L&L Memorial Trophy : Semifinal-ah MPL Club Pathum!


L&L Memorial Trophy Serchhip a khelh mekah Mizoram Premier League Club pali an tel a, chung zinga pathum Mizoram Police, FC Kulikawn leh Luangmual FC te chuan semifinal an lut a, Dinthar FC erawhin SemiFinal hi an thleng zo lo a ni. Anni pathum bakah hian nikum lama MFA First Division Club 1st Bn MAP Academy ten semifinal hi an lut bawk.

Luangmual FC 6-0 Vengchung FC
Vawiin inkhel hmasaberah Luangmual FC chuan Vengchung FC chu 6-0 ngawtin an sawp a. Luangmual tan hian an player thar Champhai atanga an lak Isaac Lalrinngheta leh Rosangliana ten goal hnih ve ve an thun a. Racy K. Lalremmawia leh Denghmingthanga ten goal khat ve ve an thun veleh bawk.


Luangmual FC Manager Muanpuia chuan,”Vawiin khua a tha a, a vanneihthlak khawp mai. Mahse nimin lama field diak a, an khelh avangin field a rual rem lo deuh. Kan khelhtha thawkhat e, fitness leh skill-ah min pha lo deuh” tiin ZoFooty a hrilh a.

Coach Vanlalrova pawn an Manager ngaihdan hi a tawmpui a, Jerry Zirsanga chungchang zawhna chu,”Nia, field a tha tawk lova, inhliam dam kawr anih avangin a inhliam kan hlau a, kan khelh tir ngam lo a ni. Amaherawchu training naah erawh kan tangkai pui hle, amah pawn khelh a chak tawh a, Semifinal-ah hian a lut thei maithei” a ti. An tumpui tur I-Day Champion Mizoram Police chu a huphurh bik loh thu ZoFooty hrilhin,”Police chu kan hneh thin alawm” a ti. Rova enkawlna hnuaiah hian Luangmual hian MFA League 2nd Phase-ah 1st Bn MAP, 3rd Bn MAP leh 1st Bn MAP Academy te hi an hneh vek a ni. Dinthar FC chungchang pawh sawi kaiin,”An tla kha a zahthlak viau ang, an vanduai a ni. Keini pawh kha vanduai ilang chuan tla thei chu kan ni alawm. Aizawl khaw pawnah chuan field a that tawk loh chuan chhuah a huphurhawm ta khawp mai, chakloh chuan MPL Club chaklo kan ni tawh mai sia, field that leh that loh an ngaihtuah tawh si lova” tiin ZoFooty a hrilh.

1st Bn MAP Academy 1-0 Chhim Veng SC
Dinthar FC hnehtu Chhim Veng SC chu 1st Bn MAP Academy chuan Isaac Hmingthansanga goal hmangin an hneh a. Anni hian Semifinal-ah FC Kulikawn an tum dawn a ni.

Hmar Veng FC 0-3 FC Kulikawn
FC Kulikawn chuan Hmar Veng FC chu 3-0 a hnehin an striker thar Kelechi Kingsley chuan goal a khung leh a. Lalrintluanga leh R. Lalnuntluanga ten goal khat ve ve an khung bawk.

FC Kulikawn General Secretary Pu MP-a chuan,”Vawiin chu kan player tha Kingsley, Zoramthara, Valtea te kan han chawlh tir a, first half tir lamah kan game pawh a tha tawk lo khawp mai. Second half a kan player tha te kan luh tir hnuah chuan kan kheltha” tiin ZoFooty a hrilh a. Serchhip Tournament a hlawkthlak em tih ZoFooty in a zawhna chu,”Hlawk thlak nge thlawk thlak loh pawh hriatthiam har, kan squad a lian lova, player inhliam an awm phah ang tih te hi kan hlau a ni. Dinthar FC inkhel kan en tum phei kha chuan haw leh mai te kha kan rilruk hman a, referee chu kan sawi theih chu a ni lova, mahse a ham tha tawk lova. Field a chhiat deuh avangin inhliam a hlauawm hle bawk” tiin ZoFooty a hrilh a. Semifinal a tumpui tur !st Bn MAP Academy chungchang sawiin, Pu MPa chuan,”Team hrim hrim hi kan huphurh lova, mahse sawi tawh ang khan inhliam hi kan hlau a ni, MPL hi kan tum ber a ni si a. Players te pawh hi an fitness a la tha tawk lo niin ka hria. Aizawl-ah kan let leh veleh diet nen uluk taka kan tih chhoh chu a ngai dawn a ni” tiin ZoFooty a hrilh.

