Liverpool-in Chelsea lakah phuba an la

Hmanni lawkah FA Cup final an khel a, Chelsea-in hnehna an chang. Thawhlehni zanlaiah Premier League an khel leh a. FA Cup champion, Champions League final khel tur, season thara Champions League khelh tuma Premier League top 4 nih tum Chelsea chuan tun season-a Anfield hmang thiam thei lo Liverpool chu Anfield-ah an luhchilh a. Inkhel hmuhnawm tak kan beisei rualin, ho deuhvin a chhuak thei tih rilruin a hre reng a. Phûr vak lo chungin, zan rei tawhah Anfield-a inkhel kan en a, beisei aiin a hmuhnawm.

Chelsea chuan Champions League final an khelh tur thlir chungin player an thlang tih hriat takin, tlar hmaah Liverpool fans-te’n ‘Juda’ an tih Fernando Torres leh striker patuai Daniel Sturridge-te an rawn dah a. Tlar hnungah Champions League khel lo tur John Terry leh Branislav Ivanovic te an rawn dah a. Field laiah Michael Essien a awm a. FA Cup-a an first eleven atangin player pariat ngawt an sawi danglam a, an team tha ber ni lo mahse, Anfield-a khèl thiam thei lo Liverpool tum tur chuan an chhe mawlh lo.

Liverpool-in an captain Steven Gerrard an chhawr thei lova. Tlar hmaah, beisei ang ngeiin Luis Suarez leh Andy Carroll-te an inkawp a, field lai a buai deuh. A sirah Maxi Rodriquez leh Stewart Downing-te an awm a, a laiah Jonjo Shelvey leh Jordan Henderson-te an awm. Tlar hnung erawh Liverpool neih that ber – Chelsea player hlui Glen Johnson bakah senior Jamie Carragher, Daniel Agger leh Martin Skrtel te an inkawp a, player intlar hmuh ngawt pawhin inkhèl tur chu a nêp lo tih a lang.

Chelsea-in an thah a, ball an in-pass kual danah ni dang an ang lo nghal. Liverpool player-ten Chelsea player an dim lova, game physical deuh kan hmu dawnin a lang. Mahse chutiang a ni chiah lo. Liverpool passing flow a dik a, field laiah Chelsea an dah nil titih nghâl ringawt. Mahse Chelsea tlar hnung a phui viau a, Liverpool-in chance an insiam hleithei bik lo.

Liverpool hian player mak danglam an nei a, chu chu Luis Suarez a ni. He pa hian amah chauhvin game a chawk danglam vek thei tih kan hmu nual tawh a. Minute 18-na a ni a, Suarez hian field ding lamah, center bul atangin a khalh phei a, Chelsea player-ten dan ngaihna an hre lova, an um hûl hûl a. Khalh zelin, Chelsea box chhung a luhpui a, goal line bul atanga a cross tur chu Essien chuan loh theih lohva lo dangin, an lamah a ti-goal. Suarez fak loh theih a ni lo.

Chelsea an chesual ve deuhah a ngaih theih a. Mahse a ni lo. Ni dang ang lo taka che nawi leh thin Terry a chesual leh khut a. Minute 24-naah a tawlh thlu a, chutih laiin ball rawn umtu Henderson chuan free taka ball khalhin, cool zetin Chelsea 2nd choice goalkeeper Ross Turnbull a bum a, goal hnihna a khung. Liverpool an phur tawlh tawlh a, Chelsea an che buai tial tial thung a. Minute 28-naah Terry-a’n Carroll a veng zo lova, Carroll-a ball head thlâk chu hnai set sawtah Agger chuan a head goal leh a. First half-ah goal dang lut lovin, Liverpool-in 3-0 in hma an hruai. E, first half-ah hian goal a luh hmain Ivanovic chuan corner atanga ball lo kal chu post a head per pawp a, kha kha lut se chuan game zawng zawng a danglam vek maithei.

Second half-ah Ramires chuan a free-kick hlawh chhuah atanga Florent Malouda pet chu a nawr goal a. Chelsea an phûr thar deuh a. Mahse Turnbull-a veilam pet thiam lo lutuk vangin Shelvey chuan goal ruakah goal a khung leh a ni.

Liverpool player an khel chhe lo hlawm a, Chelsea player-te inkhel en a hmuhnawm loh khawp mai. Sturridge thlaktu Romelu Lukaku head chu Pepe Reina’n a dang tha kher mai a. Dwoing chuan bar a pet per bakah penalty a pet goal lo bawk a. Ivanovic-a’n Carroll a nghawk te, Suarez-a’n Ivanovic a ben te, Essien-a’n Carroll a tlawh te pawh sawi tur a tam khawp mai a. Inkhel pumpui thlirin Chelsea-in ni dang an phak lova, Ashley Cole, Juan Mata, Frand Lampard leh Didier Drogba te tel loh a lang khawp mai.

