L&L Memorial Football Tournament -ah Player boruak nei lian tak ‘Midum Palian’ an tih mai Alaohuru Kelechi Kingsley chuan FC Kulikawn tana a vawikhat khelhnaah goal 4 a thun nghal a, Red Ribbon Top Scorer B. Zoramthara’n goal hnih thunin, Lalnunpuia’n goal khat thun velehin Vengthar FC, Chanmary chu 7-0 ngawtin an sawp a. Quarterfinal-ah Thenzawl penalty hmanga hnehtu Hmar Veng FC nen naktuk tlai (Dt 14.9.12 (Friday)) dar 2 hian an intum leh ang.
Quarterfinal Match hmasaberah Mizoram Police chuan Bungtlang Bazar Veng 13-3 ngawtin an sawp a. Mizoram Police tan Lalbiakhlua’n goal goal 3 ngawt a thun leh a. Ani hian an first match-ah goal 7 a lo thun tawh bawk a ni. Amaherawhchu he match a goal thun tam ber erawh winger ball thiam Lalfakzuala a ni thung a, ani hian goal li thunin F. Lalrinpuia’n goal thum a thun lehin, David-a’n goal khat a thun bawk. Tihian Mizoram Police te hian SemiFinal an lut tawh a, Luangmual FC leh Vengchung FC chak zawk zawk nen karleh thawhtan hian an intum ang.
FC Kulikawn Manager Athanga chuan ZoFooty hrilhin,”Kan kheltha khawp mai, amaherawhchu ruah a sur tak avangin duh angin kan khel thei lo thung. Mahse hei pawh hi kan tan vanneihna a ni, khaw that lai leh khaw chhiat laiin kan khel ve ve a, a lawmawm ang reng,” a ti. An player thar pawh fak ngahlin,”Zingkar-ah Serchhip-ah kan chho a, kan thleng chiah a, a inkhel nghal a ni ber a. A chauh ve viau a rinawm, mahse goal li a thun a, chance a thelh lo a ni ber. Amah ah hian hei aia tam theihna hi a la awmin ka hria” tiin an striker thar Kingsley chu a fak hle. TATA Football Academy chhuak Suresh erawh a kheltha tawk lo niin a sawi tel bawk.
Mizoram Police FC Striker Valpuia chuan,”Kan tumpui te an la tha tawk lova, kan la kheltha hrih khawp mai. Mahse field a nal a, khelh erawh a harsa deuh” tiin ZoFooty a hrilh a. Dinthar chakloh sawi kaiin Mizoram Striker chuan,”Dinthar FC chuan grass anga khelh an tum a, tawi te te ah an in pass a, field chhe khelh an thiam tawk lo a ni” tiin Republic Veng field chhiat laia inkhel thin chuan sawi a. A elpui tur pakhat Kulikawn Striker Kingsley chanchin sawi telin,”Kingsley chu a lian khawp mai, mahse striker tha tak chu niin ka hre lo. FC Kulkikawn an kheltha a, an hneh hrim hrim a ni. A goal thun pawh a tha hran lo” tiin a elpui ber tur chu a huphurh bik lo thu a sawi lang tel bawk.
Inkhel Result
Dt 13.9.12 (Thursday) Round of 16 and Quarterfinal
10:00 AM Hmar Veng FC 2-2 Thenzawl (PQ7)
(Penalty Shootout-ah Hmar Veng FC 4-2 in an chak)
(Malsawmtluanga 65′; F. Zodinpuia 71′)(Lalhmangaihsanga 31′, 50′)
12 Noon Vengthar FC, Chanmary 0-7 FC Kulikawn (PQ8)
(B. Zoramthara 10′, 28′; Lalnunpuia 32′; Alaohuru Kelechi Kingsley 42′, 58′, 66′, 73′
Quarterfinal
2:00 PM Mizoram Police 13-3 Bungtlang Bazar(QF1)
(Lalfakzuala 8′, 25′, 47′, 54′; Sama Hnamte 11′; F. Lalrinpuia 17′, 60′ 69′; Lalbiakhlua 28′, 46′, 73′; David 26′)(Lalromawia 25′, Hmingthanga 33′; Lalrinpuia 69′)
Naktuk Inkhel turte
Dt 14.9.12 (Friday) Quarterfinal
10:00 AM Vengchung FC Vs Luangmual FC (QF2)
12 Noon Chhim Veng Vs 1st Bn MAP Academy (QF3)
2:00 PM Hmar Veng FC Vs FC Kulikawn (QF4)
generic for cialis
discount cialis
How to get viagra
Low price viagra
FC Kulikawn an champion zek mai ka ti.
Revival Speaker aw (voice) ang tawk a coach in an au phar leh vel tur pawh hmuh a chakawm khawp mai 🙂
MPL ah eng tak ang ang maw
Midum ho hian, educated an nih cuan black/midum tih an haw ngawt thei lo, an race a ni. Indian ho brown, sap ho white, anni ho black. Midum palian tih hi a lâr dan, a nickname a ni zawk mah a, mumanga midum palian hmuh lar lai a nih vang pawh a ni mahna.
An huat zawk tak chu hmuhsitna tawngkam atana an hman N word zawk hi a ni awm e.
@Dampuia : racism lam hawi a awm emaw ni le
kan MIDUM PA chuan chhiar thiam se zawng, racist a ti ve ngei ang.haha
district tin hian playground changtlung tak kan mamawh theuh a ni e. League/tournament khelin han zin kual sup2 mai ila,nuam dawn mang e..pawisa awm lo leh a niang..hehe
MRP chu an rapthlak thei em mai an champion ang ka ring.
Kingsley chu va rapthlak ve, MPL a khelh hun hmuh a chakawm tawh khawp mai ka ti.
In tum tawk lo viau a a awm viau mai bawk, Vengthar FC Serchhip hi ka fak khawp mai…club in din thar tir naupang te te infawmkhawm an ni a tournament an hmachhawn voi-1 na a ni bawk a rinaiin an thleng sang round of 16 te hial an thleng ve a, Kulikawn pawh kha rilru lamah an hlau bik miah lo bawk kha an fakawm khawp asin!!
@Dampuia:I swi dikin ka hria keipwh,best player chu Chhinga ni khn ka hria a….an va la intum twklo deuh ve
@Dampuia Fanchun Man Utd
Kan tihsual a ni e. Ka siamtha e.
MRP nge nge a, an lo ropui e, an champion leh mai ang a..Kingsley pawh chu a va rapthlak ve ! Mahse Valpuia hian mind game a khel thiam khawp mai 🙂 Hetiang tur hi ni.. Inhlau lo tawn se in huphurh lo tawn teh se, Hmasawnna zel a ni e..
red ribbon-ah khan zoramthara hi best player ni lovin top scorer zawk emaw ka tia.ka hriat sual nge in ti dik lo.
Mizoram Police FC chu an va ‘bon’ thei angreng ve aw. Luangmual FC nen an intum hun (an chak chuan) a nghahhlelhawm hle mai.
Mizoram Police player Valpuia thusoi hi ka tawmpui khawp mai,Vengthar FC hi chu team tharlam deuh an nia,beisei a sang tehchiamlo.
Naktuk match a hmuhnawm ang,result mak tak2 a awm ngei ka ring
Chanmari chu kan chaklo ngei mai… 🙂