Zofooty chuan vanneihthlak takin hun chep tak karah East Bengal defender thar Robert Lalthlamuana kawmna hun kan nei thei hlauh mai a. Naktuk hian Prayag United nen an intum dawn a, Prayag ah hian S.Malsawmtluanga (Mama) a khel nghe nghe. Robert-a kawmna hi ZoFooties ten i lo chhiar dawn teh ang.
Q.1. Churchill Brothers-ah season nga zet i khelh hnuah tun season atang East Bengal-ah i insawn ta a ni a, enge i insawn chhan deuh ber?
Ans: Churchill Brothers hi TFA atanga ka chhuak tirhin ka zawm nghal a, chuan kum nga ngawt mai Pathian venna zarah ka khel chho ve a. A nuam pawh ka tiin ka khelh chhungin Pathian zarah harsatna leh buaina em em ka nei ngai lova, mahse tuna ka khelhna hian kum tin deuh thaw min lo be ve thin a, sum a tam deuh zawk bakah challenge thar hmachhawn a chakawm ve riauin ka hria a ka in sawn ta a ni.
Q.2. East Bengal-ah hian Mizo engzat nge awm che u? First eleven in chang thei dawn em?
Ans: Mizo hi pahnih kan awm a. Kei leh Beikhokhei kan ni a. Tin, East Bengal hi India-ah chuan club lian pawl tak a ni a. Chuvang chuan players-te pawh kan ngahin tha tak tak kan nei fur hlawm a. First Eleven chan reng hi a harsa ve khawp mai. Mahse Coach-te rin pawl chu kan nih ve ngei ka beisei.
Q.3. I-League first match-ah khan i club hlui Churchill Brothers in hneh lo a ni a, in hneh loh chhan ni bera i hriat engnge? Fans lam atang auh elnate i dawng em?
Ans: Nia, I-League opening match-ah khan Churchill kha kan hneh lo a ni a, keimah bikah chuan club hluite a nih vang nge ni ka tang ulh ni deuh berin ka hria a. A team pumpui ang chuan kan en vek ang khan kan goal concede kha keimah ni mistake atanga awm a ni a, second half-ah phei kha chuan kan nawr ve viau chuan ka hria a, mahse a pawimwh ber goal kan score thei tlat si lova, kan chak zo ta lo ni berin ka hria.
Q.4. Next match-ah eng club nge in tum dawn? In chak i ring em? I huphurh em?
Ans: Naktuk,October ni 29 hian Prayag United (Mama-te) nen kan inkhel dawn a. Prayag United hi tun I-League team-ah chuan team balance tha pawl niin ka hria a. Kan first match kan chak loh avangin kan chak ngei ngei a ngai dawna, kan turning point a nih ngei pawh ka beisei. Tin, Mama nen kan in chang dawn a nih hmel a (kan khelh ve ve chuan), a chakawm tawh khawpin ka hria.
Q.5. I-League-ah hian eng club-te hi nge Big Four-a i ngaih?
Ans: Dempo, Churchill Bros, East Bengal leh Mohun Bagan. Salgaocar-te hi season hmasa lamah che tha viau mah se Big Four-ah chuan ka la ngai lo deuh.
Q.6. I-League-ah hian in champion theih i ring em?
Ans: Aw, ring e.
Q.7. Eng postion-ah nge i khelh? Tunge khelhpui nuam ila tih ber?
Ans: Left back-ah ka khel a. Khanthang Paite (ka roommate ni bawk leh TFA a ka awmpui thin Churchill atanga East Bengal-a ka insawnpui) hi khelhpui nuam ka la ti ber.
Q.8. I-League striker i hmachhawn tawh-ah tunge tha ila tih ber?
Ans: I-League striker ka hmachhawn tawhah chuan foreigner-ah chuan Baretto hi tha ka ti a, chuan Indian-ah chuan Bhaichung Bhutia hi tha ka la ti ber.
Q.9. India ram pawnah hian club leh ram tan khawi hmunahte nge inkhelin i zin tawh? Khawi hmun nge nuam ila tih ber?
Ans: India ram pawnah hian ram tan leh club tan hian heng: Germany, Netherland, Thailand, Vietnam, China, UAE, Qatar, Kuwait, Bahrain, Barbados, Trinidad and Tobago, Guyana, Maldives, Sri Lanka leh Bangladesh-te hi ka hriat theih chin chu a ni a. Tin, heng kan kalna hmunte hi ram nuam tak tak hlir a ni ve a, chung zingah chuan Maldives leh Barbados hi nuam ka la ti deuh ber.