Liverpool chuan tun season-ah penalty vawi 6 an hmuh tawhah vawi 5 an pet goal lohna niin, Premier League history-ah, season khat chhunga penalty pet goal lo hnem ber record an siam a. Andy Carroll a khel tha chho zel a, Suarez nen an inkawp fuh tan emaw tih tur a ni a. Torres a khawngaihthlak viau. Bar a pet per a, a goal loh hlauh avanga Kop-ho hlim hmel leh Torres an au-el vel kha pui tak a ni.

Inkhel a zo va, Tottenham aia point 5-a hniam, 5-na Newcastle aia point 4-a hniamin, Chelsea chuan top 4 an beiseina a thamral a, 6-na aia sang an ni thei tawh lo. Beisei nei tawh lo Liverpool chuan season thar atana beiseina thar an neih phah deuh ngeiin a lang thung.

14 thoughts on “Liverpool-in Chelsea lakah phuba an la

  1. Cleverley VRT

    Ni lo in sawi dik lo, Chelsea fans chu ka ni lo na a mahse Bayern hi chu an hneh ka ring khawpmai.

  2. Sena Mizo

    Chelsea hi vanneihna a innghat an ni deuh berin ka hria. Champions League khel tur chuan tuna Final an khelh tur ai hian Nizan khan theihtawp chhuah zawkse an vanneihpui zawk ka ring. An tan UCL khelh phak a huphurhawm lutuk tawh. Champion tur chuan khawvel hian a beiseilo niin ka hria. Mahse hmelchhe LUCK an nei roh….

  3. Samuel

    Chelsea ho cu Champions league ah caklo leh sela,coach an thlak le ngei ang,Munich ho cu an home ah lenghal an hneh kala ringlo deu tlat,baka title beisei neichhun ani tlat boksia

  4. HRUAIA

    Chelsea players tha te tel loh a lag khp mai.a khwi lai ah mah khn an hneh lo.ka en zo peih lo,hmuhnwm lo ltk a.chak vek thei ni bik lo nia tiru?LIV aiin cuan ka la dah sag tho2 CHELSEA ho chu

  5. Thara

    Che;sea kha an khel chhe thlawt a ni….. Defence ah khan Kum 22 mi Betrand bak kha khel tha an awm lo, mid field a pherh bawk si, Sturridge lah kha in show a tum hrim2 e maw ni?????? Liverpoll khan chak an phu zawk a ni…

  6. Muana Cahill24

    Champions League final khel lo tur ho in hneh avangin lo insawi thei vak duh suh u. Nangni hneh ai chuan UCL champion kan thlang daih zawk.

  7. Lalthanzama Vanchhawng

    Ehiau. LFC ho chuan an va sawp ve mawle. 1st choice ho khel loh mah se khitiang em em a insawp tur an ni bik lo, an nep hlawm lutuk mai ! Chelsea chu an rawn ti hluai a, an zuzi ral leh dawn nih hi. UCL ah pawh an champion ka ring miah lo, Bayern home ah Bayern hneh chu har viau mai thei ni.. Good post

  8. Zaia Roite Post author

    Liverpool hi an khel chhe lem lova. Suarez leh Carroll an confi viau a, rin aiin Carroll-a’n Chelsea tlar hnung a ngam tlat. Chelsea khan 100% in an khel lo niin ka hria, an khelhdanah khan full concentration a awm lo hrim hrim..

Leave a Reply

Liverpool-in Chelsea lakah phuba an la

Hmanni lawkah FA Cup final an khel a, Chelsea-in hnehna an chang. Thawhlehni zanlaiah Premier League an khel leh a. FA Cup champion, Champions League final khel tur, season thara Champions League khelh tuma Premier League top 4 nih tum Chelsea chuan tun season-a Anfield hmang thiam thei lo Liverpool chu Anfield-ah an luhchilh a. Inkhel hmuhnawm tak kan beisei rualin, ho deuhvin a chhuak thei tih rilruin a hre reng a. Phûr vak lo chungin, zan rei tawhah Anfield-a inkhel kan en a, beisei aiin a hmuhnawm.

Chelsea chuan Champions League final an khelh tur thlir chungin player an thlang tih hriat takin, tlar hmaah Liverpool fans-te’n ‘Juda’ an tih Fernando Torres leh striker patuai Daniel Sturridge-te an rawn dah a. Tlar hnungah Champions League khel lo tur John Terry leh Branislav Ivanovic te an rawn dah a. Field laiah Michael Essien a awm a. FA Cup-a an first eleven atangin player pariat ngawt an sawi danglam a, an team tha ber ni lo mahse, Anfield-a khèl thiam thei lo Liverpool tum tur chuan an chhe mawlh lo.

