Loftus Road a inkhel chu London a inkhelh hmaa thawm nei ring ber nilo mahse London a club hlun ber pawl Arsenal chu Queens Park Rangers in a hneh avangin inkhelh hnua thawm nei ring tha a ni thei. Queens Park Rangers hian Adel Taraabt leh Samba Diakite te goal hmangin Arsenal an hneh. Theo Walcott in goal thun mahse Arsenal a chhan zo ta lo.

Starting Line Up
QPR: Patrick Kenny, Nedum Onuoha, Clint Hill, Anton Ferdinand, Taye Taiwo, Shaun Derry, Samba Diakite, Joey Barton (c), Adel Taarabt, Jamie Mackie, Bobby Zamora
Arsenal: Wojciech Szczesny, Bacary Sagna, Laurent Koscielny, Thomas Vermaelen, Kieran Gibbs, Alex Song, Mikel Arteta, Aaron Ramsey, Tomas Rosicky, Theo Walcott, Robin van Persie (c)

Mual neitu lam QPR hian inkhelh tan anih atangin an nawr nghal a. Pumrua lian zawk leh chak zawk nia lang QPR ten Arsenal player te hmun an pe lo. Nikum season a QPR player tha ber Adel Taraabt chu Arsenal defender Thomas Vermaelen dan hneh rual lovin a chetha a, QPR goal hmahruai hi minute 22 na ah a thun a. Arsenal lamin nawrlet ve in minute 37 na ah tunlaia goal thun thei tak Theo Walcott chuan Arsenal goal a thun leh a. Half time ah 1-1 a ni. 2nd half pawh a hma ang bawkin QPR lamin an nawr a. Arsenal in an game pangai an khel hleitheilo. Alex Oxlade-Chamberlain leh Maruoune Chamakh te luhtir ni mahse Arsenal in an nawr tak tak thei chuanglo. Minute 66 na ah QPR chakna goal hi midfielder Samba Diakite in a thun hnuin goal dang a lut lova, QPR in Arsenal 2-1 in an hneh!