MFA Cup 2012 Champion Sports and Youth Services Football Club (SYS F.C.) chuan season thara an club a khel tur lakna hun Rajiv Gandhi Stadium, Mualpui-ah ni 20, 21 leh 22 June 2012 khan an buatsaih a. Player 70 bawr velin he trial hi an hmachhawn a ni. Trial zingah hian player lar sa chu awm tam lo mahse player beiseiawm tak tak erawh an tam hle. He trial-ah hian player thlan chu awm tawh mahse tih chiang thlap ala nih loh avangin a tling list-a hi tarlan theih a la ni lo thung.

SYS F.C. hi S. Malsawmtluanga (Mama), Mizo Trio (Jerry, Malsawma leh Rova) etc te lo siam lian tu Pu H. Vanlalthlanga’n a enkawl a. Season hmasa khan MFA Cup a Champion pui bakah 2nd Division-ah pakhatna anih pui bawk a ni. Second Division-ah hian tournament vawithum a awm a, chung zinga vawihnih chu a Champion pui.

SYS F.C. player V. Lalchhuanawma (Chhuantea) chu I-League club ONGC-ah season tharah a khel dawn a, ani bakah hian Joseph Lalfakzuala leh Lalruatfela te pawh India Camp (Junior)-ah an awm mek bawk. Players dangte pawh season tharah chuan Mizoram Premier League ti hmuhnawmtu annih ngei hmel a, hemi anih avang hian SYS F.C. hian season liamta kha an hmang tha hle a tih theih awm e. Season thar lo awm turah hian players thar nen engnge an an dawn tih hriat a chakawm tawh hle.

SYS F.C. a trial playerte hi Mizoram Football khawvelah mi hriat hlawh lo mahse kum khat a ral hnu chuan player langsar tak an rawn nih theih a rinawm a. Trial zinga keeper fit 6 chuang han hmuh phei hi chuan Mizo te hi eng position-ah pawh khel tlak kan awm tih hi a chiang em em a ni.