Liverpool 2-2 Man City : Skrtel ‘Hero to Zero’

Super Sunday inkhelh hmuhnawm takah Liverpool leh Champion lai Manchester City chu 2-2 in an in draw. Anfield a inkhel entu mi 44,942 hmaah mual neitu Liverpool in Martin Skrtel leh Luiz Suarez hmangin vawi hnih ngawt hma hruai mahse Man City in Yaya Toure leh Carlos Tevez hmanga an sut leh ve ve avangin an in draw ta a ni. Man City draw-na goal Tevez-a thun hi Skrtel a tihsual vanga lut a ni a, chak thei dinhmun a ding Liverpool tan chuan he result hi result lawmawm a ni lo.

Tute nge khel?
Liverpool manager Brendan Rogers chuan naupang zawkah rinna ngatin Stewart Downing aiah teenager Raheem Sterling chu a vawikhatna atan Liverpool starting eleven-ah a rawn tel a. Andy Carroll leh Jordan Henderson ten bench an luah lum a, Daniel Agger red card vanga hrem anih avangin aiah Sebastian Coates a rawn lut bawk. Nuri Sahin erawh entu ang chauhin hmuh tur a awm thung.

Manchester City lam pawn players an siksawi nual a, Kolo Toure-a’n starting eleven rawn changin Joleon Lescott bench-ah a thu thung a, David Silva leh Jack Rodwell te pawn Lescott hnung an zui bawk. Inhliam Sergio Aguero aiah ‘Super’ Mario Balotelli a rawn lut bawk.

Liverpool: Reina, Kelly, Skrtel, Coates, Johnson, Lucas, Allen, Borini, Gerrard, Sterling, Suarez.
Subs: Jones, Jose Enrique, Carroll, Henderson, Downing, Carragher, Shelvey.
Man City: Hart, Zabaleta, Kompany, Toure, Kolarov, Toure, De Jong, Milner, Tevez, Nasri, Balotelli.
Subs: Pantilimon, Lescott, Dzeko, Savic, Rodwell, Silva, Razak.

Mual neitu chungnungna First Half
Inkhelh tan atangin boruak a tang nghal a, Liverpool Captain Steven Gerrard-a’n shot nei nghal mahse keeper tan hna a siamsak lo. Liverpool lamin bul an tan tha dawn niin a lang a, mahse season hmasa lama inhliam vanga chawl reng Lucas chu minute 4 lekah inhliam vangin Jonjo Shelvey-a’n a rawn thlak a. Lucas chhuah vang hian Liverpool game chhiat phahlo mahse Kop tan chuan thu lawmawm a ni lo.

Minute 8 naah Man City lamin counter attack atangin an nawr let a, Kompany ball pek tha tak chu Balotelli-a’n um luh tum mahse a hlauawm hmain Skrtel-a’n a ti tlu hman a, he foul hi Liverpool lam tan chuan foul tha a ni. Freekick erawh Kolarov-a’n rawn petin, Reina-a’n awlsam takin a lo man thung.

Liverpool rawlthar Sterling a kheltha chhunzawm zel a, a tihsual that duhloh bakah a ball khawih a hlauawm thei hle. Ani ang bawk hian Liverpool thiam puipa Suarez pawn City defender-te tan harsatna a siam zeuh zeuh bawk. Minute 17-naah Sterling-a’n left flank atangin ball tha takin a vawrh lut a, Borini-a’n theihtawp chhuahin rawn khawih hman mahse goal zawnah a pet thei tlat lo.

Man City lam an awm mai mai bik lova, Carlos Tevez-a’n chance neiin Reina tlan hel mahse angle a awm tawh miau loh avangin goal ban pet per bak tih theih a nei lova. He chance-ah hian Reina experience a lang a, keeper naupang zawk chuan Tevez hi ti tluin red card bakah penalty an chawi ngei awm si a.

Liverpool defender Agger aia rawn lut Coates muan vangin box bulah Balotelli-a’n a chhuhsak hman a, mahse a hlauawm hmain Kelly-a’n a rawn foul hman hlauh. Balotelli hlawh chhuah freekick chu Samir Nasri-a’n petin a Tevez-a’n a tauh pha lo hlauh.

