Mario Balotteli in Scott Parker a rah luih vanga red card pek anihloh hlauh avangin hun bek belhah ama penalty hlawhchhuah ah chakna goal penalty atangin a thun.

Goal luh lohna first half!
Tottenham Hotspur leh mual neitu Manchester City in passing game hmuhnawm tak khel mahse clear chance an hmu hleithei lova, chak tum ve ve annih miau avangin goal lut lo mahse inkhel hmuhnawmloh tih phal chi ani lo.

Second-ah inkhel duhthusam!
Premier League hmahruaitu in goal an thun hmasa a, Minute 56 naah David Silva in midfield laiah ball la pheiin, Spurs Central Defender te karah tak ball a pe lut a, chu ball tha tak chu Samir Nasri chuan rawn um lutin goal mawi tak a thun a. A hnu minute thum lekah City in corner an hmu a, mark tu neilo Joleon Lescott chuan a rawn su goal a. Goal line a lo ding Scott Parker kha che rang deuh ta se a goal angem?

Tottenham an tlawm mai dawn emaw tih laiin an la tlawm bik tlat lo, a goal atanga mintute khat lekah Younes Kaboul ball pet chhuah chu central defender Stefan Savic in a lo head pial a, chu ball pial chu Jermaine Defoe tan through ball tha tak ava ni em! Joe Hart in a rawn nangchhing hmain Defoe chuan ball chu va laiin goal ah a thun a. Spurs lamin an la duhtawk mai lo, minute 65 naah Aaron Lenon pass chu Gareth Bale an lo shot ngal in, Joe Hart tan tih theih a awm lo. Minute 9 chhung lekin goal 4 lut hi chu a vang viau ang le.

Lescott in Kaboul a nghawk luih vanga red card a hmulo chu a vannei a tihloh theih lova, chutihrualin subsitute atanga rawn lut, Assou-Ekotto pet thluk vanga yellow card rawn hmu nghal Mario Balotelli pawh Scott Parker a tlawh luih vanga double yellow card a hmu lo chu a vannei takzet bawk.

An in draw tawh mai dawn emaw tih laiin City defender Stefan Savic tihsual nangchingin Gareth Bale in chak takin ball a la phei a, a ball pass tha tak chu (a chak mah mah maithei bawk?) Jermaine Defoe in goal ruak ah a lo thun thelh tlat. A tihsual ti pawi zual turin hun tawp dawn tak tak ah Mario Balotelli chu Ledley King in penalty area chhungah a lo ti tlu a, referee Howard Webb in a tihtur dik tak tiin penalty a pe a, Super Mario chu rawn ding chhuakin penalty chu goal ah a rawn chantir a, a team Man City chu a chakpui ta a ni.

Inkhel te:
Manchester City starting line-up: Hart; Richards, Savic, Lescott, Clichy; Milner, Barry, Nasri; Aguero, Dzeko, Silva.
Subs: Pantilimon (GK) Zabaleta, Kolarov, Onuoha, De Jong, Johnson, Balotelli.
Tottenham starting line-up: Friedel; Walker, Kaboul, King, Assou-Ekotto; Lennon, Parker, Modric, Bale; Van der Vaart; Defoe.
Subs:Cudicini (GK) Pavlyuchenko, Bassong, Dawson, Kranjcar, Livermore, Pienaar.