Basket Ball player ropui Liverpool FC neitu nihna nei bawk Le’Bron James chu OKC Thunders nen an inkhelh dawnah Liverpool Jersey a hak chu LA Lakers official social media Twitter, Instagram leh Facebook ah pho chhuah ni in ‘Feeling Premier’ tih a ziak lang bawk a, hei hi Liverpool FC official media in a retweet ve nghal bawk.
King James hi Nike nen mimal contract nei lai a ni a, LA Lakers pawh Nike hian an sponsor mek a. Kan hriat angin season thar 2020-21 Nike hian Liverpool jersey a sponsor tawh dawn a Liverpool nen kum khat ah £35 ml bakah, Liverpool jersey pakhat an hralh man 20% Liverpool in an chang dawn a, chumai bakah Nike in a sponsor mek Le’bron James, Serena Williams leh Drake te global ambassador turin a tawk tarh bawk avangin Nike hian sum fai a pek tur hi £100 ml a kai chho thei tura ngaih a ni a, Premier League club dang aiin a tam fe bakah Real Madrid leh Barcelona te chiah an tluk loh a rinawm ta a ni.
New Balance hian Liverpool jersey kum 5 lo sponsor tawh in £40ml kum khat ah alo pe tawh thin a, £45ml a tihpun tum in Liverpool be mahse Liverpool hotu lamin Nike an thlang ta zawk a. New Balance lamin theih tawp a tan la in court ah te kal mahse company te zawk nanana chu a fak lar sak tu tur global ambassador Nike in an thehchhuah theih ang an nei ve thei lo a, an chak lo ta a ni.
Le’Bron James hian twitter ah follower 46.9 Million a nei mek, hetiang zat thuak hi facebook leh instagram lamah a nei bawk. LA Lakers hian twitter ah 9 Million followers an nei mek bawk. Liverpool FC jersey hak hi advertisement tha tak ni nghal in Basketball fans leh USA ram football ngaihsan lohna hmunah an mi ngaihsan in a hak avangin fans a hip khawm ruih ruih dawn ta a ni.
Serena Williams hi Tennis player ropui ni in Grand Slam title la hnem ber a ni a, Drake pawh music industry ah boruak nei lian ber te zing a mi a ni bawk, an ni huhang pawh hian fans a hipkhawm hle a rinawm a ni. Season kalta khan khawvel pumpuia Liverpool merchandise hi 25 second chhungin pakhat hralh zel anga chhut a ni a, company lian Nike phei hi chuan hei aia tam fe an hralh theih a rinawm. UCL leh PL an champion hnu hian Liverpool team hlutna nasa takin a thang a, khawvel football team zingah Real Madrid, Barcelona leh Manchester United te chiah ala phaklo mek a, khelmual chhunga player te chetthat chhunzawm dan in awmzia thui tak a neih a rinawm bawk a ni.