Liverpool an kheltha chhunzawm zel a, Sterling, Allen, Gerrard, Suarez te in pass a hmuhnawm a, an thawhrah atanga ball chhuak tha tak chu Borini tan chance tha ni mahse corner bak a hlawh chhuak lo. Jonjo Shelvey a kheltha a, Liverpool game ti phusui tu pakhat a ni.

Minute 33 naah Captain’fantastic’ Gerrard-a ball vawrh luh chu City Captain Kompany-a’n an lamah a lo head goal thelh a. Liverpool lamin corner hmuin, Gerrard chuan a pet zui nghal a; a ball vawrh tha tak chu Skrtel chuan chiang zetin a lo head goal a. Players-te lawm ang bawkin fans te pawh an lawm kher mai, he goal hi tun season a Liverpool goal hmasa ber a ni.

Liverpool in goal an neih hnuah pawh game an thunun chhunzawm zel mahse City lam pawn theihtawp an chhuah a, first half tawp lamah chance pawh Tevez leh Balotelli te hmangin rawn nei mahse goal an thun thei loh avangin Liverpool in half time-ah hma an hruai ta zawk a ni.


Second Half-ah inkhel hmuhnawm
First half a hmuhnawm a, second half ala hmuhnawm zawk cheu. Liverpool lamin bul an tan that ang bawkin an rawlthar Sterling pawn bul a tan tha nghal a. Second half tan anga minute nga lekah Liverpool in chance an nei nghal a, Borini cross chu Suarez-a’n goal-ah a chantir thei lo.

Liverpool in chance an neih chhunzawm zel a, anmahni box chhungah City player-te an talbuai a; Zabaleta ball clear chuan Balotelli a per a, ball per chu Suarez-a’n a um lut nghal mahse box chhunga Gerrard leh Sterling te a pek fuh loh avangin goal hlauawmah a chhuak lo.

Jack Rodwell-a’n Samir Nasri a rawn thlak a, Nasri hi an match hnuhnung pahnih-ah goal a thun ve ve avangin he substitution hi hriatthiam a har hle. Mahse City game erawh a tha zui nghal a, Tevez a ball tha tak chu Milner chuan lo la mahse assistant referee in flag a rawn phar hman thung.

City lamin substitution rawn siam lehin Balotelli aiah Dzeko a rawn lut a, he subsitution hian awmzia a nei a. Liverpool game a buai a, Minute 63 naah Tevez-a ball cross chu Reina-a’n a lo hnek chhuak hman lova. Kelly chuan lo dang per in, chu ball per chu Yaya Toure tan chuan duhthusam a ni. City leh Liverpool an in draw ta reng mai.

Liverpool lamin an nawr let leh nghal a, Gerrard a shot chu Rodwell chuan lo dangin a kut a fuh a. Chumi atanga freekick an hlawh chhuah chu Suarez chuan mawi takin a chhuih lut a; He goal luh theihna chhan hi Joe Hart a wall siamin angle a khar kim lo a ni lova, Suarez a ball pet a kual mawi vang zawk a ni. He goal luh hma hian Enrique-a’n Kelly a rawn thlak avangin Johnson pawn a duhna tak right back-ah a awm theih phah a, a tal nat phah hle.

James Milener aiah David Silva rawn lut lehin City lam pawn goal thun ngei an tum a, minute 80 naah Tevez chuan goal a thun ta ngei a; Mahse he goal hi Skrtel a back pass sual vang a ni. Skrtel a pass sual chu Tevez chuan lo changin, Reina nen chauha an awm tawh avangin awmlsam takin a thun ta a ni.

Liverpool lam tan Gerrard-a pass Shelvey shot over a uihawm tluk zetin Man City lam tan Kolarov a ball cross Dzeko tih goal loh chu a uihawm bawk. A uihawm ber zawk erawh hun tawp dawna Caroll a head Zabaleta lo clear chu a ni awm e. Chance dang chu awm leh mahse goal a luh belh tawh loh avangin Champion lai Man City chuan Liverpool chu an draw ta hram a ni.

Sawi belh ang
* Liverpool boss Brendan Rogers hian 2009 a Reading Coaching staff a chhuahsan khan Roberto Mancini-a’n a lo sawm tawh a, mahse Swansea in first team coach atana an rawn sawm avangin Swansea lamah a kal ta zawk a ni. Chuti chu ni lo se, zanin hian Man City bench lamah a thu hial maithei.

