Tunkar tawpah ram hrang hranga league te chawlin international match hrang hrang khelh a ni dawn a, Indian National Football Team pawh Malaysian Football Team nen friendly match khel turin a inbuatsaih mek. India leh Malaysia te hi vawihnih an intum dawn a, November 13 ah Guwahati a Indira Gandhi Athletic Stadium ah inkhelin, November ni 16 ah Kolkata-a Salt Lake Stadium-ah an intum leh ang.
India players te hian Zirtawpni khan Guwahati an thleng khâwm tawh a, Inrinni-ah training an nei nghal dawn a ni. India chief coach thar Savio Medeira chuan a naute chu Malaysia khel tura an inpeih tawh thu a sawi. He India team-ah hian Mizo tlangval pahnih, Jeje Lalpekhlua (Striker) leh Lalrindika Ralte (midfielder) te pawh koh tel an ni.
India hi FIFA ranking thar berah khan 160 na an ni a, Malaysia hi 151 na an ni thung. Medeira chuan, “Malaysia hi ranking ah chuan an sâng zawk ngei mai a, mahse ranking-ah kan buai lem lo. Kan thiam dan berin kan khel dawn a, chak ngei tumin kan hmachhawn dawn a ni.” a ti.
Tunhnaiah India hian FIFA ranking-a anmahni aia ranking sâng zawk an tum nual tawh a, chak aiin chak loh/chak zawh loh a tam zawk. Hei hian ranking lamah hma a sawn tir hleithei lo niin a lang. FIFA ranking hi football thiam ram tehna ni mahse number mai a nihna lai a awm ve tho a, hetia mahni aia sâng zawk te khelh ngun hi India team tan chuan hmasawnna a ni ngei ang. Malaysia lakah Jeje-a’n a pet goal thei angem?
November ni 13 a an inkhelh hun hi 5:30 pm a ni. TV lamah an pekchhuahna tur kan la hre thei lo a, an pechhuak a nih chuan a chhuahna channel tarlan ngei kan tum dawn nia.
Ram pahnihte squad:
India:
Goalkeepers: Gurpreet Singh Sandhu, Karanjit Singh, Subhashish Roy Chowdhury.
Defenders: Jaspal Singh, Sameer Naik, Mahesh Gawli, Debabrata Roy, Anwar Ali, Syed Rahim Nabi, Gouramangi Singh.
Midfielders: Baldeep Singh, Rocus Lamare, Mehrajuddin Wadoo, Francis Fernandes, Climax Lawrence, Anthony Periera, Clifford Reyes Miranda, Jewel Shaik Raja, Steven Benedict Dias, Lalrindika Ralte.
Forwards: Baljit Singh Sahni, Jeje Lalpeklua, Sushil Singh, Joaquim Abranches, Sunil Chhetri.
Malaysia:
Goalkeepers: G. Jeevanathan, Mohammedd Sharbinee, Mohammed Farizal Marlias
Defenders: Mohammed Aidil Zafuan Abdul Radzak, Mohammed Norhafiz, Mohammed Nasriq Baharom, Mohammed Faizal, Mazlizam Mohamad, Abdul Aziz Ismail, Mohammed Rizal Fahmi Abdul Rosid, Mohammed Azmi Muslim, Amirizwan Taj Tajuddin.
Midfielders: Amar Rohidan, S. Chanturu, Mohammed Bunyamin Umar, Mohammed Safiq Rahim (C), S. Kunanlan, Shahurain Abu Samah, Jospeh Kalang Tie, Mohammed Khyril Muhymeen Zambri.
Forwards: Shahrizal Saad, Abdul Hadi Yahya, Mohammed Faizal Abu Bakar, Mohammed Safee Mohammed Sali.
cialis 20 mg price
generic cialis india
Cialis vs levitra
Cialis pharmacy
Goal.com tarlan dam chuan india 1-1 malaysia, jeje leh rindikaten an khel pha lo ve ve.
Keipawh ka zawng kual deuh a, TV a an pekna tur awm reng reng ka hmu zo lo tlat mai.
Tv ah hian an live dawn lo emawni, programme atang chuan ka la hmu lo reng2.
Nizana England te kha…nuam tawps. Parker Man of the Match.
@Eddie-nia, ka lo au kep dawn che nia. He2.
@Lalthanzama Vanchhawng- nia, rawn review pawh chu a chakawm khawp mai, mase thuziak vel hi ka thiam vak lova,(nangni in thuziak te chu en ai mahin kan fiah zawk emawni aw… Ti tur ania.) an rawn review huna comment atangin ka lo sawibel zawk ang.he2.
(Goal bula k thu anga, kn Mizo players te lo tih phur kan tum teh ang. Mizo ka thian dang te pawh an rawn kal dawn)
@SinlungSuok : I va awhawm ve ! Inkhelh zawhah pix nen rawn review la. tv ot internet atang ringawt ai chuan a hmun ngeia en hi a ropui tlat !!
Ka’n sawi ve leh lawk.. A hmuhnawm fu ka ring tlat.. Medeira hian a hruaina hnuaia home ah leh nghal chaklohpui chu a duh dawn lo bur.. Squad hi en chian chuan nikuma Arrows player ho tih loh khi chu experience an nei tha tawh hlawm a nia. TV lama an pekna tur awm ka zawng ngial a, a vang kher mai. Online streaming te chu a awm mahna.. Indian Football hi chu tuipui viau pawn TV lamah hian en tur a vang leh thin si a, a luhaithlak deuh zawng a ni..
@Sinlungsuok: Minlo au kep rawh aw,a ring thei ang berin ha3.
a hmun a en ve chu a va chakawm ve..vannei bik hle mai.
@Eddie- nia, naktuk zan chu anuam ngawt ang. Jeje le Dikdika te hi kan lo cheers up dawn alawm. Kan Mizo players ten goal thun ngei bawk se chu kan au ring ngawt ang.he2.
@Ramenga: A lawmawm thin e. Sinlungsuok iva thikawm bik ve,t.v lamah tal te chuan kan en ve thei em ang chu maw. Jeje leh Didika te Hamaradesh-ah hian, mizo te min chawisangtu anva ni chiang em,nia,han khel ngei se,goal pawh score se ava nuam dawn em. Mei kawh va2 khawpin ka tan e.
Red card kan hme leh te a nihloh chuan kan chak ngei ka ring,…Home advantages chu dah tha ila,.skill ah hrim2 pawh keini aia an san lutuk bikna a awm lo,..Best of luck team India (a bikin Jeje and Didika)
A hmun ngeia va en ka tum asin, ticket pawh ka peih fel vek tawh e.. Zofooty member te a kal tur in awm em? Nuam dawn raps.
Good post ! Jeje leh Rindika hian pet goal se nimai.. chuan home a nia, kan chak ring bawk ang..
Striker M. S. M Sali pawh hi an Sunil Chhetri a ni ve ang chu:-).. Didika leh Jeje te khel ngei se la.. Goal han score bawk se la.. Guwahati a zu chhuk a va chakawm ve le. Malaysia hi writer tam tak chuan an dahsang zawk nangina kan chak ngei ka beisei.. Best of Luck to Didka and Jeje..
Kan page hi a hausa tawh lutuk nge mobile atang pawn luh a va har ngar ngar ve.. Joseph Kalang Tie khel hi vawi khat chu ka hmu tawh. A tha ve phian mai. TV lamah an khel hmuh tur awmse la aw…
malysia ram ah awm mah i la india ka tan tlat don en va chak om toh ve.