh a, a ni pawh hian training a zawm nghal a, Liverpool in hralh an tum te a nih loh chuan a ni pawh hi Liverpool nuam a tih thu sawi bawk. Tun hnai ah Glen Johnson leh Dani Pacheco ten contract thar an sign bawk.

Player Chhuak :
Player thenkhat beisei ang a chetha lo te chu Liverpool thunei tu te lam in an ui vak lo va Milan Jovanovic chu club dang zawn an phalsak a tunah hian Anderlech nen an inbe mek a, left back Paul Konchesky pawh Leicester City lam ah an hralh bawk.

Stadium thar sak leh Asian Tour :

Liverpool hian Anfield chhuahsan in Stanley Park lam ah Stadium thar sak mai an rilruk deuh a, mahse hei hi Managing Board ho kut ah an dah a, mipui 60.0000 chuang len theihna tur siam an tum mek a, Anfield hi sak belh aia chuan insenso tam zawk dawn mahse a hlawk zawk dawn a hriatna avangin sak thar mai an tum mek a ni.

Tunlai hian Liverpool Team chuan Far East Tour an nei mek a nimin khan China khawpui ah Chinese Football team tha Guangdong Sunray Cave chu 4-3 in ah hneh a, hetah hian rawlthar player te an khel nual bak ah Charlie Adams chuan a Liverpool debut match a khel ve bawk. Vawiin lam ah Malaysia lam ah an kal leh dawn a, Malaysia XI nen 16 July ah an inkhel leh dawn bawk a ni.