* Amaherawchu Swansea hlawhtling taka enkawltu Rogers hian Liverpool hi tun season-ah a la chak pui lova, zanin hian Liverpool in chak phu zawk mahse an fimkhur tawk lova. Chak hmel hmu tur chuan match dang an nghah leh a ngaih phah ta a ni.

*Man City hian point an nei thei zel a, an match hmasa berah point thum an hlawh chhuak hram a, tunah point khat an hlawh chhuak leh bawk a. An game tha tawklo mahse squad an nei tha a, an khelthat loh tuma point an hmuh zel chuan an ni hi Champion beiseiawm ber an ni chho zel dawn niin a lang.

Match Statistics
Liverpool 2-2 Man City (HT 1-0)
(Skrtel 34′; Suarez 66′)(Y Toure 63′; Tevez 80′)

25 thoughts on “Liverpool 2-2 Man City : Skrtel ‘Hero to Zero’

  1. @Cleverley VRT……tun season chu season dang ang bok in nangni nen hian kan in um leh char2 ka ring tlat a ni, mind game kan khel tran der toh don nia 😀

  2. Real an chaklo, nuam eee….mahse liverpool hi 1-1 ka predict a sin le, ka ui lutuk, draw rau2 ah 1-1 ni mai2 se.he2

  3. Skrtel vang khan ka prediction a fuh lo, han back pass sual lo se 2-1 ani ang a point 3 ka hmu ang mawle, het saaala.

  4. @James LRZ
    A that nasat chu tel an tam sia, transfer-ah ka che chhe bawk sia, kei aia hniam tur in awm hian a nuam ka ti 🙂 NOI

  5. @James LRZ
    Hriatpuia hi EVA Fantasy League bika Co-ordinator a nia, ani hian i zawhna chu chiang takin a chhang thei ang che.

    Chhan erawh kan tum ve hrim hrim ange
    * Gameweek 3 atangin point chhiar tan tur a ni.
    * Gameweek 2 zawh hnuah transfer i tih vak a, point i minus a nih chuan i minus point chu Gameweek 3-ah i keng lut ang.
    * I transfer siam chu Gameweek 1 zawh anih erawh chuan point chu Gameweek 2-ah paih anih dawn avangin EVA Fantasy League bik atan chuan a pawi lo thung ang.

  6. Skrtel ka van ngei tet tut tak,atihsual tur kha ka lo hisap tel siloa…hihi,pnt ka hloh ve phah,tnkar score chhiat nak laiin,Suarez zawng..Pu Mamuana twngkam takin,AJAX CHHUAK ANI MIAU A

  7. Liverpool kha an chak dawn emaw ka ti hman asin le. Skrtel kha tiho em alawm le. Suarez freekick pawh kha rapthlak khawp mai. Liverpool defending chhiat vanga goal 2 lut a ni a, an insiamthat hle chu angai ang..

  8. Liverpool khelh that zia kha oooooo, han chak mai se a nawm dawn tehreng nen, an defending a nawi leh khut zel a ni 😀

  9. Kan pawl te an inkhel dawn bawk a ka tia..ka inkhawm nileng thak a 2nd half ka en hman trawk a a!! 😀 A uihawm khawp mai hetiang Man City te ang club tenau kan draw leh trut trut thin hi sim a ngai! mahse Kan champion dawn tho a ho e..hahahha

Leave a Reply

Or

Liverpool 2-2 Man City : Skrtel ‘Hero to Zero’

Super Sunday inkhelh hmuhnawm takah Liverpool leh Champion lai Manchester City chu 2-2 in an in draw. Anfield a inkhel entu mi 44,942 hmaah mual neitu Liverpool in Martin Skrtel leh Luiz Suarez hmangin vawi hnih ngawt hma hruai mahse Man City in Yaya Toure leh Carlos Tevez hmanga an sut leh ve ve avangin an in draw ta a ni. Man City draw-na goal Tevez-a thun hi Skrtel a tihsual vanga lut a ni a, chak thei dinhmun a ding Liverpool tan chuan he result hi result lawmawm a ni lo.

Tute nge khel?