Q.10. Indian players-ah hian tunge forward, midfielder, defender leh goalkeeper-ah tha i la tih ber?
Ans: Forward-ah chuan Bhaichung tha ka ti a, midfielder-ah chuan Chitra Sen, defender-ah chuan Mahesh Gawli leh goalkeeper-ah chuan Subrata Paul.
Q.11. Jersey number engnge i hak? Hak chhan-te a awm em?
Ans: Jersey number 25 ka ha a, chhan erawh a awm hran lo.
Q.12. Eng boot nge i bun? Bun chhan-te a awm em?
Ans: Adidas ka bun a, a chhan chu ka ke pian nen a inmil vang a ni.
Q.13. I footballer ngaihsan ber? Club tan ber?
Ans: Ryan Giggs hi ka ngaisang a, tin, Manchester United ka tan ber.
Q.14. Super Cup in champion kha nuam i ti em? Players-te-ah phurna a pe cheu em?
Ans: Vietnam-ah tournament khel in kan kal a kan che tha vak lova, kan lo let leh a, Super Cup kan khel chhunzawm nghal a vanneihthlak takin tie breaker-ah kan chak hlauhva, ka club thar tana ka cup hmasa ber a nih avangin ka lawm a. Tin, officials leh players-te pawh min ti phur hle.
Q.15. ZoFooty.com hi i lo hmelhriat tawh ngai em? I hmuh dan min hrilh thei em?
Ans: Lo hmelhriat ve tawh teh reng mai, kan practice zawha in ka thlen hi chuan ka en hmasak pawl hi a ni fo thin. Chhiar a nuamin a bengver thlak ka ti a, tang leh zual turin ka chah duh bawk.
Q.16. Sawi belh duh i nei em?
Ans: Mizoram leh hmun hrang hranga awm inkhel leh infiamna ngaisangtute chungah leh kohhran ho hnenah in mi duhsakna leh in mi tawngtaipuinaah lawmthu ka sawi hmasa duh a. Players-te hi mihring ve tho kan ni a, chuvangin field chhungahte leh kan pawn lam nunahte pawh mawi lo deuhva kan lo awm a nih chuan kan zavaia aiawhin ngaihdam ka dil a. Kan hma hunahte chutianga kan awm tawh loh nan leh kan inkhelhnaahte theihtawp chhuaha kan tha leh zung kan sen theih nante in tawngtainaah min lo hre reng thin turin ka chah nawn leh duh bawk che u a. Tin, a tawp berah chuan engmah hi kan theih vang leh kan thiamna vang a ni lova, talent tha tak min petu, kan chak lai leh chak loh lai, kan dam lai leh dam loh lai pawha min veng reng thintu kan Pathian hnenah hian lawmthu i sawi bang loving u tih hi ka players puite ka chah duh bawk a ni.
Q.17. Kawmna hun tha tak min pek avangin kan lawm e.
Ans: Kei pawh ka lawm e.
cialis online canada
cialis india
viagra cialis
cialis coupon
viagra mail order usa
Canadian pharmacy viagra pfizer
Va tha thin ve.. Question no. 16 chhanna pawh khi ka duh khawp mai.. Robert-a hi chu ka thianpa’n Lalnghettluta tiin hming a phuah sak pek..
” kan practice zawha in ka thlen hi chuan ka en hmasak pawl hi a ni fo thin.” tlat mai a… ZoFooties tan chuan a lawmawm dangdai hle mai..
*Robert-a
rober-a inkhel hi chu a hmuhnawma,a desciplene a tha thei ka ti khawp mai.Mahse United kher2 khi chu(h)!!???:)
NIa, a puitling khawp mai. A khelhna rei ve tawh bawk a, Mizo Professional player zinga fakawm ber pawl chu a ni chiang khawp mai le…
ngaihnawm lutuk. Robert-a hi Chuchill Brothers-ah khan captain te a ni hial khan ka hria a (vice captain pawh a ni zawk maithei), Mizo tlangval, I-League club-a hetiang dinhmun chang thei kan nei hi a lawmawm khawp mai.
A zawhna chhan dan pawh a puitling viauin ka hria. Tuna Mizo professional footballer zingah a senior pawl (experience wise) a ni bawk a, a thuchah pawh ngaihnawm dap dap e.