Liverpool-in an captain Steven Gerrard an chhawr thei lova. Tlar hmaah, beisei ang ngeiin Luis Suarez leh Andy Carroll-te an inkawp a, field lai a buai deuh. A sirah Maxi Rodriquez leh Stewart Downing-te an awm a, a laiah Jonjo Shelvey leh Jordan Henderson-te an awm. Tlar hnung erawh Liverpool neih that ber – Chelsea player hlui Glen Johnson bakah senior Jamie Carragher, Daniel Agger leh Martin Skrtel te an inkawp a, player intlar hmuh ngawt pawhin inkhèl tur chu a nêp lo tih a lang.

Chelsea-in an thah a, ball an in-pass kual danah ni dang an ang lo nghal. Liverpool player-ten Chelsea player an dim lova, game physical deuh kan hmu dawnin a lang. Mahse chutiang a ni chiah lo. Liverpool passing flow a dik a, field laiah Chelsea an dah nil titih nghâl ringawt. Mahse Chelsea tlar hnung a phui viau a, Liverpool-in chance an insiam hleithei bik lo.

Liverpool hian player mak danglam an nei a, chu chu Luis Suarez a ni. He pa hian amah chauhvin game a chawk danglam vek thei tih kan hmu nual tawh a. Minute 18-na a ni a, Suarez hian field ding lamah, center bul atangin a khalh phei a, Chelsea player-ten dan ngaihna an hre lova, an um hûl hûl a. Khalh zelin, Chelsea box chhung a luhpui a, goal line bul atanga a cross tur chu Essien chuan loh theih lohva lo dangin, an lamah a ti-goal. Suarez fak loh theih a ni lo.

Chelsea an chesual ve deuhah a ngaih theih a. Mahse a ni lo. Ni dang ang lo taka che nawi leh thin Terry a chesual leh khut a. Minute 24-naah a tawlh thlu a, chutih laiin ball rawn umtu Henderson chuan free taka ball khalhin, cool zetin Chelsea 2nd choice goalkeeper Ross Turnbull a bum a, goal hnihna a khung. Liverpool an phur tawlh tawlh a, Chelsea an che buai tial tial thung a. Minute 28-naah Terry-a’n Carroll a veng zo lova, Carroll-a ball head thlâk chu hnai set sawtah Agger chuan a head goal leh a. First half-ah goal dang lut lovin, Liverpool-in 3-0 in hma an hruai. E, first half-ah hian goal a luh hmain Ivanovic chuan corner atanga ball lo kal chu post a head per pawp a, kha kha lut se chuan game zawng zawng a danglam vek maithei.

Second half-ah Ramires chuan a free-kick hlawh chhuah atanga Florent Malouda pet chu a nawr goal a. Chelsea an phûr thar deuh a. Mahse Turnbull-a veilam pet thiam lo lutuk vangin Shelvey chuan goal ruakah goal a khung leh a ni.

Liverpool player an khel chhe lo hlawm a, Chelsea player-te inkhel en a hmuhnawm loh khawp mai. Sturridge thlaktu Romelu Lukaku head chu Pepe Reina’n a dang tha kher mai a. Dwoing chuan bar a pet per bakah penalty a pet goal lo bawk a. Ivanovic-a’n Carroll a nghawk te, Suarez-a’n Ivanovic a ben te, Essien-a’n Carroll a tlawh te pawh sawi tur a tam khawp mai a. Inkhel pumpui thlirin Chelsea-in ni dang an phak lova, Ashley Cole, Juan Mata, Frand Lampard leh Didier Drogba te tel loh a lang khawp mai.

Liverpool chuan tun season-ah penalty vawi 6 an hmuh tawhah vawi 5 an pet goal lohna niin, Premier League history-ah, season khat chhunga penalty pet goal lo hnem ber record an siam a. Andy Carroll a khel tha chho zel a, Suarez nen an inkawp fuh tan emaw tih tur a ni a. Torres a khawngaihthlak viau. Bar a pet per a, a goal loh hlauh avanga Kop-ho hlim hmel leh Torres an au-el vel kha pui tak a ni.

Inkhel a zo va, Tottenham aia point 5-a hniam, 5-na Newcastle aia point 4-a hniamin, Chelsea chuan top 4 an beiseina a thamral a, 6-na aia sang an ni thei tawh lo. Beisei nei tawh lo Liverpool chuan season thar atana beiseina thar an neih phah deuh ngeiin a lang thung.

Leave a Reply