Liverpool manager Brendan Rogers chuan naupang zawkah rinna ngatin Stewart Downing aiah teenager Raheem Sterling chu a vawikhatna atan Liverpool starting eleven-ah a rawn tel a. Andy Carroll leh Jordan Henderson ten bench an luah lum a, Daniel Agger red card vanga hrem anih avangin aiah Sebastian Coates a rawn lut bawk. Nuri Sahin erawh entu ang chauhin hmuh tur a awm thung.

Manchester City lam pawn players an siksawi nual a, Kolo Toure-a’n starting eleven rawn changin Joleon Lescott bench-ah a thu thung a, David Silva leh Jack Rodwell te pawn Lescott hnung an zui bawk. Inhliam Sergio Aguero aiah ‘Super’ Mario Balotelli a rawn lut bawk.

Liverpool: Reina, Kelly, Skrtel, Coates, Johnson, Lucas, Allen, Borini, Gerrard, Sterling, Suarez.

Subs: Jones, Jose Enrique, Carroll, Henderson, Downing, Carragher, Shelvey.

Man City: Hart, Zabaleta, Kompany, Toure, Kolarov, Toure, De Jong, Milner, Tevez, Nasri, Balotelli.

Subs: Pantilimon, Lescott, Dzeko, Savic, Rodwell, Silva, Razak.

Mual neitu chungnungna First Half

Inkhelh tan atangin boruak a tang nghal a, Liverpool Captain Steven Gerrard-a’n shot nei nghal mahse keeper tan hna a siamsak lo. Liverpool lamin bul an tan tha dawn niin a lang a, mahse season hmasa lama inhliam vanga chawl reng Lucas chu minute 4 lekah inhliam vangin Jonjo Shelvey-a’n a rawn thlak a. Lucas chhuah vang hian Liverpool game chhiat phahlo mahse Kop tan chuan thu lawmawm a ni lo.

Minute 8 naah Man City lamin counter attack atangin an nawr let a, Kompany ball pek tha tak chu Balotelli-a’n um luh tum mahse a hlauawm hmain Skrtel-a’n a ti tlu hman a, he foul hi Liverpool lam tan chuan foul tha a ni. Freekick erawh Kolarov-a’n rawn petin, Reina-a’n awlsam takin a lo man thung.

Liverpool rawlthar Sterling a kheltha chhunzawm zel a, a tihsual that duhloh bakah a ball khawih a hlauawm thei hle. Ani ang bawk hian Liverpool thiam puipa Suarez pawn City defender-te tan harsatna a siam zeuh zeuh bawk. Minute 17-naah Sterling-a’n left flank atangin ball tha takin a vawrh lut a, Borini-a’n theihtawp chhuahin rawn khawih hman mahse goal zawnah a pet thei tlat lo.

Man City lam an awm mai mai bik lova, Carlos Tevez-a’n chance neiin Reina tlan hel mahse angle a awm tawh miau loh avangin goal ban pet per bak tih theih a nei lova. He chance-ah hian Reina experience a lang a, keeper naupang zawk chuan Tevez hi ti tluin red card bakah penalty an chawi ngei awm si a.

Liverpool defender Agger aia rawn lut Coates muan vangin box bulah Balotelli-a’n a chhuhsak hman a, mahse a hlauawm hmain Kelly-a’n a rawn foul hman hlauh. Balotelli hlawh chhuah freekick chu Samir Nasri-a’n petin a Tevez-a’n a tauh pha lo hlauh.

Liverpool an kheltha chhunzawm zel a, Sterling, Allen, Gerrard, Suarez te in pass a hmuhnawm a, an thawhrah atanga ball chhuak tha tak chu Borini tan chance tha ni mahse corner bak a hlawh chhuak lo. Jonjo Shelvey a kheltha a, Liverpool game ti phusui tu pakhat a ni.

Minute 33 naah Captain’fantastic’ Gerrard-a ball vawrh luh chu City Captain Kompany-a’n an lamah a lo head goal thelh a. Liverpool lamin corner hmuin, Gerrard chuan a pet zui nghal a; a ball vawrh tha tak chu Skrtel chuan chiang zetin a lo head goal a. Players-te lawm ang bawkin fans te pawh an lawm kher mai, he goal hi tun season a Liverpool goal hmasa ber a ni.

