L&L Memorial Football Tournament : Chhim Vengin MPL Club Dinthar FC an hneh!


Serchhip-a L&L Memorial Football Tournament Round of 16 chu vawiin ni 12 September 2012 (Nilaini) khan khelh chhunzawm a ni a. Inkhel hmasaberah Mizoram Premier League Club Luangmual FC chu IOC (Green) ten goal thun thei lovin siam mahse, penalty shootout-ah an vannei hlauh thung. Penalty shootout-ah hian keeper Saitluanga chuan vawi khat a save nghe nghe, I-Day 2012-ah khan a time delay sual vangin Saitluanga hian Luangmual hi a tlak pui a, tunah erawh a chhanhim leh thung a ni. Hetihlai hian MPL Club leh MFA League 2012 Champion chuan Chhim Veng 2-1 in an hneh lova. Dinthar FC hian Laldanmawia hmangin goal hmangin first half-ah hma hruai mahse Chhim Veng lam tan CV Lalrinfela leh G. Tlanghmingthanga (penalty) ten goal thunin, Local Football khawvel mak tih result chu Serchhip-ah Chhim Vengin an thlen tir ta a ni. Inkhel hnuhnung berah season liamtaa MFA First Division team 1st Bn MAP Academy chuan IOC (Blue) 4-0 in an sawp leh bawk.

Luangmual Manager Muanpuia chuan Zofooty hrilhin,”Field a tha tawk lova, inkhel kan thunung zawk a. Mahse goal kan thun thei tlat lo. Minute chiah a la awmin Racy-a’n sure goal a thelh bawk, a uihawm duh khawp mai. Time hi 45+45 ni lovin 40+40 a lo ni bawk nen, penalty kan thleng hi kan vanduai vang ren a ni” a ti.


Dinthar FC Manager Pu Tluanga chuan,”Match an kaihhruai dan a tha tawk lo, referee an tha tawk lova. Kan lamah an tang lo a ni ber mai. Kan through ball hrim hrimah offside anga an ham laiin anni lam chu an offside thei meuh lo. Inkhelhah pawh kan hneh zawk a, mahse field a that loh avangin duh angin kan attack thei si lo. Kan lama goal lut hi kan keeper tihsual a ni a. Goal hnihna hi penalty a ni a, red card kan chawi bawk. Hetihali hian kan player Chhai-a an nghawk tluk erawh chuan a hnawhchhuak leh lo thung,” tiin a lungawiloh thu a sawi a. An player pawimawh pahnih Chhanchhuaha leh Samuel-a awm lo mahse Manager chuan,”Player kimloh chu chhuanlam a tling lova, tunah hian Zico pawn min rawn zawm a, hei hi chu chhuanlam a tling lo. Kan chaklo hi a pawi kan ti a, a zahthlak khawp mai” tiin ZoFooty a hrilh.

Vawiin inkhel resutl:
Dt 12.9.12 (Wednesday) Round of 16
10:00 AM IOC (Green) 0-0 Luangmual FC (PQ4)
(Luangmual FC 5-3 in penalty shootout-ah an chak)
12 Noon Dinthar FC 1-2 Chhim Veng (PQ5)
(Laldanmawia 35′)(CV Lalrinfela 55′; G. Tlanghmingthanga 73′)
2:00 PM IOC (Blue) FC 0-4 1st Bn MAP Academy (PQ6)
(Isaac Hmingthanpuia 8′, 52′; Bena Hrahsel 70′, 71′)

Naktuk Inkhel tur
Dt 13.9.12 (Thursday) Round of 16 and Quarterfinal
10:00 AM Hmar Veng FC Vs Thenzawl (PQ7)
12 Noon Vengthar FC, Chanmary Vs FC Kulikawn (PQ8)
Quarterfinal
2:00 PM Mizoram Police Vs Bungtlang Bazar(QF1)

20 thoughts on “L&L Memorial Football Tournament : Chhim Vengin MPL Club Dinthar FC an hneh!