Vawiin Inkhel Result:
Luangmual FC 6-0 Vengchung FC
(Isaac Lalrinngheta 29′, 40′; Rosangliana 47′, 58′; Racy K. Lalremmawia 67′; Denghmingthanga 76′)
1st Bn MAP Academy 1-0 Chhim Veng SC
(Isaac Hmingthansanga 37′)
Hmar Veng FC 0-3 FC Kulikawn
(Lalrintluanga 60′, R. Lalnuntluanga 65′, Kelechi Kingsley 80+)

SemiFinal Fixtures
17th September 2012
(11:00 A.M.) Mizoram Police FC Vs Luangmual FC
(01:00 P.M)1st Bn MAP Academy FC Vs FC Kulikawn

Posted in F.C. Kulikawn, Luangmual F.C., MPL, Result.

16 Comments

  1. Grass phah loh field an hmusit a ni lova, grass phah field lama inkhel thrang tawh tan cuan grass lova khelh cu harsa tak a ni……… hmana Vai hoin Mizorama inkhelh an huphurh thrin kha ka hrethiam ve ciah zok a ni. Serchhip hi an hmusit reng2 lova, khelh a har thu an soi mai niin ka hria. Kei Kulikawn Midum Palian Kingsley hi ak hmu chak der lo, a chhan chu I League-a top foreigner mah khuti khop khuana n tlaw a, ka hmu chak lo. A lian bawk a, tharum a ngah ang a, MPL ah cuan goal poh a score treuh maitheia mahse ka dah sang chuang lo an Odafa ho khuan.

  2. A tha e. Kingleys a kan head khalh deuh reng mai lom..tin a mah hi 6`5 a tlin ka va ring lo e o tihsual a awm a ni lo mo….6`1 or 6`2 bak a nih ka ring lo. Kulikawn kha an vannei a ni Keeper tihsual ah khan goal khat kha khung lo se Penalty shoot out a ni lo ang tih a sawi theih miah loh..

  3. Hmanni lawkah artificial grass chungah kan khel ve dek deka thangkhat lian em pawh ala nih loh laiin grass phahloh field kan hmusit hma mah mah lo mw, khi laia hlawkna han hmulo te chu haw vang vang mai turah ka ngai, sawrkarin field changtlung zawk a ngaihtuah vat vat a ngai a ni mai

  4. 1st Bn. MAP Academy leh Serchhip Chhim Veng inkhel khi tun Tournament-a inkhel hmuhnawm ber a tih ngam awm e. 1st Bn. MAP Academy lam hian Penalty Shoot-out hmanga an goal thun chu an chakpui hram a ni e.

  5. Coach leh manager thusawi ho chu a ngaihnawm hlawm hle mai. Rova thusawi, “Police chu kan hneh ṭhin alawm.” tih te khi MPL vel chu nise boruak ti hot tu tur, post thar siam a, sawiho luai luai tham niin ka hria hehe.

    Semi final ah chuan an inhnehtawk viau tawh turah ngai ang,

  6. MPL nghahhlelawm zual sauh2 mai..jerry lo awm leh bok nen..a tihlu zual takzetin ka hria..india coaching staff-te pawh an rawn thrut ve nawlh2 ka ring e.MPL atanga india tana khel tur an thlan hun phei chuan Times of India chhiar a nuam leh ngawt ang.

Leave a Reply

Or

L&L Memorial Trophy : Semifinal-ah MPL Club Pathum!

L&L Memorial Trophy Serchhip a khelh mekah Mizoram Premier League Club pali an tel a, chung zinga pathum Mizoram Police, FC Kulikawn leh Luangmual FC te chuan semifinal an lut a, Dinthar FC erawhin SemiFinal hi an thleng zo lo a ni. Anni pathum bakah hian nikum lama MFA First Division Club 1st Bn MAP Academy ten semifinal hi an lut bawk.

Luangmual FC 6-0 Vengchung FC

Vawiin inkhel hmasaberah Luangmual FC chuan Vengchung FC chu 6-0 ngawtin an sawp a. Luangmual tan hian an player thar Champhai atanga an lak Isaac Lalrinngheta leh Rosangliana ten goal hnih ve ve an thun a. Racy K. Lalremmawia leh Denghmingthanga ten goal khat ve ve an thun veleh bawk.