Liverpool in goal an neih hnuah pawh game an thunun chhunzawm zel mahse City lam pawn theihtawp an chhuah a, first half tawp lamah chance pawh Tevez leh Balotelli te hmangin rawn nei mahse goal an thun thei loh avangin Liverpool in half time-ah hma an hruai ta zawk a ni.

Second Half-ah inkhel hmuhnawm

First half a hmuhnawm a, second half ala hmuhnawm zawk cheu. Liverpool lamin bul an tan that ang bawkin an rawlthar Sterling pawn bul a tan tha nghal a. Second half tan anga minute nga lekah Liverpool in chance an nei nghal a, Borini cross chu Suarez-a’n goal-ah a chantir thei lo.

Liverpool in chance an neih chhunzawm zel a, anmahni box chhungah City player-te an talbuai a; Zabaleta ball clear chuan Balotelli a per a, ball per chu Suarez-a’n a um lut nghal mahse box chhunga Gerrard leh Sterling te a pek fuh loh avangin goal hlauawmah a chhuak lo.

Jack Rodwell-a’n Samir Nasri a rawn thlak a, Nasri hi an match hnuhnung pahnih-ah goal a thun ve ve avangin he substitution hi hriatthiam a har hle. Mahse City game erawh a tha zui nghal a, Tevez a ball tha tak chu Milner chuan lo la mahse assistant referee in flag a rawn phar hman thung.

City lamin substitution rawn siam lehin Balotelli aiah Dzeko a rawn lut a, he subsitution hian awmzia a nei a. Liverpool game a buai a, Minute 63 naah Tevez-a ball cross chu Reina-a’n a lo hnek chhuak hman lova. Kelly chuan lo dang per in, chu ball per chu Yaya Toure tan chuan duhthusam a ni. City leh Liverpool an in draw ta reng mai.

Liverpool lamin an nawr let leh nghal a, Gerrard a shot chu Rodwell chuan lo dangin a kut a fuh a. Chumi atanga freekick an hlawh chhuah chu Suarez chuan mawi takin a chhuih lut a; He goal luh theihna chhan hi Joe Hart a wall siamin angle a khar kim lo a ni lova, Suarez a ball pet a kual mawi vang zawk a ni. He goal luh hma hian Enrique-a’n Kelly a rawn thlak avangin Johnson pawn a duhna tak right back-ah a awm theih phah a, a tal nat phah hle.

James Milener aiah David Silva rawn lut lehin City lam pawn goal thun ngei an tum a, minute 80 naah Tevez chuan goal a thun ta ngei a; Mahse he goal hi Skrtel a back pass sual vang a ni. Skrtel a pass sual chu Tevez chuan lo changin, Reina nen chauha an awm tawh avangin awmlsam takin a thun ta a ni.

Liverpool lam tan Gerrard-a pass Shelvey shot over a uihawm tluk zetin Man City lam tan Kolarov a ball cross Dzeko tih goal loh chu a uihawm bawk. A uihawm ber zawk erawh hun tawp dawna Caroll a head Zabaleta lo clear chu a ni awm e. Chance dang chu awm leh mahse goal a luh belh tawh loh avangin Champion lai Man City chuan Liverpool chu an draw ta hram a ni.

Sawi belh ang

* Liverpool boss Brendan Rogers hian 2009 a Reading Coaching staff a chhuahsan khan Roberto Mancini-a’n a lo sawm tawh a, mahse Swansea in first team coach atana an rawn sawm avangin Swansea lamah a kal ta zawk a ni. Chuti chu ni lo se, zanin hian Man City bench lamah a thu hial maithei.

* Amaherawchu Swansea hlawhtling taka enkawltu Rogers hian Liverpool hi tun season-ah a la chak pui lova, zanin hian Liverpool in chak phu zawk mahse an fimkhur tawk lova. Chak hmel hmu tur chuan match dang an nghah leh a ngaih phah ta a ni.

*Man City hian point an nei thei zel a, an match hmasa berah point thum an hlawh chhuak hram a, tunah point khat an hlawh chhuak leh bawk a. An game tha tawklo mahse squad an nei tha a, an khelthat loh tuma point an hmuh zel chuan an ni hi Champion beiseiawm ber an ni chho zel dawn niin a lang.

Match Statistics

Liverpool 2-2 Man City (HT 1-0)

(Skrtel 34′; Suarez 66′)(Y Toure 63′; Tevez 80′)

Leave a Reply

Or