  1. Serchhipa club 1 leh aizawla club 1 an inkhela bungtlang khaw pa-in a hama an chak loh vang maia serchhip chu an fair lo ltk tih.. ka nuih anti za an thiam ka th tehreg nen ka ngainep hlwm xo vk, an in ngaih ropui ag aiin an ropui lo ni berin ka hria..

  2. Serchhip Chhim veng te an vannei zawk niin a lang. Game reng reng hi chu result hriatlawk theih anih lohna tak hi a tihmuhnawm tu a ni ve reng reng a. Chutihlaiin Aizawl Dinthar te an vanduai ve takzet a tih theih ang…referee decision an mahni thatna tur a a kal loh avang erawh chuan pawi ka tihpui hle mai…referee kha Bungtlang lam mi anih daih avang erawh chuan tan bik han nei turah chuan ka ruat chiah lo…..an pahnih hian an kal leh zelna turah ka duhsakna sang ber ka hlan ve ve e…:)

  3. Referee a dem hi mak ka ti lemlo,Serchhip mai ani lo…Lammual – Old trafford – Camp Nou ah te pawh chaklo lamin referee an dem thin hi thil thleng ngailo a ni biklo,chakin an dem ngailo ka ti ve tlatz 😀

  4. Tun tum L& L Tournament chu TV a tangin an khelhna Field KHAWTETLANG kha ka lo hmu ve a,a diak khawp mai an ti.Passing technique /skills a hman theih lova,ball through pon awmzia a awm lem lo a ni awm e.A kawm chak chak,tan vanneihna a nih hmel.Ruahsur laia naupnag ho feild chhia a an infiam ang chiah hi a nih..hmel..MPL CLUB te meuh that leh that loh fiahna darthlalang ah chuan hman a FUH LO mai thei..

  5. Dinthar FC,MIZORAM,Aizawl(INDIA)
    16 hours ago
    Vawin L&L Football Tournament Round of 16 Chhim Veng,Serchhip nena kan match 2-1 in kan chaklo tlat mai.Player tha tam tak kan chawlhtir nachungin hetiang ang a chakloh hi kan beisei a ni lo.A pawi kan ti hle.Kan team tana Goal khungtu R.LALDANMAWIA

  6. @cleverly-keipoh grass ah vawi thum ka inkhel ve ta a,clay a han inkhelh leh thut hi chuan a kimlo tlat tawh,.:-D:-D,
    Dinthar fc hi chu an che ta duai lo ang,hneh tum reng2in Serchhip club ho in an bei dawn a,result mak tak2 a thleng leh nawlh2 maithei a ni,tunlai ah chuan MPL club hneh hi in sawitheihna tham a tling ve lawm,.:-D

  7. Dinthar FC chu va ti ho ve, mahse ka dem hran lo, anni grass a khelh thang hnuhnawh tawh, field diak leh mam lo lutuk a han khelh chu a harsa ngei ang, comeback with glory Dinthar FC

  8. Vawiin-a khel turte :
    Dar 10am:
    Hmar Veng FC Vs Thenzawl Zone FA

    Dar 12noon :
    Chanmari Vengthar FC, Scp Vs Kulikawn FC

    Dar 2pm: (Quarterfinal)
    Vengchung FC vs MRP

  9. Thun ve trawk mai tur lawm,Mizoram police fc ho pawn team tenau lakah hlahkhem chu sawiloh squad khat daih law2 in 18 lai an thun pawp kha,:-D:-D

  10. MPL hma in Pre -Season an khel ve ang deuh hi nimai a.. club lian tak tak te pawh USA ah te an zin a an chaklo ve tho lawm.. hman deuh ah Real madrid pawh khawchhak lam ah an zin a an chaklo a Beckham te ho awm lai khan an thinrim vel kha maw..an tlakhniam phah ka tilo tlat DInthar FC hi.

  11. Dinthar FC chu a mak teh daih hle mai,Group stage bak ka en hman ta lova ka ui mange aw…Chhim veng hi chu kan veng(Hmar veng fc) in 3-0 laiin kan hneh kha maw,chuti a nih chuan…:-D:-D

  12. Semi final ah MPL club kan hmu thuau thuau dawn emaw tih laiin Dinthar chu an va tla hma ve. Tin, coach in chak loh chhana player kim lo a puh duh lo hi a tha. Chhim veng mi leh sa te comment hriat a chakawm hle mai. Chak loh hi chuan dem tur hi zawn ruai a awl ania.