Luangmual FC Manager Muanpuia chuan,”Vawiin khua a tha a, a vanneihthlak khawp mai. Mahse nimin lama field diak a, an khelh avangin field a rual rem lo deuh. Kan khelhtha thawkhat e, fitness leh skill-ah min pha lo deuh” tiin ZoFooty a hrilh a.

Coach Vanlalrova pawn an Manager ngaihdan hi a tawmpui a, Jerry Zirsanga chungchang zawhna chu,”Nia, field a tha tawk lova, inhliam dam kawr anih avangin a inhliam kan hlau a, kan khelh tir ngam lo a ni. Amaherawchu training naah erawh kan tangkai pui hle, amah pawn khelh a chak tawh a, Semifinal-ah hian a lut thei maithei” a ti. An tumpui tur I-Day Champion Mizoram Police chu a huphurh bik loh thu ZoFooty hrilhin,”Police chu kan hneh thin alawm” a ti. Rova enkawlna hnuaiah hian Luangmual hian MFA League 2nd Phase-ah 1st Bn MAP, 3rd Bn MAP leh 1st Bn MAP Academy te hi an hneh vek a ni. Dinthar FC chungchang pawh sawi kaiin,”An tla kha a zahthlak viau ang, an vanduai a ni. Keini pawh kha vanduai ilang chuan tla thei chu kan ni alawm. Aizawl khaw pawnah chuan field a that tawk loh chuan chhuah a huphurhawm ta khawp mai, chakloh chuan MPL Club chaklo kan ni tawh mai sia, field that leh that loh an ngaihtuah tawh si lova” tiin ZoFooty a hrilh.

1st Bn MAP Academy 1-0 Chhim Veng SC

Dinthar FC hnehtu Chhim Veng SC chu 1st Bn MAP Academy chuan Isaac Hmingthansanga goal hmangin an hneh a. Anni hian Semifinal-ah FC Kulikawn an tum dawn a ni.

Hmar Veng FC 0-3 FC Kulikawn

FC Kulikawn chuan Hmar Veng FC chu 3-0 a hnehin an striker thar Kelechi Kingsley chuan goal a khung leh a. Lalrintluanga leh R. Lalnuntluanga ten goal khat ve ve an khung bawk.

FC Kulikawn General Secretary Pu MP-a chuan,”Vawiin chu kan player tha Kingsley, Zoramthara, Valtea te kan han chawlh tir a, first half tir lamah kan game pawh a tha tawk lo khawp mai. Second half a kan player tha te kan luh tir hnuah chuan kan kheltha” tiin ZoFooty a hrilh a. Serchhip Tournament a hlawkthlak em tih ZoFooty in a zawhna chu,”Hlawk thlak nge thlawk thlak loh pawh hriatthiam har, kan squad a lian lova, player inhliam an awm phah ang tih te hi kan hlau a ni. Dinthar FC inkhel kan en tum phei kha chuan haw leh mai te kha kan rilruk hman a, referee chu kan sawi theih chu a ni lova, mahse a ham tha tawk lova. Field a chhiat deuh avangin inhliam a hlauawm hle bawk” tiin ZoFooty a hrilh a. Semifinal a tumpui tur !st Bn MAP Academy chungchang sawiin, Pu MPa chuan,”Team hrim hrim hi kan huphurh lova, mahse sawi tawh ang khan inhliam hi kan hlau a ni, MPL hi kan tum ber a ni si a. Players te pawh hi an fitness a la tha tawk lo niin ka hria. Aizawl-ah kan let leh veleh diet nen uluk taka kan tih chhoh chu a ngai dawn a ni” tiin ZoFooty a hrilh.

Vawiin Inkhel Result:

Luangmual FC 6-0 Vengchung FC

(Isaac Lalrinngheta 29′, 40′; Rosangliana 47′, 58′; Racy K. Lalremmawia 67′; Denghmingthanga 76′)

1st Bn MAP Academy 1-0 Chhim Veng SC

(Isaac Hmingthansanga 37′)

Hmar Veng FC 0-3 FC Kulikawn

(Lalrintluanga 60′, R. Lalnuntluanga 65′, Kelechi Kingsley 80+)

SemiFinal Fixtures

17th September 2012

(11:00 A.M.) Mizoram Police FC Vs Luangmual FC

(01:00 P.M)1st Bn MAP Academy FC Vs FC Kulikawn

Posted in Rampawn.

Leave a Reply

Or