Leave a Reply

Or

L&L Memorial Football Tournament : Chhim Vengin MPL Club Dinthar FC an hneh!

Serchhip-a L&L Memorial Football Tournament Round of 16 chu vawiin ni 12 September 2012 (Nilaini) khan khelh chhunzawm a ni a. Inkhel hmasaberah Mizoram Premier League Club Luangmual FC chu IOC (Green) ten goal thun thei lovin siam mahse, penalty shootout-ah an vannei hlauh thung. Penalty shootout-ah hian keeper Saitluanga chuan vawi khat a save nghe nghe, I-Day 2012-ah khan a time delay sual vangin Saitluanga hian Luangmual hi a tlak pui a, tunah erawh a chhanhim leh thung a ni. Hetihlai hian MPL Club leh MFA League 2012 Champion chuan Chhim Veng 2-1 in an hneh lova. Dinthar FC hian Laldanmawia hmangin goal hmangin first half-ah hma hruai mahse Chhim Veng lam tan CV Lalrinfela leh G. Tlanghmingthanga (penalty) ten goal thunin, Local Football khawvel mak tih result chu Serchhip-ah Chhim Vengin an thlen tir ta a ni. Inkhel hnuhnung berah season liamtaa MFA First Division team 1st Bn MAP Academy chuan IOC (Blue) 4-0 in an sawp leh bawk.

Luangmual Manager Muanpuia chuan Zofooty hrilhin,”Field a tha tawk lova, inkhel kan thunung zawk a. Mahse goal kan thun thei tlat lo. Minute chiah a la awmin Racy-a’n sure goal a thelh bawk, a uihawm duh khawp mai. Time hi 45+45 ni lovin 40+40 a lo ni bawk nen, penalty kan thleng hi kan vanduai vang ren a ni” a ti.

Dinthar FC Manager Pu Tluanga chuan,”Match an kaihhruai dan a tha tawk lo, referee an tha tawk lova. Kan lamah an tang lo a ni ber mai. Kan through ball hrim hrimah offside anga an ham laiin anni lam chu an offside thei meuh lo. Inkhelhah pawh kan hneh zawk a, mahse field a that loh avangin duh angin kan attack thei si lo. Kan lama goal lut hi kan keeper tihsual a ni a. Goal hnihna hi penalty a ni a, red card kan chawi bawk. Hetihali hian kan player Chhai-a an nghawk tluk erawh chuan a hnawhchhuak leh lo thung,” tiin a lungawiloh thu a sawi a. An player pawimawh pahnih Chhanchhuaha leh Samuel-a awm lo mahse Manager chuan,”Player kimloh chu chhuanlam a tling lova, tunah hian Zico pawn min rawn zawm a, hei hi chu chhuanlam a tling lo. Kan chaklo hi a pawi kan ti a, a zahthlak khawp mai” tiin ZoFooty a hrilh.

Vawiin inkhel resutl:

Dt 12.9.12 (Wednesday) Round of 16

10:00 AM IOC (Green) 0-0 Luangmual FC (PQ4)

(Luangmual FC 5-3 in penalty shootout-ah an chak)

12 Noon Dinthar FC 1-2 Chhim Veng (PQ5)

(Laldanmawia 35′)(CV Lalrinfela 55′; G. Tlanghmingthanga 73′)

2:00 PM IOC (Blue) FC 0-4 1st Bn MAP Academy (PQ6)

(Isaac Hmingthanpuia 8′, 52′; Bena Hrahsel 70′, 71′)

Naktuk Inkhel tur

Dt 13.9.12 (Thursday) Round of 16 and Quarterfinal

10:00 AM Hmar Veng FC Vs Thenzawl (PQ7)

12 Noon Vengthar FC, Chanmary Vs FC Kulikawn (PQ8)

Quarterfinal

2:00 PM Mizoram Police Vs Bungtlang Bazar(QF1)

Leave a Reply

Or